CHAPITRE LXXXVI

Comment le seigneur de Saintrê, satis riens nommer, compta Vistoire de ma dame, de damp Abbez et de luy ; et rendit la sainture a ma dame devant la royne et plusieurs aultres dames et damoyselles.

L'acteur. — Le seigneur de Saintré lors commença son compte en la meilleure façon et manière qu'il sceut, et dist :« Ma dame, j'ay naguieres veu unes lettres d'une ystoire vraye et nouvellement advenue en Almaigne, d'une très noble et puissante dame qui de sa grâce print plaisir en ung jouvencel bien gentil, et tant de biens, d'amours et d'onneurs luy monstra que, par certain espace de temps, elle le fist ung très renommé chevalier ; et tant loyaulment se entre amerent, comme la lectre dit, que oncques plus loyaulx amours, ne amans plus secretz, ne furent.

L'acteur. — « Mais la fortune, la traîtresse comme dit le bon Boece,

A s.i dextre plaine d'orgueil, Voult SCS sergeus mectre en ducil ; Plus soudainement les surprent, Q.ue le flot de mer ne s'esprent.

Et les trestourne en si peu d'eure Que le plus bas vient au desseure, Et au dessoubz \ient le plus hault; Ke de leurs pleurs, riens ne leur chault.

Et quant ont plus douleur et yre.

Alors se prend plus fort à rire.

Sa joye est que, en peu d'espace.

Le plus heureux le chetif fasse.

Saintré. — « Ainsi fut il, ma dame, de ce povre maleureux qui tant estoit en grâce de sa dame que oncques avant de dames ne fut mieulx amé. Advint que par la voulante de fortune, pour l'amour d'elle et pour accroistre son honneur, il vint en France faire armes, dont il yssit à son honneur. Et endementiers que ces choses estoient, sa dame s'accointa d'ung grant, gros et très puissant de corps moynne qui estoit damp Abbez d'une abbaye bonne et riche, et tant se entre amerent qu'elle en oublia son très loyal amy et serviteur du tout. — Et lors, respondist la royne, elle fist sa malle joye que pour ung moynne laisser celuy qui tant l'aymoit. — Ma dame, il fut ainsi, car je l'ay ainsi veu par lectre qui mye ne me mentiroit. Or, escoutez, ma dame, et orrez la raison et la fin. — Or, dictes doncques, dist la royne, et achevez. » Et lors de mot à mot l'istoire compte : et premier, comment l'amant les trouva au gibier, comment l'Abbez

manda à ma dame se on le retiendroit au soupper, et la responce qu'elle en fist ; comment l'amant, pour veoir l'affaire, ne se fist gueres prier; comment l'Abbez et ma dame blasonnerent les chevaliers et escuiers qui par le monde alloient faire armes ; comment elle mist sus la lucte, et en fut juge ; comment ilz lucterent et se desvestirent en pourpoint, et les beaulx saulx que l'Abbez faisoit devant ma dame ; le ris, les jeux, les mocqueries qu'ilz faisoient à l'occasion de la lucte, et de ce que l'Abbez en avoit l'onneur ; l'ambassade que le couvant en fist ; et, pour abréger, comment il fut en la cité disner, comment ilz furent armez, et leur bataille ; comment à l'Abbez en print, aussi les parolles que ma dame dist à l'amant, en le villainement menassant pour l'amour de son nouvel amy ; comment il mist la main à son toupet, faisant semblant qu'il la voult frapper ; les parolles que l'amant luy dist, et comment il luy osta sa sainture, que porter ne debvoit de la couleur qu'elle estoit, pour sa desloyauté. Et après ce qu'il eut conclu, fut illecques la dame, que on cuydoit estre d'Ailmaigne, très grandement blasmee et mesprisée, et fut l'amant de sa bataille, qu'il avoit emprise, très grandement loué. Et de ceste belle nouvelle fut illecques la joye si grande qu'à peine se povoit on départir, ne cesser de rire ; mais

ma dame, là, simple et coye, sans dire mot, à maie chiere escoutoit tout. Lors le seigneur de Saintré dist à la ro3^ne et à toutes les aultres dames qui là estoient :

« Ma dame, et vous, mes dames, l'istoire demande qu'il doit estre dit de ceste dame, se elle a bien fait ou non ? et à vous, ma dame, j'en demande la première. » Quant ma dame la royne ouyt parler des amours de damp Abbez et d'une dame, doubla aucun peu que pour sa Belle Cousine ne fust ; mais, pour ce qu'elle n'avoit sceue l'amour d'elle et du seigneur de Saintré, de certain ne sçavoit que penser ; lors, pour veoir que ma dame diroit, le commencer à parler d'icelle dame remist à elle. Lors elle respondit : « Ma dame, il me soit pardonné, car à ce qu'il a devisé riens n'y pensoye ; mais,s'il vous plaist, faictes dire les aultres, jaçoit ce que l'on s'en de^Toit taire, et quant vous et toutes en aurez dit, je diray après ce qu'il me semble. •» Alors la royne dist : « Mais puisqu'il faut que comme royne nous commençons, vrayment, Saintré, s'il est ainsi que vous avez dit, nous disons que telle dame est faulce et maulvaise, et n'en disons plus. »

Saintré. — « Or ça, ma dame de Rethel, qu'en voulez vous dire? — J'en dit ce que la royne en a dit, et oultre plus que on la devroil bannir de toute bonne compaignie, se elle y

esloit. — Or ça, vous, ma dame de Vendosme, qu'en dictes vous? — J'en dis, beaulx amys, qu'on la devroit lyer sur ung asne, le viz devers la queue, et mener par la ville à grant dérision. » — Et vous, ma dame du Perche, quelle est vostre opinion ? — Je dis que la royne et les dames, qui en ont jà dit, ont si bien dit que on ne porroit mieulx, et si dis oultre que telle dame debvroit estre despouillée toute nue dès la sainture en amont, et toute rezée, puis oincte de miel, et menée par la ville, affin que les mouches luy courrussent sus, et la picquassent, la faulce dame qu'elle est, se elle est vive, d'avoir laissé son si parfaict et loyal serviteur, chevalier ou escuyer, pour ung moynne ; et benoist soit l'amant qui ainsi la pugnist. » Lors n'y eut dame ne damoyselle qui toutes n'en rissent, et qui ne s'accordassent esdictes oppinions ; desquelles oppinions furent les dames de Beaumont, de Craon, de Graville, de Maulevrier et d'Ivry; les hommes qui là estoient escouterent à grant deduyct et n'en dirent riens. Et par ainsi devant elle furent données ces oppinions, et oyle jugement de sa desloyaulté.

Et quant le seigneur de Saintré eut à chascune demandé, et en eurent dit ce que dessus est dit et assez pis, il se tourna à uui dame, et le genoii a terre luy demanda son oppinion.

comme aux aultres. Ma dame, qui moult estoit esbahye et ne sçavoit que dire, comme celle à qui l'istoire touchoit de bien près, tant fut par la royne et autres dames contraincte, que force luy fut qu'elle en dist son advis comme les aultres ; lors dist : « Puisque il faut que j'en dye, il me semble que celuy amant, chevalier ou escuyer, quel qu'il soit, fut très mal gracieulx d'avoir dessainte celle dame et emporté sa sainture, comme vous avez dit. — Voire, ma dame, dist le seigneur de Saintré, vous ne dictes et ne respondez riens qui soit à mon propoz, ne à ma demande qui est cy : La dame a faict bien ou non d'avoir ainsi habandonné son loyal amant et serviteur ? et n'y sçavez vous aultre chose, fors que pour avoir dessainte sa très faulce dame de sa sainture bleue, et emportée comme très indigne de telle couleur porter ; et dictes que pour ce il fut très mal gracieulx ? » Lors tira de sa manche la sainture ferrée d'or, en lui disant : « Ma dame, je ne le vueil plus estre si très mal gracieux. » Et devant la royne et sa compaignie de dames, de chevaliers et d'escuyers, très gracieusement un genoil bas, il la luy mist en son giron. Et quant la royne et sa compaignie virent et oyrent ceste merveilleuse chose, par merveilles et grant esbahyssement l'ung l'aultre regarda ; et de ma dame furent tous et toutes, comme

chascun le peut penser, très esbahys. Et ne fault mye à demander s'elle estoit bien honteuse, car illecques elle perdit toute joie et honneurs. Et cy commenceray la fin de ce compte, priant, requérant et suppliant à toutes dames et damo3'selles, bourgeoises et aultres, de quelque estât qu'ilz soient, que toutes preignent exemple à ceste si très noble dame oyseuse, qui par sa luxure se perdit, et vueillent bien penser audit commun proverbe qui dist : oncques ne fut feu sans fumée, tant fut il en terre parfond ; c'est à entendre que oncques ne fut bien ou mal, tant fust il secret, repozé ou obscur, que à la fin ne soit sceu ; car ainsi l'a ordonné le vray et tout puissant juge de toutes choses, auquel ne fault, ne ne peut on riens celler, pour mériter les bons et les justes, et pour pugnir les pécheurs et les maulvais, soit en ame, soit en corps ou en honneur ; ainsi qu'il fist de ceste dame, et de maints aultres hommes et femmes qui sont pugnis pour leurs desordonnées voulentez. Hz sont bien des fumées sans feu, c'est à entendre qu'ilz sont maintes faulces langues desliées de flateurs à gecter les fumées sans feu, c'est à dire, porter et rapporter faulces et mauvaises nouvelles et renommées à hommes et femmes, sans cause et contre raison ; mais elles ne peuvent porter le feu ; c'est la véritable preuve dont ilz

demeurent d'âme, d'honneur et maintes fois du corps, perduz et dampnez, et sont par derrière villainez et mocquez.

Et cy donneray fin au livre de ce très vaillant chevalier, qui, oultre les armes que j'ay dictes, fut en mainctes aultres batailles par mer et par terre, et fist corps à corps maintes aultres armes, et en especial fut l'ung des seize chevaliers et escuyers qui combatirent au Carre, devant le souldan, vingt deux chrestiens renoyez, et les desconfirent pour la foy de nostre seigneur Jésus Christ ; et voyagea très longuement, qui seroit trop longue chose à vouloir tout reciter. Et quant le plaisir de Dieu fut à soy vouloir prendre son ame par la mort qui n'espargne nully, le jour qu'elle clost la porte à la clarté de ses yeulx, il estoit le plus vaillant chevalier tenu du royaulme de France ; lequel de sa vie naturelle fina ses jours en la ville de Sainct Esprit sur le Rosne, ayant prins tous les saincts sacremens, ainsi que tous bons et vrays chrestiens doyvent faire ; duquel si très vaillant chevalier, plusieurs nobles preux ont recordez que ceulx qui faisoient sa sépulture, ont trouvé ung petit escrinet d'yvoire, auquel avoit ung bresvest qui disoit : Cy reposera le corps du plus vaillant chevalier de France, et plus, qui pour lors sera. Duquel plusieurs dient

qu'il se doit entendre le plus vaillant du monde qui en son temps fust. Doncques, pour amour de ses vaillances, j'ay prins plaisir de veoir où son corps gist ; et, de la lame couchiée sur luy, prins en mémoire les lectres entaillées qui, en latin, disoient ainsi :

HIC JACET DOMINUS JOHANNES DE SAINTRE, MILES SENESCALUS ANDEGAVENSIS ET CENAMANENSIS, CA- MERARIUSQUE DOMINI DUCIS ANDEGAVENSIS, QUI OBIIT ANNO DOMINI MILLESIMO CCC.LX.VIII.DIE XXV. OCTOBRIS. CUJUS ANIMA IN PAGE REQUIESCAT. AMEN.

EXPLICIT SAINTRE.