CHAPITRE LXXXV

Comment ma dame fut a la court, et la bonne chiere que chascun luy fist.

L'aCTETJK. — Ma dame, toute pasmée et dolente de ses amours, vint à la court, acompaignée de plusieurs seigneurs, contes, barons, chevaliers et escuyers, qui au

devant luy furent ; et quant elle fut arrivée, fist sa révérence au roy qui assez bien la recueillit, puis va à la royne qui luy dist : « Vostre venue a esté bien longue, il me semble que bien aymez l'air du pays. » Puis va à messeigneurs les ducz qui assez gracieusement la receurent, puis luy dirent : « De vostre venue dictes nous grant merc}-. » Et puis les aultres dames et damoyselles, chevaliers et escuyers, tous luy vont faire la révérence et festoyer; et ainsi passa environ ung moys. Advint que ung soir, après soupper, estant le roy et la royne en ung beau preau, en grant nombre de dames et de seigneurs, lors le seigneur de Saintré dist à la royne et aux aultres dames : « Seez vous toutes cy, si vous compteray une vraye nouvelle et merveilleuse histoire qu'on m'a de bien loing escripte. — Avant, dist la royne, et pour Dieu, que nous le saichons, ma dame, seez vous là. » Lors appella ma dame Belle Cousine. « Et entre vous dames, seez vous toutes cy, et escoutons ceste nouvelle que nous veult dire le seigneur de Saintré. » Lors la royne s'assist, et fist seoir ma dame auprès d'elle, et puis les aultres dames ou damoyselles entremeslées d'aucuns seigneurs, chevaliers et escuyers qui là estoient. Lors, en riant, dist la royne : « Monseigneur de Saintré, maistre des nouvelles, commencez à deviser. »

422 LE PETIT JEHAK DE SAINTRE