CHAPITRE III

Comment ladite jeune dame délibéra en soy défaire renommer le petit Saintré, et le fist appeller en sa chambre, l interrogant qui estoit sa dame par amours; de laquelle chose le petit Saintré fut tout honteulx et ne respundoit parolle du monde, fors qu'en la un dist qu'il n'en ar oit point.

L'acteur. — Geste dame, comme dit est, ayant emprins pour quelque occasion que ce feust de jamais plus soy marier; et nonobstant ce, elle ayant son cueur en diverses pensées, entre lesquelles par maintes fois se appensa que vraiement elle vouloit en ce monde faire d'aucun jeune chevalier ou escuyer, ung renommé homme ; et en celle pensée se arresta totalement. Si regarda par plusieurs jours, çà et là, les bonnes meurs et condicions de tous les jeunes gentilz hommes en enffans de la court, pour en choisir ung le plus à son gré. Mais à la parfin sur le petit Saintré s'arresta. Si advint que elle, pour veoir son maintieng et son parler, plusieurs fois publicquementde plusieurs choses l'arraisonna, dont, tant plus à lui elle parloit, et

tant plus lui venoit à plaisir. Mais d'aultre chose qui d'amours touchast, ne s'en osoit, ne vouloit descouvrir. Si advint ainsi que, fortune et amours l'eurent permis, ma dame venoit en sa chambre, qui sur ce jour avoit mis la royne à dormir, et en passant sur les galleries avec ses escuiers, dames et damoiselles, qui après elle venoient, trouva le petit Saintré là, qui regardoit bas en la court les joueurs de paulmes jouer. Et quant il vit les escuiers de ma dame passer, incontinent à genoulx se mist, faisant sa révérence. Mais quant ma dame le vit, elle fut bien aise, et en passant oultre, lui dist : « Saintré, que faictes vous cy? Esse la contenance d'un escuyer de bien, que de non convoyer les dames ? Or çà, maistre, passez et vous mectez devant. » Alors le petit Saintré, tout honteux, le viz de honte tout enflambé, soy inclinant, se met devant avec les aultres. Et quant ma dame le vit devant, alors s'en alla tout en riant avecques ses femmes et leur dist : « Mais que soyons en la chambre, nous rirons. » Lors dist dame Jehanne : « Ma dame, et de quoy? — De quoy, dist ma dame, vous verrez tantost la bataille du petit Saintré et de moy. — Helas ! ma dame, dist dame Katherine, et que a il fait? il est si bon filz. » Et entendisque ces parolles estoient, ma dame en sa chambre entra, alors dist à tous ses gens : « Allez deshors entre vous

hommes, et nous laissiez icy. » A ces parolles chascun saillit dehors, et le petit Saintré à genoulx print congié ; et quant ma dame le vit à genoulx, elle lui dist : « Vous demourrez, maistre, vous n'estes pas au compte des hommes ; je vueil cy parler à vous. » Alors la porte fut close. Ma dame, assise sur les pies du petit lit, le fist entre elle et ses femmes venir; et lors print sa foy de lui dire de toutes ses demandes la vérité. Mais le povre jouvencel qui ne pensoit pas à ce où ma dame vouloit venir, si lui promist, et en ce faisant pensoit : « Las ! que ay je fait? mais que sera cecy? » Et en ces pensemens, ma dame, en soubzriant à ses femmes, lui dist : « Or çà, maistre, par la foy que j'ay de vous, dictes moy tout premier combien il y a que vous ne veistes vostre dame par amours? » Et quant il oy parler de dame par amours, comme celui qui oncques ne l'avoit empensé, les yeulx lui lermoyent, le cueur lui fremist, et le viz lui palist, si qu'il ne sceut ung seul mot sonner. Alors ma dame lui dist : « Et qu'esse cy? maistre, et que veult dire ceste chiere ? » Les autres dames, qui entour rioyent, lui dirent : « Et, Saintré, mon amy, pourquoy ne dictes vous à ma dame, puis quant vostre dame ne veistes? ce n'est pas grant demande ; » et tant le pressèrent, qu'il dist : « Ma dame, je n'en ay point. — N'en avez vous point? dist

ma dame, et qui seroit la bien heureuse qui ung tel ami aroit? peult bien estre que n'en avez point, bien le croy ; mais de celle que plus vous aimez, et vouldriez que feust vostre dame, puis quant ne la veistes vous? » Le petit Saintré, qui, comme dit est, n'avoit senty ne gousté des amoureux désirs nullement, dont par ce avoit perdu toute contenance, fors de entortiller le pendant de sa sainture entour ses dois, sans mot parler fust longuement ; et quant ma dame veit qu'il ne respondoit riens, si lui dist : « Et, beau sire, quelle contenance est la vostrei Ne dictes vous mot? Se je vous demande puis quant ne veistes celle que plus desirez à estre sien, je ne vous fais nul tort. » Alors dame Jehanne, dame Katherine, Ysabel et les autres, qui de ce toutes rioyent, en heurent pitié. Lors dirent à ma dame : « Il n'est pas ores pourveu de vous faire telle responce, mais se il vous plaist ceste fois lui pardonner, il la vous fera demain. — Demain, dist ma dame, ains qu'il parte d'icy, je le vueil sçavoir. » Alors toutes lui dirent, l'une « mon filz, » l'autre « mon amy, » et l'autre « petit Saintré, dictes sceurement à ma dame puis quant ne veistes vostre dame, ou aultrement vous estes son prisonnier. » Et quant il fut bien d'elles tout assailly, alors il dist : « Que voulez vous que je vous dye? quant je n'en ay point, et se j'en eusse.

l8 LE PETIT JEHAN DE SAINTRÉ

povre desprisonné print à genoulx de ma dame congié et puis des aultres, lors s'en va; et au congié d'elles lui dirent : « Souviengne vous de la promesse, car nous sommes pleiges pour vous. » Et quant il fut hors de la chambre, lors commença tant qu'il peult à fuyr, comme s'il feust de cinquante loupz chassie. Ma dame et ses autres dames, qui sur jour dormir dévoient, ne cessèrent de rire et raisonner du grand effroy qu'il avait eu en son logis, et tant en rirent et raisonnèrent, que vespres sonnèrent, et sans dormir les convint lever. Et quant Saintré eut les autres enffans ses compaignons trouvés, Dieu scet s'il leur compta de ses adventures nouvelles. Lors de la grant joye qu'il avoit d'estre eschappé, peu à peu sa promesse oublia, fors de tant qu'il veoit ma dame et ses aultres femmes qu'il fuyoit comme le venin, dont elles s'en rioyent par grand délit. Mais, une des fois au disner, les deux dames estant à table le veoient çà et là par les tables servir toutes les aultres dames et damoiselles, comme il avoit acoustumé, fors que elles seulement ; si le firent à elles venir, puis luy dirent: « Et, beau sire Saintré, à quel jeu vous avons nous perdu? Vous nous soûliez servir comme les autres, et ores vous nous fuyez? — Mes dames, dist il, baissant les yeulx de honte, sauf vostre grâce ; » et en disant ce, il s'en partit. Alors commença

le ris moult longuement de l'une à l'autre. Ma dame, qui estoit assise au bas bout de la table du roy et de la royne, d'aventure vit devant elle le petit Saintré, et vit aussi comment elles rioyent après lui ; si leur demanda, après que les tables furent levées, ce que le petit Saintré leur avoit dit de quoy elles tant rioyent. Lors lui dirent comment il servoit toutes les dames fors que elles, et ce qu'elles lui avoient dit et ce qu'il avoit respondu en passant oultre. «Or, laissiez moy faire, dist ma dame, encore en rirons nous plus avant, mais que ma dame soit couchiée. » Et quant vint au vin de congié prendre, ma dame qui vit le petit Saintré portant une tasse à servir, le Est à soy venir et luy dist : « Saintré, allez vous en es galleries et là me attendez, comment qu'il soit, car je vous vueil envoyer en la ville pour moy faire ung plaisir, et vous serez bien mon amy. » Le petit Saintré, qui oyt ma dame si doulcement parler^ fut bien content, et pensa qu'elle eust toute sa promesse mis en oubly, si lui dist : « Ma dame, très volentiers. » Alors le roy se retraist, et aussi fist la royne. Lors le petit Saintré s'en alla aux galleries, si ne tarda guaires que le roy ne se mist à dormir, et que ma dame revint en sa chambre où elle trouva le petit Saintré, comme elle lui avoit dict; lors lui dit : « Allez devant avecques les aultres. » Et quant elle fut

en sa chambre, assise sur les piez du petit lit, dist à tous ses escuiers et aultres qu'ilz s'en allassent hors. Alors appella le petit Saintré et lui dit : « Or, sire, vous ay je ci, où est vostre foy, que par deux foys me promistes, et par quatre jours vous fuyez de moy? quelle vengeance et quelle pugnicion doit on prendre d'ung homme qui a menty sa foy? » A ces dures et cruelles paroUes ne pensa moins que d'estre mort ; lors tout à coup à genoulx et à mains jointes se mist, requérant à ma dame mercy, disant que vrayement il avoit eu grandement à faire. Ma dame, qui derrière luy veoit ses femmes rire, s'en tenoit le plus qu'elle povoit, si luy dist : « Or bien, sire, prenons qu'il soit ainsi comme vous dictes; en ces quatre jours avez vous dame choisie? » Et quant il ou)rt de ce parler, il ne prisa plus sa vie que sa mort ; lors commencèrent ses yeulx à plourer, son viz à pallir et à tressuer comme celluy qui avoit jà tout ce oublié, si ne sceut plus que dire, ne comment soy excuser. Lors ma dame, qui le vit en tel party, en soubzriant à ses femmes dist : « Que diriez vous d'ung failly escuyer, qui par deux fois a donné sa foy à une dame, comme vous savez bien, et pour si peu de chose il a failly ; quelle pugnicion doit il avoir? Et à vous, dame Jehanne, j'en demande tout premier. » Et quant le povre gentil homme

se ouyt ainsi de ma dame reprocher, il ne cuyda pas moins que à ce coup il ne fust perdu et à tousjours deshonnoré. Lors à jointes mains, estans toujours à genoulx, requist de rechief à ma dame, pour Dieu, mercy ; puis se tournoit envers les aultres dames que toutes priassent pour luy. Ma dame, qui de tout ce estoit très aise, et tant plus qu'elle le veoit si humble et innocent, l'aymoit trop mieulx, pensant que se elle pouvoit par bonne façon en son service l'acquérir, qu'elle le mectroit bien à son ploy; et neantmoins voult elle à dame Jehanne et aux autres sa demande entretenir. Dame Jehanne esmeue de toute pitié, ne prenant pas garde, non faisoient nulles des autres, là où ma dame vouloit saillir, luy dist : « Helas ! ma dame, s'il a failly dans sa promesse, vous avez ouy son excuse, pour les grans affaires qu'il a euz, dont il vous en requiert, à genoulx et à mains jointes, très humblement mercy, et aussi faisons nous toutes pour luy. — Et vous, dame Katherine, qu'en dictes vous ? — Helas ! ma dame, je ne sçay que dire, fors que il s'en repent, et le trouverez ainsi ; si vous requiers pour luy mercy. — Et vous, Ysabel, qui estes la plus ainsnée, qu'en dictes vous.' — Ma dame, j'en dy comme les aultres; et oultre plus vous sçavez que le povre prisonnier vous confessa loyaulment qu'il n'avoit point de dame advisée

pour servir, dont je le croy mieulx que aultrement ; ma dame, pardonnez luy, car il a bien à penser le cueur d'ung nouvel amant délibéré de loyaulment servir, comme le sien est, de bien choisir, et soy du tout asservir aux entiers commandemens de sa dame, s'il n'est d'amours bien grandement amy ; mais sur ma foy, ma dame, je croy que amours il ne vit oncques, ne ne parla à luy ; et n'est il pas vray, dit Ysabel, mon filz ? — Par ma foy, Ysabel ma mère, ouy, que oncques je ne parlay à luy, ne ne le vy. — Or regardez doncques, ma dame, ce povre suppliant qui oncques ne le vit, ne le congnust, ne parla à luy, comment pourroit si tost avoir choisi dame ? car ceulx qui jà en ont esté accointez, doubtant le reffuz, y font de pensemens assez. Et pour ce, ma dame, je dis que vrayement pour ceste fois il luy doibt estre pardonné. — Et qu'en dictes vous, Marguerite, Aliz et vous aultres femmes? Je vueil que chascune en dye son dit. » Alors toutes ensemble s'arresterent à l'oppinion de Ysabel, comme la plus ancienne et qui plus avoit veu et avoii ouy.