CHAPITRE II

Comment en la court de la royne de France estait 7ine jeune dame qui point ne se voulait remarier, nonobstant qu'elle en fut /art sollicitée. Et des responces quelle faisait touchant les dames anciennes.

L'acteur. — En celui temps, en la court de la royne Bonne de Bouesme, femme dudict roy Jehan, avoit une assez jeune dame vefve, qui des Belles Cousines de France estoit : mais de son nom et seigneurie l'istoire s'en taist, à cause de ce que cy après pourrez veoir et oyr. Laquelle dame, oncques puis le trespas de feu monseigneur son mary, ne se voult remarier pour

quelque occasion que ce feust, ou pour ressembler aux autres vrayes vefves de jadis, dont les histoires romaines, qui sont les suppellatives de toutes, font tant de glorieuses mencions ; desquelles pour lors je me passe pour abregier ma matière et venir à mon propos de ceste dame, qui oncques puys qu'elle fut vefve, à nul mary ne se voult accompaignier. Si me semble, de prime face, que elle vouloit ensieuvir les anciennes vefves de jadis; si comme les histoires dient que les Romains avoient une très loable coustume de très grandement exaulcier, loer et honnourer les bonnes femmes vefves, celles qui, après le trespas de leurs premiers maris, jamais plus ne se vouloient remarier; ains pour la très grande et loyalle amour qu'elles leur portoient, vouloient garder honnesteté et entière chasteté. Et de ce dit l'Apostre en sa première Epistre ad Thymothetun, ou V" chapitre : Honnoure les vefves. Celles ne sont droictes vefves, qui ne se remaryent, pour ce qu'elles ne treuvent à qui ; c'est assavoir à l'empire de leur delict ou aussi à leur prouffit, ou pour aucune autre cause; et ne le font mie pour l'amour de Dieu, ne pour l'amour qu'elles avoient à leurs premiers maris ; comme les aultres qui ne se veullent acompaigner à pires ne à meilleurs. Si comme dit Virgille au quart livre de Eneas, lequel Eneas tant

LE PETIT Jehan de sainthé

ama Dydo que il en mouroit ; mais Dydo de son amour ne tenoit compte, car tant avoit amé et encore amoit son mary tout mort, qu'elle ne le povoit oublier ; et à Anne sa sœur, quant elle lui parloit de marier, disoit les paroles qui s'ensuivent :

nie meos primus qui me sibi junxit amores Absiulit, iile liabeat secum, servetque sepulchro.

Duquel vers la sentence est telle : Celui qui premier me joignist à lui, lasse moi ! il emporta mes vraies amours, lequel je vueil qu'il les ait tousjours, et qu'il les garde en son sépulcre avecques lui. Les Romains, ainsi qu'ilz honnoroient de couronnes ceulx qui faisoient les grans vaillances d'armes, si comme celui qui premier passoit le fossé ou le palis de l'ost aux ennemis, estoit couronné de la couronne Valere, et celui qui premier montoit sur l'eschielle et sur les murs, à l'assault d'une cité ou chastel ou ville, estoit couronné de la couronne Muralle,et ainsi des aultres vaillances pareillement avoient ilz acoustumé ; et semblablement couronnoient ilz très solemnellement les femmes vefves, qui pour l'amour et honneur de leurs marys premiers ne se vouloient plus marier et vouloient honnestement garder leur chasteté, de la couronne de Chasteté, qui estoient trop plus honnourées

que les aultres vefves n'estoient. Et sur ce dist sainct Jerosme au second livre, parlant contre Jovinian, de celles vefves, et met exemple de plusieurs qui ne vouldrent nulz secons maris ; si comme de Marcia qui estoit fille de Cathon, qui sans cesser estoit en deuil de son mary. Ses amis en la reconfortant lui demandoient et disoient : « Las ! et quant cessera vostre dueil ? » Et elle leur respondit qu'il cesseroit le très benoist et dernier jour qu'elle mourroit. Encore recite d'une aultre nommée Lucia, qui jour et nuyt ne cessoit de plourer et ramentevoir son bon mary mort ; et pour la jecter hors de son deuil, son père luy parla d'un aultre nouvel mary. « Helas ! dist elle, sire, pour Dieu, ne m'en parlez plus. » Et quant son père la blasmoit de ainsi jeune vefve demeurer, elle, pour conclusion, luy respondoit : « Sire, j'amoye tant cestuy, que je ne pourro3'e jamais nul aultre tant soit peu amer ; et se, par ma desordonnée simplesse, je en prenoye ung qui me feust bon, jamais mon cueur, pour doubte de le perdre, joie ne pourroit avoir; et s'il m'estoit fier ou rigoreux, ma doloureuse vie finiroit briefment. >•> Dont par ainsi voult en cest estât toute sa vie demourer. Et maint biaulx aultres exemples met ledit benoit saint Jherosme, desquelz je me délaisse, car là les pourra veoir qui veult. Entre lesquelz exemples de mariage, il en met

ung aultre, qui est riable au iiii xx xvj de son Epistre. C'est d'une femme à Rome, qui ne fut point de ces très parfaictes vefves ; car elle espousa xxij maris, dont il advint que par aventure se trouva ung homme de la ville qui avoit eu xx femmes espousées : desquels à grant riz et à grant feste le mariage se fist, dont le peuple de Rome en eut grant soûlas et joye, desirans veoir lequel d'eulx l'autre surmonteroit. Si advint que la femme morut premier. Alors vindrent tous les gallans de Rome qui lui baillèrent en sa main une branche de lorier, en signe de sa victoire sur celle qui avoit desconfit xxij maris, et sur son chief, en signe de grant joie, luy misrent ung chappel de rame vert ; et ainsi le menèrent par la ville à tambours et busines en le acompaignant, cryant par tout : « \'ive, vive Palmo, qui a desconfit la femme aux xxij maris.» Et cy donrray fin à ces exemples pour revenir à l'istoire de ma dame et du petit Saintré.

que les aultres vefves n'estoient. Et siir ce dist sainct Jerosme au second livre, parlant contre Jovinian, de celles vefves, et met exemple de plusieurs qui ne vouldrent nulz secons maris ; si comme de Marcia qui estoit fille de Cathon, qui sans cesser estoit en deuil de son mary. Ses amis en la reconfortant lui demandoient et disoient : « Las ! et quant cessera vostre dueil ? » Et elle leur respondit qu'il cesseroit le très benoist et dernier jour qu'elle mourroit. Encore recite d'une aultre nommée Lucia, qui jour et nuyt ne cessoit de pleurer et ramentevoir son bon mary mort ; et pour la jecter hors de son deuil, son père luy parla d'un aultre nouvel mary. « Helas ! dist elle, sire, pour Dieu, ne m'en parlez plus. » Et quant son père la blasmoit de ainsi jeune vefve demourer, elle, pour conclusion, luy respondoit : « Sire,j'amoye tant cestuy, que je ne pourroye jamais nul aultre tant soit peu amer ; et se, par ma desordonnée simplesse, je en prenoye ung qui me feust bon, jamais mon cueur, pour doubte de le perdre, joie ne pourroit avoir; et s'il m'estoit fier ou rigoreux, ma doloureuse vie finiroit briefment. v Dont par ainsi voult en cest estât toute sa vie demourer. Et maint biaulx aultres exemples met ledit benoit saint Jherosme, desquetz je me délaisse, car là les pourra veoir qui veult. Entre lesquelz exemples de mariage, il en met

ung aultre, qui est riable au iiii xx xvj de son Epistre. C'est d'une femme à Rome, qui ne fut point de ces très parfaictes vefves ; car elle espousa xxij maris, dont il advint que par aventure se trouva ung homme de la ville qui avoit eu XX femmes espousées : desquels à grant riz et à grant feste le mariage se fist, dont le peuple de Rome en eut grant soûlas et jo3'e, desirans veoir lequel d'eulx l'autre surmonteroit. Si advint que la femme morut premier. Alors vindrent tous les gallans de Rome qui lui baillèrent en sa main une branche de lorier, en signe de sa victoire sur celle qui avoit desconfit xxij maris, et sur son chief, en signe de grant joie, luy misrent ung chappel de rame vert ; et ainsi le menèrent par la ville à tambours et busines en le acompaignant, cryant par tout : « Vive, vive Palmo, qui a desconfit la femme aux xxij maris. » Et cy donrray fin à ces exemples pour revenir à l'istoire de ma dame et du petit Saintré.