CHAPITRE XXXVIII

Comrnent le herault d'artnes proiioncea le dicton de la victoire que gaingua Sainiré; des p7-is et offertes faictes de l'ung a l'autre, et de l'yssue des lices.

LE JUGEMENT DE CES ARMES. — « Mes deux seigneurs qui estes cy presens, sans nommer l'ung ne l'autre, nostre seigneur roy a bien veu voz chevalereuses armes, si très bien faictes et acomplies par chascun, que nul au monde porroit mieulx faire, ainsi que elles s'ensuyvent cy après. » Et toutes les courses, de point en point escriptes, les leut et puis dist : « Et pour ce que à la dernière course par le noble escuyer Jehan de Saintré, vous avez tant de lances bien rompues per à per, par la cinquiesme que vous, très noble escuyer Jehan de Saintré, avez très bien rompue, et fin de voz armes à cheval, le seigneur roy vous en

adjuge le pris. » Alors messire Enguerrant s'approcha de Saintré, pour soy acquiter du ruby; mais quant Saintré le vit à luy venir, lors brocha son destrier, et, tant comme il peut, s'advança à luy. Lors en soy fort inclinant lui toucha la main, et, au mieulx qu'il peut, l'accola, puis luy dist : « Monseigneur et mon frère, tant et de si bon cueur comme je puis, vous remercie du grant honneur que vous m'avez faict.» Alors messire Enguerrant, comme saige et gracieulx chevalier, luy dist : « Et que dictes vous, mon frère, c'est vous que je doy mercier de ce que m'avez très bien batu ; si prie à Dieu et à monseigneur sainct George, qu'il vous doint faire de bien en mieulx persévérer ; et aussi à vostre très belle dame qu'elle le vous vueille mériter, à laquelle humblement je me recommande, que, en tesmoing de toutes ces paroUes, vers elle je m'acquite de ce ruby, qu'elle vous a fait loyaulment gaigner, luy priant qu'elle le vueille prendre en gré. » Alors Saintré soy inclinant, le très bel ruby il print, et humblement l'en mercia, et puis luy dit : «Or, monseigneur mon frère, c'est par vous que je l'ay gaigné, qui vous estes faint; mais affin que vostre très désirée dame ne perde son droit, vous prie, en moy humblement recommandant à elle, ce petit dyamant vous plaise luy porter et donner. » Et quant messire Enguerrant vit ce très bel et gros

dyamant, et la franche, liberalle et haulte courtoisie de Saintré, se tourna aux aultres seigneurs prochains, et en son langaige castellan leur dist : « Et vrayment cestuy est bien la fleur de tous les jeunes gentilz hommes. » Puis dist à Saintré : « Certes, sire, je vous en remercye, de par ma seigneurie et de par moy ; et autant de gré vous en sçavons que se je le prenoye, ou se elle l'avoit receu ; mais vous me pardonnerez à ceste fois, car je ne le prendray point ; ainsi le donneray à celle qui l'a bien desservy et gaigné. » Saintré moult l'en prie, et messire Enguerrant s'en deffent, en le refusant, tant que le roy demanda que c'estoit. Et quant il le sceut, et la royne aussi, n'est pas à demander se Saintré fut du roy et de la royne, des seigneurs et des dames, des chevaliers et des damoyselles, des escuyers et de tout le commun, très grandement loué. Toutesfois le roy, voyant les grandes prières de Saintré, manda à messire Enguerrant que le diamant print, puis que de sa courtoysie il l'en requeroit tant qu'il ne le devoit point reffuser. Alors messire Enguerrant le print ; et ce fait, trompettes et menestriers commencèrent à sonner. Et le roy ordonna qu'ilz s'en allassent desarmer. Messire Enguerrant et Saintré par leurs grandes courtoysies vouldrent l'ung l'autre convoyer, illecques firent moult de prières ; mais en la fin, messire Enguerrant gaingna, et

LE PETIT JEHAN DE SAINTRÉ f]'/

pour plus amplement monstrer sa courtoysie, le print par sa main dextre, per à per. Et quant ilz furent au logis de Saintré, Saintré fist tout son povoir et devoir de le reconvoyer, et l'eust bien fait, se les seigneurs de la court, tant d'un costé que d'aultre, n'eussent Saintré, oultre son gré, retenu. Saintré pria moult les seigneurs, ses conseillers, et aultres, de soupper celle nuyt avec luy, mais pour prière nulle, aucun n'y voulut demourer ; ains le laissèrent tous celle nuyt reposer. Et ainsi fut demessireEnguerrant, pensant lendemain aux armes à pié besongner ; mais le roy, comme doulx, saige, gracieulx seigneur et prince, celle nuyt considéra la peine que celuy jour ilz avoient prinse, fit leurs armes pour ce jour delaier, pour chascun bien à son aise reposer.

LE PETIl JEHAN DE SAINTBE