CHAPITRE XXXVIl
Comment le roy envoya quérir les deux cha»ipions pour soiipper avecques luy. Et puis comment le lendemain retournèrent aux lices, faisant merveilles l'ung à l'autre.
L'acteur. — Et quand ilz furent tous desarmés et aucunement reposés, et messire Enguerrant appareillé de sa main, le roy les manda quérir pour soupper avecques luy; et fit Saintré seoir à sa dextre, comme estranger, et messire Enguerrant à senestre, comme subgect de l'hostel, lequel portoit sa main lyée et en escharpe. Et quant les tables furent ostées, le roy fit venir la rojTie et les dames ; lors commencèrent les dances, et la royne print Saintré, et les aultres dames et damoyselles prindrent aussi chevaliers et escuyers qui estoient venus avecques luy. Là fut Saintré de tous et de toutes moult loué. Messire Enguerrant, de l'aultre lez, de tout son povoir, honnoroit et festoyoit Saintré, qui fut ainsi festo3'é jusques à ce que messire Enguerrant fust bien guary.
Et au quatriesme jour, pour parfaire leurs armes, le roy ordonna qu'ilz fussent sur les rencz tous armez ; et tout ainsi que l'autre fois venuz estoient, ilz y vindrent, fors que du chief n'estoient point armez, eulx et leurs destriers de nouveaulx paremens tous houssez. Et quant ilz furent tous en point es lices, le roy commanda qu'ilz feissent leurs devoirs. Alors l'ung contre l'autre, leurs lances arrestées, brochèrent leurs destriers.
A ceste cinquiesme cource, messire Enguerrant print joignant la broche au double du grant gardebras, et Saintré au pié du demy heaulme ; et tous deux rompirent bien leurs lances, et tellement que les esclas voilèrent en l'air, dont leurs destriers furent en grant branle de cheoir. Et alors les trompettes de sonner, et les criz du peuple, tellement que à paine se peurent rappaiser, et par ainsi chascun très bien rompist sa lance.
A la sixiesme course, messire Enguerrant print encores au meillieu du gardebras, et Saintré au bas de la baniere, et tous deux rompirent leurs lances. Et, par ainsi, chascun a bien rompu ses trois lances.
A la septiesme course, au joindre des lances, le destrier de messire Enguerrant se voistra, et par ainsi ne firent riens.
A la huitiesme course, quant ce destrier vit
Saintré approcher, tout à coup se tourna, et se Saintré n'eust au coup levé sa lance, il eust par derrière féru messire Enguerrant; dont le roy, la royne, les seigneurs et aussi tout le peuple l'en louèrent grandement. Et lors messire Enguerrant se partit, et s'en alla en sa loge pour changer destrier. Et quant ilz furent venus, lors couchèrent leurs lances et brochèrent leurs destriers, tellement que l'ung ne l'aultre ne toucha.
A la neuviesme course, messire Enguerrant, pour la fureur de son destrier fraiz, haulsa ung peu trop sa lance, et Saintré l'actaint au bas de la rondelle, et clinssa sur la pièce, puis sur l'arrest qui du tout se descloua ; et au desclouer, messire Enguerrant très fort bransla. Et par ainsi Saintré eust bien ses quatre lances rompues. El messire Enguerrant courut soy retraire pour sa pièce changer; et quant il fut sur les rencz retourné, et que chascun eust sa lance sur sa cuysse, lors brochèrent tant qu'ilz peurent leurs destriers, et ne rencontrèrent point.
A ceste dixiesme course, fortune voulut que tous deux croisèrent leurs lances, et de la grant aleure des destriers, l'ung hurta à l'autre ; si qu'il n'y eut haye, qui de drap vermeil estoit pendant alarde, tellement que le destrier de messire Enguerrant tomba, et celui de Saintré fut espaulé. Alors Saintré descendit à terre et
monta sur ung roussin, et en son logis, pour changer destrier, s'en alla ; mais oncques pour conseil d'homme ne se voult desheaulmer. Et quant messire Enguerrant fut relevé et retourné à son costé de la lice, il actendit Saintré qui brièvement vint.
A la unziesme course, messire Enguerrant baissa un peu sa lance et arresta au bas des lames, et Saintré à la rondelle qu'il faulsa bien avant. Alors messire Enguerrant, à cause du ferir bas, ploya, et tous deux rompirent bien leurs lances ; et par ainsi messire Enguerrant n'en rompit que quatre, et Saintré les siennes cinq, dont les esclas voilèrent en plusieurs parts du champ. Alors trompettes de sonner, et voix du peuple de crier, tellement que bien grant temps fut passé avant de cesser. Et à ce coup que les cinq lances de Saintré furent rompues, ainsi qu'en l'emprinse estoit déclaré, messire Enguerrant, qui jà bien veoit et scet que les cinq lances de Saintré sont rompues, et qu'il en a l'onneur, requiert à Saintré la lance des dames, dont il fut content. Et quant le roy entend qu'ilz veullent courir la lance aux dames, lors envoya deffendre la jouxte, pour le péril des armes à pié ; et lors commanda que tous deux, ainsi qu'ilz estoient, vensissent devant lui. Et quant tous deux y furent, commanda les desarmer, puis par son roy d'armes, qu'il avoit
fait sur son hourt monter, fist lire les paroUes qui s'ensuyvent :
