CHAPITRE XLIII

Comment Saintré print congié du roy, de la royne et de tous ceulx de la court, et des dons qui se firent.

APRÈS que Saintré eust ses armes faites, par la façon que avez 03' , il demeura deux jours à Barselonne, festoianl et faisant bonne chère. Et au quatriesme jour il print congié du roy et de la royne, des seigneurs, des dames et damoyselles de la court, aussy des aultres princes, princesses et aultres dames du pays, là venues pour ces armes veoir, dont l'en tenoit assez plus de com])te que l'en ne fait aujourd'hui ; et vouldrent le roy et la royne que, à ce congié, la coustume du pays fust rompue, en tant que touchoit les personnes de Saintré, des chevaliers et escuyers de sa compaignie ; c'est assavoir que tous fussent des dames baisiés. Ht premier la royne voult

commencer, qui baisa Saintré et puis les chevaliers et escuyers de sa compaignie ; et ainsi firent toutes les dames et damoiselles, ce que par la coustume du pays oncques n'avoient faict, ne depuis ne firent, sinon par grant especialité d'amys. Auquel congié prendre, helas ! amours, qui jà avoit, d'ung costé et de l'autre, aucunes de ces très doulces ardans estincelles leurs piteux cueurs alumez, qui à ce très dur départir, tenir ne se peurent que l'eauede leurs très dolans cueurs ne saillit par les 3'eux aval leur face, quelques faintifs semblant de ris que ils feissent. Et après son congié prins et son bagaige party, fist au roy présenter le plus bel et le plus puissant de ses quatre destriers, couvert du plus riche parement qu'il eust, et ung très bel et gent paige, son nepveu, moult gentement habillé, dessus. Et d'aultre part à la royne fist présenter cent aulnes de la plus belle toille d'atour, et aultres cent aulnes de la plus fine toille de Reins qu'il avoit peu finer à Paris, et unes très belles heures garnies de fines pierres et de fin or ; et semblablement à toutes les dames et damoiselles de la court fist présenter aultres deux cents aulnes desdictes toilles que à la royne avoit faict présenter ; à la chambre du roy et de la royne, et aux aultres officiers par moitié cent escuz ; aux roys d'armes et heraulx d'Arragon et estrangers, excepté

les siens, aultres cent escuz ; aux trompettes et tous menestriers, cinquante escuz ; à ma dame Aliéner, une très belle et blanche hacquenée, sellée et couverte d'ung très riche drap de veloux velouté, cramoisy, broché à grans ou- ■\Taiges de fin or, tous frangez d'or et camponnez de soye à ses couleurs ; à messire Enguerrant envoya ung aultre de ses meilleurs destriers, sellé et couvert de l'ung de ses aultres plus riches paremens, avecques une très belle espée garnye de fin or; et à chascun des aultres seigneurs, ses conseillers, envoya ung aultre coursier très bel. Le roy luy envoya ung très bel et puissant coursier puillois et deux beaulx genetz de l'Andelosie, une très belle coupe et son aiguière d'or, trente mars de tasses bien dorées et cinquante mars de vaisselle de cuysine bien belle ; et à ses trois chevaliers, chascun une pièce de veloux cramoisy, et aux neuf escuyers trois pièces de damas cramoisy ; à ses heraulx, trompettes et menestriers deux cents florins d'Arragon, et au surplus cent florins. La royne luy envoya ung très riche drap de veloux en pourpre cramoisy et broché d'argent, comme à l'escuyer, deux pièces de fin damas, l'une cramoysi et l'autre noir, et aux trois chevaliers de sa compaignie à chascun sa pièce de satin plain et bleu. Ma dame Aliéner luy envoya une très belle chaisne

de quatre mars d'or. Messire Enguerrant luy envo3'a ung très bel coursier d'Êspaigne et ung très bel genêt de l'Andelosie, et sur chascun un paige more très bien habillez à la morisque, et une pièce de damas cramoysi, broché d'argent. Le conte de Cardonne luy envoya cinquante mars de vaisselle d'argent. Don Federich de Lune luy envoya douze très belles et grosses arbalestres d'acier et douze brigandines, dont les quatre estoient couvertes de veloux plain, brochées et garnies d'or, les aultres quatre de veloux bleu, et les aultres de diverses couleurs de damas, garnies d'argent doré. Messire Arnault de Pareilles lui envoya ung more noir, très richement habillé, sur ung très bel et puissant genêt, armé et habillé tout à la morisque ; et messire François de Moncade deux très biaulx harnoys tous completz, l'ung d'armes et laultre de joustes, très richement garnis, et une très belle espée garnie d'or, toute esmaillée de blanc, et encores ung turcq, sa femme et ses enfants, très grands, en forme d'imayge, ouvrez très richement de fil d'or et de soye, que Saintré depuis donna à la royne, qui très grant joye en fist. Des aultres dames et damoyselles de la court, n'y eut celle qui ne luy donnast chemises brodées d'or et de soye, arcandoUes, bourses et gants brodés tout à la façon du pays, mistes oyselletz de Chippre

et tant d'aultres odorifiques odeurs que très longue chose seroit à voloir tout reciter; tant estoit le regard d'elles à luy et aux siens que à paine poroit on plus. Que vous dirois je ? Ce fut le gentil homme et aussi ses compaignons que, par avant ne après, je aye leu, ne veu, ne ouy dire qui à si grant grâce et louange de tous en soi jamais parti.