CHAPITRE XLF
Comment Saintré et ses compaignons viennent, et de la bonne chère que le roy, la royne et aiiltres leur firent.
QUANT Saintré fut en son logis, le soir qu'il fut party de Barselonne, pour plus honnestement faire sçavoir à ma 'dame le contenu de ses lectres et de ses armes, son retour et son faict, se advisa que se il envoyoit au roy aulcuns de ses heraulx, que on poroit penser que ce seroit en soy glorifiant de sa bonne nouvelle, dont aucunes foiz des gens en poroit estre reprins ; et, pour ce, se pensa qu'il le diroit à messire Pierre de Preuill}-, auquel moult se fioit. Lequel luy dist
que vrayement plus honneste seroit de le faire par ung aultre, et non par nulz de ses heraulx, jaçoit ce que ce feust leur office ; et encores que à roy, ne à royne, ne à quelconcques aultres, il ne escripvit; a mais se vous vouliez que j 'envoyé Guillaume, mon nepveu, au nom de mo}^, ce sera le meilleur ; et escripray au roy, à la royne et aux dames, l'honneur qu'avez eu ; et aussi Guillaume, qui est assez bien entendant, contera bien tout, et je l'en informeray à la vérité. » Et ainsi fut fait. Et quand le roy, la royne, especiallement ma dame et les aultres de la court le sceurent, la joye fut tout par tout, que il fut plusieurs jours qu'à paine parloit on d'aultre chose. Très desirans de son retour, ma dame qui depuis son partement à paine cessoit elle que nuyct et jour ne fust en prières et oraisons, faisant tous les rendredis et sabmedis son promis veu de non porter sur sa chair nue aucun linge jusques à sa venue, comm.e dist est ; mais quant elle sceut puis la nouvelle que, à la court du roy d'Arragon, il seroit délivré par ung chevalier qui avait l'octroy du roy, acreut son veu que tous les mercredis feroit dire messes, et aulmosnes donner jusques à la despense de dix escuz, en oultre plus, de faire pellerinages secrettement par la ville. Adonc elle se penoit moult souvent, et en especial aux termes qu'elle savoit des armes ; dont ende-
mentiers qu'elle estoit en prières, Guillaume de Preuilly, par messire Pieixe, son oncle, envoyé à la court, apporta la nouvelle telle que j'ay dit. Et quant ma dame sceut celle très désirée nouvelle que Ysabel tout en courant luy apporta, lors ma dame, de ce bien acertainée, incontinent, en son cueur, levant les yeux au ciel, nostre Seigneur remercya ; puis s'en alla en sa chambre, et là à nudz genoulx et mains jointes, à part soy, nostre Seigneur remercya. Que vous dirois je? Tant estoit sa grant joye d'un costé, que à peine tenoit sa contenance ; et, de l'autre costé, le désir de le veoir si grant, que, jour et nuyct, reposer ne povoit, et tel que à peu n'efFaçoit le plaisir que de son bien y avoit. Et à tant laisseray cy à parler de la grant jo)'e qu'elle avoit convertie en très dures douleurs, par l'ardent désir de le veoir; et diray de sa venue devers le roy, et du grant honneur et bonnes chères qui luy furent faictes.
LE PF.TlT JEHAK DE SAINTRE
