CHAPITRE V
Comment la dame enseigna le petit Saintrê de maintes bonnes choses et salutaires doctrines, touchant la manière comment on doit fuyr les sept péchiez mortels.
ENCORE sur ce propos vous dis je plus, que celuy qui entend à loyaulment une telle dame servir, je dis qu'il peult estre sauvé en ame et en corps, et veez cy la raison comment : au regard de l'ame nous devons sçavoir que qui se garde de pechier mortellement, qu'il est sauvé ; car les aultres péchiez véniels, parvraye confession, sont estaintz et anullez à bien peu de pénitence. Dont pour soy garder de pechié mortel, s'il ayme ainsi que s'ensuit, il est sauvé.
« Et premier, au regard du pechié d'orgueil, l'amant, pour acquérir la très désirée grâce de sa dame, s'efforcera d'estre doulx, humble, courtoys et gracieux, affin que nul deshonneste parler ne peust estre dit de luy. En ensuivant le dit du sage Talles de Milesie, qui dit ainsi :
Si tibi copia, si sapientia formaque detur; Sola superbia descruit omnia, si committetur.
« C'est à dire, mon amy : Se tu as habondance de richesses, se tu as sagesse, se tu as noblesse et toute perfection de corps, le seul orgueil, s'il est en toy, destruict toutes les vertus. Et à ce propos dit S ocrâtes :
Quantumcumque bonus fueris, essendo superbus, Totum dépravât, te sola superbia dampnat.
« C'est à dire, mon amy : Combien que tu soyes bon, se tu es orgueilleux, tout est gasté, ton seul orgueil te dampne. Et à ce propos dit encore Themistides, le philosophe :
Ut non infleris, memor esto quod morieris ; Unde venis, cerne quo vadis, te quoque sperne.
« Affin que tu ne soies orgueilleux, souviengne toy que tu mourras. Regarde dont tu viens, et où tu vas ; si te despiteras.
« Et tant d'aultres auctoritez qui trop longues seroient à escripre, desquelles à présent je me vueil délaisser pour venir à mon propos que ung vray amoureux, tel que je dis, les ensuyvra toutes pour acquérir la très désirée grâce de sa très belle dame ; dont par ainsi bannira ce très desplaisant et abhominable pechié d orgueil et de toutes ses circonstances, et se accompaignera de la très doulce vertu de
humilité, dont par ainsi il sera de pechié quicte et sauve.
La dame. — « Et quant au deuziesme pechié, qui est de ire, certes oncques vray amoureux ne fut ireux. J'ay bien ouy que aucunes fois amours leur ont donné desplaisance pour les essaier ; mais ce n'estoit pas ire, s'ilz n'estoient feruz d'autre mal que d'amours. Et pour ce, mon amy, que ce pechié est à Dieu desplaisant, si est il à l'honneur et au corps de celluy qui l'est. Et pour ce vueilles le fouyr à ton povoir et ensuivir le dit du philosophe qui dit :
Tristiciam mentis caveas plusquara mala demis; Segniciera fugias, nunquam piger ad bona fias.
« C'est à dire, mon amy : Fuy tristesse de pensée plus que le mal des dens. Aussi fuy paresse, pour passer la douleur de ton cueur, et fay tousjours bien. Et sur ce propos dit Pitacus de Mitilene :
Efiugias yram, ne pestem det tibi diram; Juris délira, nutrix est schismatis ira.
« C'est à dire, mon amy : Fuy courroux et ire, affin qu'ilz ne te baillent pas leur cruelle pestilence ; car ce sont les voyes qui font forvoyer du droit chemin, et sont nourrices de
tous scismes et divisions. Et à ce propos dit l'Evangile :
Non odias aliquem, sed eum potius tibi plaça; Quisquis odit fratrem, censetur ab hoc homicida.
« C'est à dire, mon amy : Que ne portes à nul ire, ne haine, mais que vous pacifiez à chascun ; car quiconques hait son prochain, il est homicide, comme dit l'Evangile. Et à ce propos dit sainct Augustin, en une de ses Epistres, que tout ainsi que le maulvais vin gaste et corromp le vaissel s'il y demeure longuement, tout ainsi yre gaste et corrompt les cueurs où elle se tient. Et à ce propos s'accorde l'Apostre qui dit : Sol non occidat super iracondiam vestram. C'est à dire que le soleil ne se doit pas esconser sur vostre courroux, ne yre. Et encore à ce propos dit Cathon :
Irapedit yra animum, ne possit ceraere verum.
« C'est à dire, mon amy, que yre et courroux empeschent et aveuglent le couraige de la personne, en telle façon qu'elle ne peult regarder à ce qui est \Tay. Et pour ce, mon amy, que le vray amoureux, tel que je dis, est tousjours et doit estre joyeulx, espérant que, par bien et loyaulment servir, en amours et en sa très désirée dame il trouvera mercy. Et par ainsi il
chante, dance et est joyeulx en ensuivant le dit de Salomon, qui en la fin de son derrain livre conclud et dit : Bene vivere et letari. C'est à dire : Bien vi\Te et jo5'eusement; mais ce bien vivre ne s'entent pas seuUement pour manger bonnes viandes, boire bons vins et dormir longues matinées et en bons licts, et le surplus vivre en tous delicts ; mais s'entend vivre premier avec Dieu, bien soy maintenir véritablement honnestement, et en ce joyeusement. Dont par ainsi je dy que tous vrays amoureux qui, pour acquérir la très désirée grâce de leurs belles dames, fuient à tout povoir ce très desplaisant à Dieu et au monde pechié d'ire, et se acompagne à celle très amoureuse vertu de pascience ; dont par ainsi sont du très desplaisant et envieux pechié d'yre quictez.
La dame. — « Et quant au troyziesme pechié qui est d'envye, ce vray amoureux, tel que je dis, jamais sur homme ne sera envieulx, car s'il venoit à congnoissance de sa dame, il la perdroit vrayement ; car oncques dame d'honneur ne peust aymer homme envyeulx, se ne feust les bonnes vertus pour en estre le meilleur; comme à l'église le plus devost, à table le plus honneste mengeant, en compaignie de dames le plus gracieulx et plaisant, aux armes armigeres et aux armes courtoyses le plus vaillant, et de ce avoir envie pour faire
le mieulx et non aultrement. Et à ce propos dit Seneque :
Quid melius auro? jaspis. Quid jaspide? sensus. Q.uid sensu? racio. Q.uid racione? modus. Omnibus adde modum, modus est pulcherrima virtus.
« C'est à dire, mon fîlz et amy : Quel chose est meilleur que l'or? jaspe. Quel chose est meilleur que jaspe? sens. Quel chose est meilleur que sens ? raison. Quel chose est meilleur que raison ? manière ; car manière est la couronne de toutes vertus. Et encores à ce propos dit le philosophe :
Filius ancille moratus plus valet ille Q.uam régis natus, si non sit moriginatus.
« C'est à dire, mon amy, que le filz de la chambrière, bien moriginé, vault assez plus que le filz d'ung roy qui est mal condicionné. Et encores à ce propos, pour entretenir les bonnes meurs, je vous recorde le dit du sage Solon d'Athènes qui dit ainsi :
Per vinum miser, per talcs et mulieres; Hec tria si sequeris, semper egenus eris.
« C'est à dire, mon amy, que par vin, par jeu de dez, et compaignie de femmes folles, de les hanter, serez tousjours povre, meschant et
malheureux, et hay de toutes bonnes g^ens. Et encores de ce vil pechié d'envye dit Plato :
Invidiam fugere studeas et amore carere
Que reddii siccum corpus, faciens cor inicum.
« Estudie toy à fuyr envye, car envye est sans amour, et seiche le corps, et fait le cueur inique et maulvais ; et pour ce, mon amy, fuys tous vices et toutes gens vicieux ; car amours et dames d'honneur le commandent à tous vrays amoureux, en ensuyvant le dit du philosophe qui dit :
Malo mori famé quam nomen perdere famé.
« C'est à dire, mon bon amy : J'ayme mieulx mourir de fain que perdre le nom de bonne renommée. Dont pour conclure, mon amy, souviegne vous de ce dit que j'ay plus chier mourir de fain, que perdre ma bonne renommée. Et encores au propos de ce dit du philosophe, le sage Chilon de Lacedemonie dit ainsi :
Nobilis es génère, debes nobilis magis esse; Nobilitas morum pluris est quam genitorum; Kobilitas generis mortem superare nequibit.
« C'est à dire, mon amy : Se tu es noble de lignée, tu dois estre plus noble de vertu ; car la
noblesse des bonnes meurs vault trop mieulx que la noblesse des parens, et ne peult la noblesse, tant soit elle grande ne puissante, surmonter la mort ; doncques pour estre ce vray amoureux que je dis, vous escheverez ce très deshonneste pechié d'envie, et vous vous acompaignerez de celle très glorieuse vertu de charité, qui est fille de Dieu et qu'il nous a tant recommandé comme dit est; si serez net, quitte et saulve, au regard de ce pechié.
La dame. — « Et quant au quatriesme pechié, qui est avarice ; certes avarice ne vrayes amours ne pevent loger en ung cueur ensemble. Et se l'aver par quelque cause est amoureux, n'est point à croire que ce ne soit de meschant et ville chose, pour n'avoir cause de riens despendre. Mais le vray et loyal amoureux ne contendra que, à toute largesse, honnorablement servir sa dame et amours, pour soy tenir bien habillé, bien monté et toutes ses gens selon son estât. Et qui plus en fait qu'il ne peult, il en sera fol et mal content ; car amours et dames d'honneurs n'ayment nulz amoureux prodigues, ne telz gens ; mais ayment ceulx qui selon leur estât se gouvernent honnestement; c'est assavoir pour eulx monstrer en armes, en tournois, en joustes et en toutes nobles assemblées, honnestement à leur povoir, sans fol despens, et qui de leurs biens
donnent pour Dieu aux plus nécessaires lieux, en ensuivant l'Evangile qui dit : Beati miséricordes : quoniam ipsi misericordiam consequentur. Mathei V. cap. C'est à dire, mon amy : Bien sont heureulx ceulx qui sont misericords ; car miséricorde ilz ensuyvront. Et ainsi que dit Periander de Corinthe :
Ut sis preclarus, non sis cupidus nec avarus.
« C'est à dire, mon amy : Affin que tu soyes très clerc, ne soyez pas convoiteux, ne avaricieux, et eusses jà des richesses assez ; car homme de telle condition ne peult estre de nully aymé, ains est hay de tous. Et à ce s'accorde le philosophe qui dit :
Funum, rapinatn, fenus, fraudera, simoiiiara, Causal avaritia, luctam, perjuria, bella, Radix cunctorum, sit nempe cupido malorum.
« C'est à dire, mon amy, que avarice est cause de iarrecin, de rapine, d'usure, de fraulde, de symonnie, de parjuremens, de batailles, et conclusion de tous les maulx. Et à ce s'accorde Bias de Prienne qui dit ainsi :
Plus flet perdendo cupidus, quam gaudet babendo ; Et magis est servus, cum plus sibi crescit acenus.
« C'est à dire, mon amy : Le convoiteux plus pleure en perdant, qu'il ne s'esjouyst en ayant; et plus amasse, et plus est serf ei chetif. Et sur ce dit sainct Augustin, que le cueur avaricieux est semblable à enfer; car enfer ne scet tant engloutir des âmes qu'il die : C'est assez. Et ainsi est de l'avaricieux, car se tous les trésors du monde estoient en son povoir, jamais ne diroit qu'il en eust assez. Et à ce propos dit l'Escripture : Insatiabilis oculus cupidi, in parte iniquitatis : non sacialitur, etc. Ecclesiastici. Cap. XIV. C'est à dire, mon amy : L'oeil du convoiteux est insaciable, et il ne sera pas saoul en partie d'iniquité. Et tant d'aultres auctorités, qui se trouveroient très longues à dire, que pour le départir me fault laisser. Dont par ce, le vray amoureux, tel que je dy, pour acquérir la très désirée grâce de sa très belle dame, toutes les acomplist, et laisse ce très desplaisant pechié d'avarice, et se acompaigne avec celle très doulce et très amiable vertu de largesse qui est amye de Dieu, et honnorée du monde ; et par ainsi est il sauvé.
La dame. — « Et quant au cinquiesme pechié qui est de paresse ; certes, mon amy, oncques vrai amoureux ne fut paresseux ; car le très doulx et amoureux penser qu'il a, jour et nuyt, pour acquérir la très désirée grâce de sa très belle dame, ne le pourroit consentir. Car,
soit pour chanter, soit pour dancer, sur tous les aultres il est le plus diligent et le plus joyeulx ; lever matin, dire ses heures, ouyr messe dévotement, aller à la chasse et au gibyer là où les pouacres d'amours sont à dormir ; et lors fuit ce pechié, en ensuivant le dict du philosophe Epicurus qui dit :
Otia, vina, dapes caveas, ne sint tibilabes; Vix homo sit castus requiescens, et bene pastus.
« C'est à dire, mon amy : Eschieve oyseuse superfluité de vins et de viandes, affin qu'eh luxure tu ne soyes souillé; car la personne oyseuse et bien repeue, à grant peine, peut garder chasteté. Et encore de ce meschant pechié de paresse dict sainct Bernard : Vtdi stultos se excusantes sub forhinam ; vix autem diligentiam, cum infortuniis sociabis. C'est à dire, mon amy : J'ay veu aucuns folz eulx excuser sur fortune, à peine trouveras que un diligent peust estre infortuné ; mais tousjours verras que de paresse et de infortune seront toujours acompaignés. Et à ce propos dit encores sainct Bernard : Revidere que sua sunt, quomodo sunt, summa prudentia est.C'tsX. à dire, mon amy, que revoir ses choses quelles et comment elles sont, est souveraine prudence. Et ne dit pas seuUement veoir ses choses, mais revoir, et ce revoir
s'entend que nul ne le peut trop veoir. Et à ce propos dit encores Atheneus le poète où il dit :
Otia sunt juvenum menti plerumque veaenum; Et juvenum viciorum corpora, maxima causa.
« C'est à dire, mon amy, que oysivetés sont souvent le venin de la pensée des jeunes gens ; car le corps des jeunes est especialle cause des vices. Et à ce propos dict Senecque :
Pigritiam linque que dat mala tedia vite ; Tedia virtutis fuge, nam sunt damna salutis.
« C'est à dire, mon amy : Laisse paresse, laquelle donne à la vie mauvais ennuy, et fuy les ennemys et ennemyes de la chose vertueuse. Pour ce, mon amy, que les amoureux, telz que je dis, sont par telles vertuz saulvez, habandonnent ce très vil et maleureux pechié de paresse, pour eulx acompaigner avec la très resplandissante vertu de diligence, vous prie que soyez de ceulx. Et lors serez de ce maleureux pechié de paresse saulve et quicte.
La dame. — « Et quant au sixiesme pechié qui est de gueulle ou de gloutonnie, certes le vray amoureux n'en a tant soit peu ; car ce qu'il menge et boit n'est que pour vivre seullement sobrement; ainsi que le philosophe dit que l'on doit seullement menger et boire pour vivre, et
non pas vi\Te pour boire et pour menger, comme les pourceaulx font ; et sur ce le saige Taies de Milesnes dit :
Pone gule frenum, ne sumas inde venenum ; Nâm maie digestus cibas exsiat sepe molestus.
« C'est à dire, mon amy : Metz le frain à ta bouche, affin que par elle tu ne preigne le venin ; car habondances de viandes mal digérées sont au corps très nuysables venins. Encores sur ce dit le saige Solon d'Athènes :
Ne confunderis, nunquam vino replearis; Vilis diceris, nisi te vino moderaris.
« C'est à dire, mon amy : Tu ne soyes jamais remply de vin, affin que tu ne puisses estre confondu ; car tu seras réputé à villain, se tu ne fais attremprance de toy ou vin, et du vin àtoy. Encores sur ce propos de gloutonnie dict sainct Bernard, es Moralles, que quant le vice de gloutonnie prend à seigneurir la personne, elle pert tout le bien qu'elle a jamais fait ; et quant le ventre n'est retrait par droicte ordre de abstinence, toutes les vertuz sont en luy noyées. Et sur ce dict sainct Pol : Quorum finis interitus: quorum Deus venter est : et gloria in confusione ipsorum qui terrena sapiunt.Ad Philip. III, cap. C'est à dire, mon amy, que la fin de ceulx qui
assavourent les choses terriennes, est la mort ; desquelz aussi font de leur ventre leur Dieu ; et ceste leur gloire sera d'ames, d'honneur et de corps leurs confusions. Si vous prie que ne soyez pas de ceulx ; ains ensuivez le dit de Avicenne, pour eschever tout ce que dit est :
Sic simper comedas, ut surgas esuriendo ; Sic etiam sumas moderate vina bibendo.
« C'est à dire, mon amy : Menge tousjours en telle manière que quant tu te lèveras de la table, ton appétit ne soit pas saoul, et aussi ton boire soit prins attrempeement ; dont par ainsi vivras par cours de nature très longuement, et seras en la grâce de Dieu. Au regard de ce pechié, aussi d'amours et de vostre dame, et par ainsi aurez laissé ce très villain et deshonneste pechié de gueuUe, et vous vous acompaignerez avec la très doulce vertu de abstinence, fleur de toutes vertus, et lors serez de ce pechié quicte et saulve. Et si vous donneray fin au saulvement des vrays et loyaulx amoureux, touchant le sixiesme pechié mortel qui est de gueulle.
La dame. — « Et quant au septiesme pechié qui est de luxure ; vrayement, mon amy, ce pechié est au cueur du vray amant bien estaint ; car tant sont grandes les doubtes que sa dame n'en preigne desplaisir, qu'ung seul deshon-
neste penser n'en est en luy ; dont par ainsi il ensuit le dict de sainct Augustin qui dict ainsi :
Luxuriam fugito, ne vili nomine fias,
Garni non credas, ne Christum noraine ledas.
« C'est à dire, mon amy : Fuy luxure à ce que tu ne soyes brouillé en deshonneste renommée ; aussi ne croys point ta chair, affin que par pechié tu ne blesses Jésus Christ. Et à ce propos encores se accorde sainct Pierre l'Apostre, en sa première Epistre où il dit : Ohsecro vos, ianquatn advenus et peregrinos, abstinere vos à carnalibus desideriis que militant adversus animam.Prtma Ep. II. cap. C'est à dire, mon amy : Je vous prie, comme estrangiers et pellerins, que vous vous abstinez des délits charnels ; car ilz bataillent jour et nuyt à rencontre de l'ame. Et à ce propos dict encores le philosophe :
Sex perdunt vere homines in muliere :
Ingeuium, mores, animani, vim, lumina, vocem.
« C'est à dire, mon amy, que homme qui hante les folles femmes, pert six choses, dont la première est que pert l'ame, la seconde l'engin, la troiziesme ses bonnes meurs, la quatriesme sa force, la cinquiesme sa clarté, et la sixiesme sa voix. Et pour ce, mon amy, fuy ce pechié et
toutes ses circonstances, ainsi comme dit est. Cassiodore dict, sur le Psaultier, que vanité feist devenir l'ange dyable, et au premier home donna la mort et vuida de la bieneureté qui luy estoit octroyée, et que vanité est nourrisse de tous maulx, la fontaine de tous vices, la voye d'iniquité qui mect home hors de la grâce de Dieu. Et à ce propos dit David en son Psaultier en parlant à Dieu : Odisti observantes vanitates supervaciu , Psal. XXX. C'est à dire, mon amy : Tu, mon seul Dieu, as hay et haiz tous ceulx qui gardent vanitez. Et tant d'aultres autoritez ont escript les sainctz docteurs desaincte Eglise, et qui plus est, les philosophes, les poètes et aultres saiges payens, qui encores n'avoient senty la vraye cognoissance, la très saincte et très amoureuse grâce de nostre vray Dieu, le sainct Esperit, qui ont ce pechié tant blasmé, que les escripteures en seroient trop longues à reciter; desquelles je me vueil passer pour ensuivir le surplus, fors seullement du dict de Boece, qui sur ce dict : Luxuria est ardor in accessu, foelor in recessu, brevis delectacio co7-poris, et anime destruclio. C'est à dire, mon amy, que luxure est ardeur à l'assembler, puantise au départir, briefve délectation du corps, et de l'ame destruction. Et pour ce, mon amy, que ce pechié est si très deshonneste, le vray amoureux, corne j'ay dit, pour doubte que sa dame
n'en preigne desplaisir, pour acquérir sa grâce, à tout povoir le fuit ; et se, par vive contrainte d'amours, aucunement il y encheoit, tant et sy très tant sont les angoisseuses peines et dangiers pour les grans perilz et dangiers qui s'en pevent ensuivir, que les très angoisseux cueurs des loyaulx amans ont à souffrir, que ce ne leur doibt point estre compté à pechié mortel; et se aucun pechié y a, vrayement il doibt bien estre estainct par lesdictes peines, qu'ilz en ont tant à souffrir; dont par ainsi je puis bien dire que le vray amoureux, tel que je dy, de ce mortel pechié et de tous les aultres est quicte, franc et sauvé.
