CHAPITRE VI
Cûinment la datne donne d'aulires enseigtiemens au petit Sainti-é, touchant les vertus, l' estât, et moyen de noblesse.
LA DAME. — « Et quant au sauvement du corps, que j'ay dit que le vray amoureux tel peut estre saulvé en ame et en corps. Apres le sauvement des sept péchiez mortelz, qui
touchent à l'ame, je vous diray le sauvement du corps, et par plusieurs façons, dont le premier est sur le faict d'amours.
« Le vray et loyal amoureux, qui est gentilhome sain et nect de sens et de corps, et qui nuyct et jour tend à l'amoureuse queste et grâce de sa très belle dame, et par les sept façons contraires aux sept péchez mortelz, si comme j'ay dict : laquelle dame sera, quant à honneur, la nompareille des autres ; j'appelle toutes dames, car toutes sont dames en amours ; prenons qu'elle n'ayt jamais volunté d'aymer ne luy, ne autre, par amours : si veult nature, droit et raison, qu'elle l'en doit trop mieulx aymer, priser et honnorer ; et tellement que de son bien, de son honneur, et de tout son avancement elle en sera joyeuse, et par contraire, dolente de son desplaisir, quelque dame qu'elle soit. Et luy, pour quelque gentilhomme qu'il soit, tel que j'ay dit, de ses biens à son besoing ne luy fauldra jamais, ou elle de nature aultrement seroit villaine, ingrate et digne d'estre bannye de toutes gens de bien, et puis gectée au très grant et puant abisme du pechié de ingratitude, en ame et en corps; combien que jamais n'en ouy parler de nulle que telle fut. Et par ainsi le vray amoureux qui est sauvé en ame, se peut ainsi sauver en corps.
La dame. — «Et quant au surplus, touchant
l'autre sauvement du corps, le vray amoureux ^gentilhomme qui n'est point ordonné, ne disposé aux estudes des très prudentes et sainctes sciences de théologie, des decretz, des loix, ne aultres estudes de science, fors que à très noble et illustre science et mestier d'armes ; auquel pour acquérir honneur à la très désirée grâce de sa très belle dame, quant il y est,c'est celiuy' qui se monstre et qui se présente le premier, et fait tant que entre les aultres il est nouvelle de luy. Et quant il est à la messe, c'est le plus devost ; à table le plus honneste ; en compaignie de seigneurs et de dames le plus advenant; de ses oreilles nul villain mot escouter, de ses yeulx ung faulx regard ; de sa bouche ungdeshonneste parler ; de ses mains nulz faulx sermens, ne attouchemens ; de ses piez en nul lieu deshonneste aller. Que vous diroisje? Il sur tous sera le mieulx condicionné, et en faictz d'armes le mieulx et le plus nouvellement armé, monté et habillé, et pour l'amour de sa dame, fera armes à cheval et à pié : et jaçoit ce qu'on pourroit dire que ces armes sont faictes de vanitez,qui sont par l'Eglise deffendues, ainsi que au décret est escript, qui dit ainsi comme j'ay ouy recorder et premier où il dit: A/on temptabis Dominum Deum tuum. Car on veult savoir se Dieu aidera à celuy qui a bon droit. Item, cap. Predestinationes, XXIII. Quest. IV. Où expérience.
ne droict ne permet ce faict. Encores vueil prouver que c'est pour tempter Dieu, car les clercz dient que demander chose contre nature est pour miracle, ou pour tempter Dieu. Et puis : De purgatione vulgari, per totum, in capit. Consubiisti. ij. Quest. V. Item capit. Predestinationes XXXIII, Ouestwne \Y . Et notabiliter in capit. Gloriosus de veneratione sanctorum,lib.\'l.Item, capit. Ut neffio in propria causa jtts siôi dicat,per totum, capit. De gladiatoribus tollendis, lege una, lib. XI. Et des autres decretz sans nombre, deffendans tous gaiges de bataille, et ces armes que je dis : mais les empereurs, les rois et les autres princes terriens, selon leurs droitz et coustumes de seigneuries temporelles, telles batailles ont ordonnées et maintenues en cas que la chose le requière ; et de ceste question fut ung grant débat, entre le sainct père pape Urbain cinquiesme en celluy nom, et le bon roy Jehan de France, d'un gaige de bataille qu'il tint de deux chevaliers, l'ung françois, l'autre anglois, à la ville neufve d'Avignon. Et combien que le pape voulsist garder les droits des decretz, commanda et fist mectre cedulle, par toutes les portes des églises, que personne sur peine d'excommunication ne allast veoir ceste bataille ; et non pourtant le très chrestien roy, pour garder ses privilleges royaulx, ne s'en voulut point détenir, et voulut user des loix des
princes temporels, qui dient ainsi : Leges Fe. De pace et ejus. §. Si guis hominem. Eadem lege et una. §. Si guis aliurn. L. Lombarda gue incipit : Si guis, ^.tiltimo. L. Lombarda de homicidio. L. Si guetn in Lombarda de adulterio. L. iij. Et maintes autres sur ce fait de batailles par querelles ; les loix qui se dient Lombardes, les permettent longuement et en plusieurs façons. Toutesfois aujourd'huy elles sont moult deffendues par l'ordonnance du très chrestien roy, le bon roy Phelippes, desquelles aujourd'huy nous usons, c'est assavoir par quatre choses seuUement et pour nulle plus.
« La première oause est qu'il soit chose notoire, certaine et évidente, que le maléfice soit advenu ; et ce signifie la clause, où il apperra evidammant homicide, trahyson, ou autre vray semblable maléfice par évidente suspeccion. La seconde cause est que le cas soit tel, que mort naturelle s'en doye ensuyvir. La tierce est que nul ne peut estre pugny, aultrement que par voye de gaige ; et ce signifie la clause du meurdre, ou de trahyson reponste : si que celluy qui l'auroit faicte, ne se pourroit deffendre que par son corps. La quatriesme est que celuy que on veult appeller, soit diffamé du faict, par incides, ou presumptions semblables à vérité ; et ce signffie la clause des incides. Et jaçoit ce que ces gaiges de batailles soient ainsi deffen-
duz et reservez pour les clauses que l'Eglise et décret ont ordonné, les ungs pour les péchiez de tempter Dieu, les autres de vanitez ; le vray amoureux, retournant à mon propos, ne le fait pour nul de ces deux péchiez, fors seuUement pour accroistre son honneur, et sans querelle, ne le préjudice de nully ; car je respons pour luy, que à l'entrer des armes il ne vouldroit le mal, ne le deshonneur de celluy à qui il le feroit, autant que le sien ; et à ce on doit requerre Dieu en ayde et en tesmoing, dont en tant que touche à luy, et que Dieu le vueille mieulx ouir, ilz vont, confez et repentans, pour les perilz qui s'en pevent ensuyvir ; des sermens qu'ilz font, et des serimonies, je m'en passe à présent pour abréger. Mais quant le vray amoureux part de son pavillon, tout armé, comme il doibt estre garny de sa pavesme et de tous ses bastons que sur luy il doibt porter, lors faict le grant signe de la croix, puis baisse sa banerolle. Et lors on luy baille en sa dextre main sa lance, ou son espée de gect pour offendre, et soy deffendre au mieulx que il peut. Et là est assis sus l'escabel, ou sur ses piez jusques à l'appel ou dit du juge, ou mareschal du camp. Alors ce vray et loyal amoureux desmarche et se part hardiement et fièrement, semblant qu'il doye tout manger, et faict aussi sur sa garde les premiers coups mesureement et attrempeement.
ainsi que dit Valerius Maximus en son cinquiesme livre, où il dit que c'est grant blasme au duc de la bataille, ou combateur de dire : Je ne cuidoye pas qu'il fist ainsi, car entre toutes les choses qui se concluent et finissent par fer, coname font les batailles qui sont les plus périlleuses ; car nul, pour les amander, ne les peut reffaire deux fois, et semblablement des faictz de guerre, qui se doivent conclure et puis conduyre par meur et sain conseil. Et à ce conferme Vegece en son premier livre de l'Art de chevalerie, où il dit : Ceulx qui errent en toutes choses sans raison, tout se peut amender, fors que les erreurs désordonnées, guerres et batailles, ausquelz n'est nul qui se puist opposer, car la peine incontinent ensuit son meffaict. Et pour ce, mon amy, le sage, vray et leal amoureux, est loyal, et doit astre en tous ses faitz et dictz ordonné et amesuré, et ce sont ceulx qui communément, jaçoit ce qu'ilz ne soient de corps ou de gens d'armes les plus fors ou puissans, occient souvent es batailles et soubzmectent les armigeres guerres et les corps, en ensuyvant le dit du saige qui dit comme est dit devant :
Malo mori famé, quam nomen perdere famé.
« C'est à dire, mon amy : J'aime mieulx mourir de fain, que perdre bonne renommée. Et
encores ce parfaict amoureux à tous ceulx qui bien luy ont fait, ou feront, fut à conseiller, en chastoy, ou en dons, il ensuit tous les jours le dit de Aristote qui dit : Diis, parentibus et doctorihus non possuriius reddere equivalens. C'est à dire, mon amy, que aux dieux, aux parens, est entendu qu'à Dieu, aux pères, mères, et autres de son sang, et amis de doctrine, jamais ne pourrons rendre l'équivalent des biens qu'ilz nous ont fait.
