CEULX DU DAULPHINÉ QUI SE OFFRIRENT AU ROY, ET Y FURENT

Le seigneur de Clermont, qui portoit de gueulles à deux cerfs d'argent en saultoirs, et cryoit : Clermont. Le seigneur de Vaubonnoys, de gueulles semé de fleurs de liz, et cryoit : Vaubonnoys. Le seigneur de Sassenayge, burellé d'argent et d'azur au lyon de gueulles couronné d'or, et cryoit : Sassenayge. Le seigneur de Maubec, qui portoit de gueulles à trois liepars d'or armez d'argent, et cryoit : Maubec. Le seigneur de Montchenu, de gueulles à la bande engreslée d'argent, et cryoit : Montchenu. Le seigneur de Chasteau Neuf, d'argent au chief de gueulles, et cryoit : Chasteau Neuf. Le sei-

gneur de Belle Combe, d'or à la bande de sable, et cryoit : Belle Combe. Le seigneur de MoUor, d'or au lyon de vair. Le seigneur de Chastel Vilain, geronné d'argent et de sable de huit pièces. Le seigneur de Grere, de vair au chief de gueuUes, à ung demy lyon d'or. Et mains aultres chevaliers et escuyers pour servir le roy, soubz sadicte bannière, en la bataille, où furent plus de cent soixante bannières. Or laisseray cy à parler de ceste très puissante noblesse, des seigneurs, barons et bannières ; et diray du très piteux et regretteux parlement de Saintré, et de tous les seigneurs françoys, quant se partirent du roy et de la court.