LE PARTEMENT DES BANNIERES
Premièrement partirent les poursuyvans à cheval, portant codes d'armes vestues, le devant et le derrière sur les bras, deux à deux.
Après eulx, venoient les heraulx, portans les coctes d'armes de leurs seigneurs vestues à l'endroit deux à deux.
Après venoient les trompettes grant nombre, deux à deux.
Après venoient les roys d'armes des marches, portant les coctes d'armes du roy vestues à l'endroict, deux à deux.
Après venoit Montjoye, le roy d'armes des Françoys, la cocte d'armes royalle vestue, tout seul.
Après venoit le seigneur de Chastel Fromont, qui portoit la bannière du roy, entre messeigneurs d'Anjou et de Berry.
Après venoit monseigneur de Bourgoigne à dextre main, et Saintré à senextre.
Après Saintré, venoient les trois premières banieres, et plus anciennement levées par l'ordonnance du roy, aux relacions des plus anciens livres des Montjoyes,roys d'armes des François, qui anciennement en soulloient avoir la congnoissance par les visitacions des marches du royaulme, accompaignez des aultres roys d'armes des susdictes marches, pour garder les honneurs où il appartenoit, et eschever les dames et seigneurs d'envies et de noyses. Et après lesdictes trois banieres, venoient les trois seigneurs à qui elles estoient ; et ainsi de trois en trois, sans nulle desordonnance, ilz allèrent par Paris. Lequel partement et ordonnance fut à tous une très somptueuse chose, tant fut belle à veoir ; du tout ce jour, à cause de ce partement, n'y eut homme qui ouvrast néant plus que le jour de Pasques. Mais, quant ainsi ilz alloient par la ville, maintes dames et damoyselles, bourgeoys, bourgeoyses et gens de tous mestiers, estoient sur les estaulx et par
leurs fenestres, pour veoir celle très belle et très noble compaignie passer. Lors veissiez de regret et de pitié tous souspirer, plaindre etplorer, et n'y avoit celluy ne celle qui tenir se peust à mains joinctes et haulte voix crier : « Ah 1 gentil escu3-er Saintré, Dieu te doint grâce, et à ta compaignie, à très grant joye et honneur retourner ! » Et, en ce, promectant à Dieu messes, pellerinages, veux et aulmosnes. Et quant ilz furent aucun peu esloignez de Paris, ilz prièrent à messeigneurs de retourner, et illecques d'eulx et des aultres ilz prindrent congié. Et à tant de leur congié et de leurs regrets laisseray cy à parler, et des grants regrets que le roy et la royne, messeigneurs, dames et damoyselles, et chascun fait d'eulx, et principallement ma dame, qui oncques puis ne cessa de faire veux, faire aulmosnes, faire dire messes, et à part de plaindre et plorer ; et diray de Saintré et de sa compaignie, qui sont tous à très grant joye en Prusse et en la ville de Torrin arrivez.
L'acteuk. — Saintré, atout sa compaignie de gens d'armes et de trait, par leurs journées errèrent tant qu'ilz sont venuz en Prusse, et arrivez en ladicte ville de Torrin, où l'assemblée se faisoit. Et là trouvèrent les prélats, princes et seigneurs qui s'ensuyvent, dont la plus grant partie furent au devant, pour bon-
nourer la bannière du roy, qui très joyeulx furent, quant i!z virent tant de noblesse, de bannières et de gens si bien en point que, pour cinq ou six mille bons combatans, on ne pourroit mieulx.
L'acteur. — Au regard du roy d'Angleterre, pour les affaires qu'il avoit emprins, n'y voulut aller ne envoyer, mais à bien grant peine donna aux seigneurs, qui sont cy après nommez, congié de y aller, et lesquels y furent. C'est à savoir :
Au conte de La Marche, qui portoit d'azur à trois faisses d'or, à l'écusson d'argent sur le chief, et cryoit : La Marche.
Au conte de Northestonne, qui portoit d'azur à une bande d'argent, à trois molectes de gueulles sur la bande, et cryoit : Northestonne.
Au conte de Suffolc, qui portoit de sable à la croix d'or, et cryoit : Suffolc.
Au seigneur de Gobeheur, qui portoit de, gueulles au chevron d'or, à trois lyons de sable et cryoit : Haston.
Au seigneur de Clifort, qui portoit eschaqueté d'or et d'azur, à la bande d'erraines, et cryoit : Clifort.
Au seigneur de Lisle, qui portoit d'or à deux chevrons de sable, et cryoit : Lisle.
Au seigneur des Moulins, qui portoit de
sable au chief d'argent, à trois losenges de gueuUes sur le chief, et cr3'oit : Moulins.
Au seigneur de Rocqueby, qui portoit d'argent au chevron de sable, et cryoit : Rocqueby.
Lesqueulx huit seigneurs allèrent ensemble, accompaignez de cent lances et de trois cens archers.
Et pour oster et afFoiblir la très grant puissance et assemblée des Sarrazins, les quatre roys d'Espaigne, c'est à sçavoir : de Castille, d'Aragon, de Portingal et de Navarre, s'estoient allez pour guerroyer, par mer et par terre, les roys de Grenade, de Maroch et de Bellemarine, Sarrazins les plus prochains ; mais jà pourtant ne demoura que leur assemblée ne fust si grande que merveilleuse chose estoit, ainsi que cy après s'ensuyt :
LES PRELATZ, PRINCES ET LES AULTRES SEIGNEURS QUI LA FURENT ET PREMIEREMENT
Le duc de Brunswich pour l'empereur qui pour sa maladie n'y peult estre, et avoit la charge de sa bannière, qui estoit d'or à ung aigle de sable, à deux testes couronnées d'or, et membre de sable ; et de tous les princes et seigneurs commandés pour l'accompaigner, c'est à sçavoir : le duc d'Osterich, le duc de Bavière,
le duc de Brabant, le duc de Statin, le duc de Lenbourg, le duc de Luxanbourg, le duc de Mons, le marquis de Maisse, le marquis de Brandebourg, le conte de Haynau, le conte d'Estambourg, le conte de Lemont, le conte de Nasse, le conte de Espehem, le conte de Montgellin, le conte de ^'^rackenberghe, le conte de Sone, le conte de Berembourg, le conte de Maigne, le conte de Vindo, le conte de Nivert, le conte de Vallestain, le conte de Guerlles, le conte de Hollandes, le conte de Zellandes, le conte de Sene, le conte de Oste, le conte de Cille, le conte de Puilly, le conte d'Aussebourg, le conte de Lost, le conte marquis de Blencquebourg, le conte de Lindo, le conte de Witembourg, le conte de Saulne, le conte de Viermenbourg, le conte de Limoges, le conte de Salebrune, le conte de Richecourt, le conte de Wardance, le seigneur d'Anghien, le seigneur d'Aurech, le seigneur d'Entourg, le seigneur de Lingue, le seigneur de Fontaines, le seigneur de Boussut, le seigneur de Barbenson, le seigneur de Lehamede, le seigneur de Lalain, le seigneur de Coudde, le seigneur de Marquettes, le seigneur de Ouesnoy, le seigneur de Sainct Wast, le seigneur de Fontenay, le seigneur de Jumont, le seigneur de Trasiguies, le seigneur de Homes, le seigneur de Roberssart, le seigneur d'Oysy, le seigneur
de Clermont, le seigneur de Crepy, le seigneur de Meries, tous hannoj'ers qui y furent.
LES ASSEBENOYS DE LA CONTE d'ALOST QUI Y FURENT
Le seigneur d'Argemont, le seigneur de Moirraumes, le seigneur Descouvenost, le seigneur Deslemalle, le seigneur du Serf, le seigneur de Gaulles, le seigneur de Semalle, messire Robert de Namur, le seigneur de Rochefort, le seigneur de Chaudemont, le seigneur de Gentel, le seigneur de Don, le seigneur de Haepam, le seigneur de Baressies, le seigneur de Rummes, le seigneur de Landry, le seigneur de Duras, le seigneur de Bangines, le seigneur de Montgardin, le seigneur de Salles, le conte de Namur, le seigneur de Opel, messire Anthoine de Namur, le seigneur Huffalaise, le seigneur de Wassebech, le seigneur de X'ille, le seigneur de Sulx ; tous ruyers assebenoix.
LES RUYERS DES DUCIIIEZ DE LEMBOURG, DE LUXEMBOURG ET DE BLANCQUEBOURG, QUI Y FURENT.
Le conte des Mons, le seigneur de Fauquemont, le seigneur de Lesselle, le seigneur de
Haulsedenge, le seigneur de Rameberg, le seigneur de Collebellans, le seigneur de Winbourg, le seigneur d'Estelles, le seigneur de Rodemarch, le seigneur de Trumenge, le seigneur de Humbeghe, le seigneur de Lempast, le seigneur de Blasemarre, le seigneur de Riche Espée, le seigneur de Zarmalle,
