LES PRELATZ DES AI.LMAIGNES QUI Y FORENT
L'archevesque de Coulongne, à trois mille chevaulx, deux mille hommes de traict, et trois mille combatans à pié.
L'archevesque de Trêves, à trois mille chevaulx, deux mille hommes de traict, et cinq mille combatans à pié.
L'evesque de Mayance, à deux mille chevaulx, mille hommes de traict, et quinze cens combatans à pié.
L'evesque de Passo, à deux mille chevaulx, mille hommes de traict, et quinze cens combatans à pié.
L'evesque de Liège, deux mille chevaulx, mille hommes de traict, et quinze cens combatans à pié.
Le maistre de Prusse et tout l'ospital, quatre mille chevaulx, deux mille hommes de traict, et cinq mille combatans à pié.
Et y furent le dispost de Romenie, pour son frère l'empereur de Constantinople, avecques sa baniere, accompaigné de trois mille chevaulx et quatre mille hommes à pié.
Le conte de Sil, pour l'empereur de Trapesonde, avecques sa bannière, accompaigné de deux mille chevaulx et deux mille hommes à pié.
Le duc de Lestot, pour l'empereur de Boulguerie, avecques sa bannière, accompaigné de mille cinq cens chevaulx et deux mille hommes à pié ; tous trois venuz ensemble.
Et si y fut le roy de Behaigne en personne, qui portoit de gueulles à ung lyon d'argent, la queue nouée, fourchée et croisée, couronné et armé d'or; et en sa compaignie, le duc de Sazoungue, le marquis de Blandebourg, le conte Palatin, le conte de Grave, le conte de Marque, le conte de Wautebourg, le seigneur de Usembourg, le seigneur d'Estremembourg, le seigneur de Plomineau, le seigneur de Doury, le seigneur de Brunech, le seigneur de Flamenqueton, le seigneur de Bousseielt, le seigneur de Misque, le seigneur de Stone, le seigneur de Wertemberghe, et plusieurs aultres chevaliers et escuyers ou nombre de dix mille chevaulx, six mille hommes de traict, et huit mille hommes combatans à pie.
Et si y fut le duc de Lectonem, pour le roy de Poullaine, qui portoit de gueulles au cheval d'argent, chevaulché d'un hom armé, tenant une espée d'argent ou poing, croisée et pommée d'or ; et avecques luy le duc de Crasponne, le duc d'Orighe, le duc de Surduich, le marquis de Nasse, le conte de Velendech, le conte de Surtainberghe, le conte de Graine, le seigneur de Loysselench, le seigneur de Cliselich,
le seigneur d'Andach, le seigneur de Briquebourg, le seigneur de Lisemberge, le seigneur de Nulz, le seigneur d'Enterg, le seigneur de Salleberg, le seigneur de Don, le seij^neur de Morg, le seigneur de Pargehe, le seigneur de Sauserg, le seigneur de Sablomg, le seigneur de Vuarsnich, le seigneur Dunasmes, le seigneur de Ploin ; et plusieurs auitres chevaliers et escuyers, ou nombre de unze mille chevaulx, huit mille hommes de traict, et dix mille combatans à pié.
L'acteur. — Et si fut le seigneur de Migrane, avecques la baniere du roy de Honguerie, qui estoit faissé de huj-t pièces de gueulles et d'argent, avecques grant compaignie de ducs, de princes, de marquis, de contes, de vicontes, de barons, de cinq banieres, de bacheliers, et d'aultres chevaliers et escuyers, desquelz pour abréger je me passe, jusques au nombre de douze mille combatans à cheval, et deux mille ' combatans à pié. En laquelle assemblée furent de cent à six vingt mille combatans à cheval, où estoient de trente à quarante mille chevaliers et escuyers bien en point ; et de gens de traict et auitres, de cent à quarante ou cinquante mille bons combatans.
