CHAPITRE LX
Comment les Sarrazins estaient en grant nombre de Titrez et infidelles, plus qu'on n'avoit veu depuis le temps de Mahommet.
L'acteur. — De la partie des Sarrazins estoit la plus grande armée que depuis la loy de Mahommet ilz eussent faicte : car tous le souldans, les roys, les seigneurs des trois régions y estoient, c'est assavoir: d'Asie la Majour, où sont six provinces, c'est assavoir : Judie, Persie, Sirie, Egypte, Surie et Asie . Geste partie de Judie est enclouse de la mer qui est devers le midy, que aucunz dient la mer Noire, et aultres l'appellent la mer batue, pour le grant desbatement en quoy elle est jour et nuyt, à cause de sept mille cinq cens quarante et huyt isles qui y sont, desquelles en y a une bien grande, où sont dix cités; la principale s'appelle Gelbona, et en ceste cité a grant quantité d'or et de pierreries précieuses, et y multiplient plus les olifans que en aultre partie du monde; laquelle fut jadis convertie par sainct
Thomas, l'apostre, jaçoit ce que la plus grant partie du pays soient mescreans.
Et ceulx de la seconde région des Sarrazins qui y furent, estoient de Perse, c'est de Turquie qui a de diverses provinces, c'est assavoir : Auffricque, Medie, Persie, Mésopotamie, où est la grant cité de Ninive qui a trois journées de long, et ores est dicte Babilonne; et illec est le commencement de la merveilleuse tour de Babel, qui a quatre mille pas de large; et illec sont les provinces de Caldée, d'Arrabie, de Sabba et de Tarsie. Et en ceste, est le mont de Sinay, où les anges portèrent le corps de ma dame saincte Katherine, qui ores gist en l'église saincte Marie de Ruer, assez près dudit mont.
L'acteuk. — Ceulx de la tierce région qui y furent, estoient de la région de Surie, en laquelle sont les provinces de Damas, d'Antioche, et la terre de Finicie ; dont furent Thir et Sidon, et là est le mont de Liban, dont sault le fleuve de Jourdain ; et là sont les cités de Palestine, de Judée, de Hierusalem, de Samarie, de Gabeste, de Gallilée et de Nazareth, et en ceste terre furent les deux cités de Sodome et de Gomorre, qui par leur très abhominable pechié fondirent en abisme. Et de ces trois régions à celle grant bataille furent tant de roys, de seigneurs et de peuple, que toute
la terre en estoit couverte, cuydans conquérir le surplus, ainsi que j'ay dit. Desquelz sei^eurs sarrazins j'en nommeray aucuns cy après.
L'acteur. — Et quant lejour prefiz de la bataille fut venu ; et que tous les seigneurs chrestiens furent sur les champs, ouye leur haulte et solempnelle messe bien matin, que l'archevesque de Couloigne dist, et tous estans en estât de grâce, comme il appartenoit à tous bons chrestiens, et après Tabsolucion donnée par le cardinal d'Ostie qui légat du pape estoit, et les ungs aux aultres requerans pardon ; lors, qui se voult desjeuner, desjeuna. Puis tous montèrent à cheval, chascun en ses batailles ordonnées, Saintré monte sur son destrier, et s'en va au roy de Behaigne ; lors devant luy tira son espée, et de par Dieu, et nostre Dame et monseigneur sainct Denys, luy requist l'ordre de chevalerie. Le bon roy, qui aymoit ledit Jehan et tous les François, à très grant joye l'acollée et ordre luy donna, priant à Dieu qu'il luy donnast honneur et joye, telle qu'il desiroit ; et dès lors par tout fut appelé le seigneur de Saintré. Lors, qui voult estre chevalier, s'avança ; là furent maintes banieres levées, et coupées les queues de maints penons. Et quant tout ce fut fait, et retournez en leurs lieux, lors, chascun faisant le signe de la croix, commencèrent à chevaulcher.
l'ORDOXNAXCE des BATAILLES
Dieu avant et nostre Dame, fut ordonné que la bannière de France, celle de l'ordre de Prusse, celles des cinq prelatz, avecques celles de certains ducs, contes, princes et barons allemans, avecques celles des Anglois, jusques au nombre de treize mille chevaulx, où estoient quatre mille chevaliers et escuyers esleus, feroient l'avant garde qui estoit d'argent à une croix de sable.
Le roy de Behaingue et sa compaignie, qui estoit dix mille chevaulx, feroient une des esles à dextre cousté.
Le duc de Lectonem, avecques la baniere du roy de PouUaine, dont il avoit la charge, et sa compaignie qui estoient unze mille chevaulx, feroient l'autre esle au senestre cousté.
La baniere de nostre Dame, que portait messire Gadiffer de la Salle, qui une aultre fois l'avoit portée, et celles des quatre empereurs, c'est assavoir : d'Almaigne, de Constantinople, de Trapesonde et de Boulguerie, avecques celles des aultres ducs, princes, barons et nobles hommes, qui estoient à cheval de vingt cinq à trente mille bons combatans, feroient la grant bataille; et que le duc de Migrane qui avoit la charge de la baniere du roy de
Honguerie, et sa chevalerie qui estoient douze mille chevaulx, feroient l'arriére garde ; et des soixante mille hommes à pié seroient faictes deux batailles, parties de moytié, l'une à dextre et l'aultre à senestre, tout per à per, aucun peu devant ; et aux deux letz de l'avant garde, poursuyvroient une enseigne sans passer homme devant ; et ceulx qui n'estoient point de traict, porteroient chascun ung grantpavays qui se appu}Toient, tous pains à grans croix blanches, et ceulx s'arresteroient quant l'enseigne s'arrestroit, pour couvrir les gens de traict. Et quant tous furent ainsi ordonnez, et que tous furent déjeunez, et tous très liement reconfortez par leurs conducteurs et princes, en telle manière que oncques gens ne furent mieulx asseurez, à celle belle ordonnance par le grant plain de Bellehoch, pas à pas, chevaulcherent. Si ne tarda gueres qu'ilz virent leurs chevaulcheurs revenir, qui leur apportèrent la très joyeuse nouvelle de leurs ennemys; et quant ilz en furent à une lieue près, lors s'arresterent, pour les gens à pié, et mandèrent chevaucheurs pour les garder, qu'ilz dirent qu'ilz n'avoient que trois batailles près à près, et sans nulles esles, où avoit du menu peuple assez.
