L ORDONNANCE ET FAÇON DES BATAILLES AUX SARRAZINS

Les Sarrazins avoient faict six batailles, c'est assavoir : trois à cheval et trois à pié ; lesquelles à pié dévoient suyr et ferir tantost en après, pour tuer tous ceulx qu'ilz abatroient, et tailler jambes et pies des Chrestiens et de leurs chevaulx ; dont à la première vouUut estre Abazin, le grand Turcq de Perse, qui pour lors estoit, et qui en sa baniere portoit de gueulles à une grande espée turquoj'se d'argent, et bande amanchée d'azur, croisée et pommellée d'or, qui, pour le grant orgueil de sa puissance, qui estoit bien accompaigné de trente à quarante mille chevaulx et plus de cent mille hommes à pié, ne prisoit riens les Chrestiens.

Et en la seconde bataille venoit Zizach, qui se disoit empereur de Cartaige, et qui en sa baniere portoit de sable aux deux testes de chevaulx d'or, endossées ; et Alemoch, Soubdam de Babillonne, qui en sa bannière portoit tout d'or, sans plus ; et Arachul, Soubdam de Mabaloth, accompaigné de soixante mille chevaulx ; et après eulx, cent et soixante mille hommes à pié.

Et à la tierce bataille furent les roys de la grant Hermenie, de Sep, de Allapie, et Baz-

LE PETIT JEHAN DE SAINTRi:

<;azul , seigneur de Valaquie , qui avoient soixante mille chevaulx, et de trois à quatre cens mille hommes à pié, d'Hermenie, de Barbarie, de Russie, de Samare et de Tartarie, que toute la terre couverte en estoit.