ACTE II, SCENE V

Garçon tailleur.

Monseigneur, nous vous sommes bien obligez.

Monsieur Jourdain.

Monseigneur ! oh ! oh ! Monseigneur ! Attendez, mon amy, « Monseigneur » mérite quelque chose, et ce n'est pas une petite parole que « Monseigneur » . Tenez, voila ce que Monseigneur vous donne. Garçon tailleur.

Monseigneur, nous allons boire tous à la santé de Vostre Grandeur.

Monsieur Jourdain.

Vostre Grandeur! oh! oh! oh! Attendez, ne vous en allez pas. A moy «Vostre Grandeur» ! Ma foy, s'il va jusqu'à l'Altesse, il aura toute la bourse. Tenez, voila pour ma Grandeur.

Garçon Tailleur.

Monseigneur, nous la remercions tres-humblement de ses liberalitez.

Monsieur Jourdain.

Il a bien fait, je luy allois tout donner.

[Les quatre garçons tailleurs se réjouissent par une dance, qui fait lejecond intermède.)