IJ

LiviB, «se lave.

D»me Pasqub, eaclave.

Pâdlin, garçon, lacquois.

Sœur Marjettb, la Sœur TOURiÈits, r

M. Anfolso, père de Livi».

Brioai lerriUiQr de M. Anrolta.

LuciDu, serviteur d'Erminio '.

AOIE FKEHIER

SCËNE PBEMIËRB

Makc Antoine et Madame Llcrèce, sa femme.

Marc. — Ce quejedisesl vray.et vous asseure que la plus part des meurs et coustumes de la Jeunesse, soient bonnes ou mauvaises, procedde de leurs père et mère, ou de ceux qui en ont la charge au lieu de père ou de mère.

Dame LucnÈCB. — Oy bien pour le regard des pères, ou gouverneurs, ou précepteurs, mais non quant aux mères; parce qu'cstans femmes, elles ont autant petite part en cecy, comme aux autres choses du monde.

Marc. — Et pourtant maintes fois se virent exemples du contraire, et que les femmes ont pu davantage sur les enfans que non pas les pères, et non-seulement sur leurs enfans, mais encore sur leurs marlz. Et pour n'en quérir les exemples plus loin, souvenez-vous comme mon frère Aridosio et moi fumes élevés en mesme temps, et par mesmes père et mère, et en mesme temps primes femme, et de la sienne il a eu Tibère, Erminio et Cassandre, et nous pas un encore. Depuis lors il commença de devenir tellement avare, et de sacrifier tout plaisir et honneur pour amasser du bien, tant

qu'il est devenu le fesse-malhieu que vous voyez. Moy, grâce à Dieu, je me suis maintenu en mon anticque Taçon de vivre, qui me fut laissée par mon père; et de ce prodige ne se peuvent alléguer autres raisons, et ne se peut penser qu'autre cause soit, que sa femme, laquelle vous savez combien estoit chiche, perfide, et de rien ; et onques n'eust Aridosio meilleure fortune, que le jour où elle mourut, combien qu'il luy fust advis avoir fait grand 'perte, d'autant qu'il s'estoît déjà accommodé à ses conditions.

Lucrèce. — malheureuses femmes, puisqu'à vostre compte elles sont cause de tous maux, et seulement alors font sagementet bien heurent une maison, quand à l'improviste elles trépassent!

Marc. — Eh, qui voulez-vous qui ait été cause d'un tel changement chez mon frère, et l'ait, de libéral, faict simécaniquePVoussçavezcommeilavescujusquesicy, à raison dequoyje remercie la fortune, laquelle aux choses de ce monde est toute-puissante, qui luy a plustosl qu'à moy envoyécette malencontre, carje me souviens que mon père a plusieurs fois doublé s'il vous devoit donnera mon frère ou à moy. Toiitesfots, se tourna si bien que j'ay grandement occasion de m'en louer, et luy asseurément de s'en douloir. Et s'il est vray qu'il a eu trois enfants, qui certes est félicité grande, et moy pas un, ni ne soye pour en avoir, il nous a donné de bon cœur Erminio, son plus jeune, et nous le tenons pour fils très cher, et tout ainsi que si l'eussions faict nous l'aimons, et peut-estre d'avantage, pource que vous ny moy n'avons eu de lui les peines et travaux que donnent les enfants petitz.

Lucrèce. — Ne dites pas cela, car ce ne sont peines, mais pluslost (comme je pense) gaillars soucys, et bons

nourri h,.GOOgIC

à feire passer et esvanouyr les chagrins qui accompagnent la vieillesse; et je rends grâce à Dieu, que, d'autant qu'il ne luyplust point me donner enfans, il a voulu nous adresMF ce jeune gars, tel qu'est Erminio, duquel, même si nous avions à laisser nos biens et nous remettre h sa foy et puissance lors qu'ensuite vieux Berons, si l'amitié ne me déçoit, il me semble que pouvons attendre tout bien. Touteafoys. Marc Antoine mon amy, j'ai peur que vous ne luy lâchiez par trop la bride sur le col, et qu'ensuite ne le puissiez retenir à votregré; car vous le laissez sans soucis, soit d'études, ou soit d'affaires; il n'a soing que de chevaux, de chiens, ou de faire l'amour; et en somme de ces choseslà seulement que l'humeur lui dicte : qui me faict doubler que, passée cette ardeur de jeunesse, il n'ait peut-estre à se repentir d'avoir en vain despendu son temps, et se plaindra, qui sait? de vous, qui n'y avez pourveu, quand en aviez la commodité.

Marc. — Je m'esmerveille fort, et de vous, et de tous ceux qui pensent les enfans se pouvoir retirer de leurs naturelles inclinations, ou par coups ou par menaces, car je vous donne pour certain que, si je voulois interdire à Erminio tous ses plaisirs, bien pis ferois-je ; mais il faut que, luy permettant une légère chose où il a son cueur, je lui en deffende une autre, qui soit de conséquence, et ainsi l'accoustume à m'obéir, non par peur, mais par amour ; car quiconques fai t bien par crainte, le continue autant longuement qu'il pense qu'il sera sçeu, et faict secreltement le mat quand il en peut avoir la commodité : voyez Tibère, contre lequel son père a tousjours le poing levé, le tenant ordinairement aux champs avec une sienne sœur, aOin qu'il ne despende et hante en la ville, où il dict que sont les compagnies

b,GoogIc

desbaucbées et la licence de mal faire : néantmoins, il ne se passe guères de nuicts qu'il ne vienne à Lucques, et cette nuict même j'ay sçeu qu'il y a fréquenté, et mis en rumeur la moylié de ceste ville, pour avoir une esclave de Bu0b, noire voisin d'icy-près, et il faicl assés d'autres choses, pires beaucoup que ce que faict Erminio, d'autant qu'il est nécessaire que la jeunesse ayt son cours. Si donc c'est une nécessité, combien est-il meilleur les accoustumer ù craindre d'oflenser leurs pères, et rougir en eux-meames s'ils font choses vilaines et deshonnestes, que autrement? Toutesfois, Aridosio pense que, pour le tenir à la villa aux champs, il perdra l'envye de despendre et faire les folies de jeunesse. Et moy, je sçays qu'il faict l'un et l'autre sans nul regard, tandis que son bonhomme de père, poussé d'une extrême avarice, se lue le cœur et le corps pour amasser ; labourant ses terres luy-mesme de ses propres mains. Mais s'il sçavoit que de nuict il vient à Lucques, ou qu'il despendist un rouge liard, il se donneroit au dyablel et voilà comme ils vivent tous mal contans, jusques à cesle pauvre fllle, laquelle, desjà grande et preste à marier, se desespère, voyant la sanglante avarice de son père, qui, pour ne despendre un denier, ny se tirer la dot des mains, ne tient compte de luy donner party, jaçoit qu'il ajt plus de deux mille écus contans en une bource qu'il porte ordinairement sur luy, et a tant peur que je la voye, que c'est merveille, pour ce que je le lanse à toute heure de ce qu'il laisse ainsi en une maison champestre envielir ma pauvre niepce; mais je n'y gagne rien, car il me respond toujours une mesme chanson, qu'il est pauvre, et n'a point de dota luy donner; je crois qu'il voudroit que je la lui donnasse sur le mien. Et s'il advient, lorsqu'il se plaint à

moy de Tibère, et qu'Erminio le desbauche, que je loy dise qu'il le devroit marier, il me respond qu'autourd'huy le mesnage a trop grandes dentz, et que ce n'est peu de chose augmenter sa maison d'une bouche qu'il faut. nourrir. Bref, il ne songe à autre chose qu'à l'avarice, et luy sembleroit alors avoir bien élevé son fils, s'il l'eust réduit à ses propres coustumes.

Lucrèce. — Je ne voudroys jà que vous vous montrassiez fascheux envers Erminio comme Aridosio l'est à l'esgard de Tibère, mais je serois bien ayse que luy deffendissiez certaines choses; ainsi, par exemple, j'ay ouy dire, et ne sais si c'est vray, qu'il est devenu amoureux d'une nonnain d'icy, du couvent de Sainle- Susanne. Est-ce bien faict, à vostre advis, veu que cela est desplaisant à Dieu et aux hommes? Sçachez que ce luy est grand 'honte, et à vous-mesme, qui l'endurez !

Marc — Je n'en ai jamais oy parler, et s'il estoyt ainsi je n'en serois pas trop content, ains mettroys toute peine à' l'en détourner, combien qu'on souffre h la jeunesse plus de choses que peut-estre vous ne pensez; et suis bien aise que m'en ayez adverly, pour ce que j'en veux sçavoir la vérité, et puis je prendray le parly qui me paroltra le meilleur ; et voicy tout justement Lucido, son 8e^^'iteur, qui sçait et ce qu'il pense et ce qu'il songe. Il m'en pourra informer mieux que pas un.

Lucrèce. — Vous le feriez plustost dire à cette porte que voilà; vous ne connoisscz donc pas Lucido, hein?

Marc. — Je tenleray pourtant, mais allez-vous-en chez nous, car il se donne garde plus de vous que de moy; après, je vous en donneray advis.

Lucrèce. — Ainsi feray-je.

Lt'cii>o> serviteur, et Marc AKToinK.

LuciDO. — Il semble que la fortune prenne tousjours plaisir à inciter les esprilz des hommes à vouloir ce qui est le plus difficile à obtenir. Je ne crojs pas qu'il soyt à Lucques une femme qui ne fusl bien ayse de faire plaisir à Erminio, et il est allé s'amouracher d'une, dont non seulement il ne peut jouir, mais à qui parler lui faut avec mille regards, et il en est g&»té, mort, éperdu ; il ne pense à rien autre, ne parle de rien autre, que Fiammette.

Marc. — Il parle à aoy-mesme de cecy.

LuciDO. — Il m'envoye à ceste heure luy présenter ses recommandations, sçavoir qu'elle faict, qu'elle dicl, et comme elle se porte : voytà mes commissions ordinaires, et à quoy tous les jours j'employe mon temps pour l'amour de Dieu et de ses serviteurs.

Marc. — Je le veux appeler devant qu'il prenne une autre voye. Lucidol ohl Lucidol

LuciDO. — Qui m'appelle 1 c'estMarc Antoine. Qu'ordonnez-vous, Monsieur?

Mabc. — Que devient Erminio, qu'hier il ne rentra soupper?

Lucmo. — Il souppa et dormit avec Tibère, chez le seigneur Aridosio.

Marc. — Et toy, où vas-tu? porter quelque i aux monastères?

LuciDO. — Quels monastères?

Marc. — Oh! fais le naïf avec moy, bélltrel

LuciDO. — Qui vous a parlé de monastères?

Marc. — J'en sçays autantque toy.

LuciDO. — \ vous dire vray, il m'envoyoit voir si la donzelle n'a iiesoin de rien.

Mahc. — En vérilé, Erminio me fait tort en cecy, car tu sçays si je lui complays et favorise en ses volonlez et amours, pourveu qu'il y ait de la raison ; mais quant à cecy, il n'y a point d'ordre, et devroit pour le moina avoir quelque égard à son honneur et au mien; car à moy l'on donne la charge, moy qui le laisse faire; il luy est donc advis qu'il manque de femmes dans Lucques, pour faire à son plaisir, qu'il doive aller jusque dans les moustiersï*

LuciDO. — Je le luy ay dict assez souvent, et luy en quelque manière le recognoist. Mais vous sçavez. Seigneur Marc Antoine, que l'amour n'a point de loy, et voicy longtemps qu'il a commencé d'en estre amoureux, et, ma û, c'est une très-belle garse, noble, honneste, et gaige que, si vous l'aviez vetie, qu'en auriez plus de compassion que vous n'avez. Aussi Je vous promets qu'il seroit plus possible faire transformer Erminio en un autre homme que luy faire oublier cest amour, et vous veux dire bien davantage : il délibère de l'espouser.

Marc. — Voire! et qui oyt jamais dire que les religieuses se mariassent?

LuciDO. — Ho 1 elle n'est mie religieuse, et ne le voudroit pas estre, aussi n'a-t-elle faict profession ; mais elle le doit estre, deust-elle crever, parce qu'elle a un gros bien par héritage, etlesnonnainsontmisTceilsurelle, et quand ores elle auroit des ailes, il ne luy seroit possible de sortir du couvent, tant elles lui font étroite garde.

Marc. — Bon, si elle n'est point professe, cela est plus excusable. Mais dis-moy, de qui est-elle QUe? que parles-tu de bon bien?

LuciDO. — Elle est delà famille des Cenamrai, et elle n'a plu3 ny père ny mère, et les religieuses ont sa tutelle, et son bien est fort grand, à ce qu'on dit, mais je n'en sçays autre chose.

Marc. — Il suffit. Conseille pourtant Erminio quitter cette emprise, qui n'est ni utile ni honorable, et s'il veut se marier, les belles femmes et les riches ne sont pas pour luy manquer.

LuciDO. — Si feront bien, s'il n'a ceste-ci, qu'il désire sur toutes autres.

Marc. — Je verray si tu as faict avec luy ton devoir.

LwciDo. — Pour vous obéyr, je le feray, mais je n'en espère aucun fruict.

Marc. — Je veux aller jusqu'à la Grand'Place; fay qu'à mon retour le disner soit prest.

Lucmo. — Aussi feray-je. (Seal.) 1 quel bon père estce là ! Je pense que, s'il pouvoit, il la retireroit de sa propre main hors du couvent pour la mettre aux costez d'Erminio. Ah! s'il sçavoit le tourment qu'il souffre pour elle, il en seroit marry plus que luy. Aussi, pour dire vray, le pauvre jeune homme craint scandaliser la Bile, le couvent et luy-mesme tout en un coup, d'autant qu'elle est grosse de son faict et si preste d'enfanter qu'elle n'attend que le jour et l'heure; et, qui pis est, nepeult trouver moyeu la tirer de lù-dcdons ou la faire secrettcment accoucher, ni voye pour se plus pouvoir trouver avecque elle, et, somme, il faut boyre le vin, et Erminio me dicttousjours que j'ypense et repense, mais c'est luy qui devoyt penser à faire à telle mode qu'il n'eust à s'en repentir; mais on apprend en gâchant l'ouvrage, et Dieu soit loué qu'il n'a affaire à un père comme Aridosio. Mais, à propos de luy, Tibère doit estre encore icy après Ruffo, il ne se souvient de retour

ner à la villa; si son père s'en aperçoit, il Fera une telle tempestâ, qu'il estourdira toute la paroisse. Mais voicyjustement Tibère qui vientléans, il a l'air de penser à toute autre chose qu'à s'en retourner à la villa.