DE URINE VERTE
jL reste à veoir de urine verte, après que ou a veu de urine livide qui est tierce en ordre. Pourquoy est à noter que urine verte est causée ou pour voye de mortification suyvant à infrigidation des esperits, ou par voye de grande adustionou inflammation. Soitdoncquesfaicte ou la première manière ou la seconde, c'est mauvais signe. Ce est prins de Avicenne en la seconde du premier chapitre second. Secondement est à noter que les urines vertes diffèrent de la partie des couleurs : car aucune est verte semblable au fruict nommé jisticus (1), ou pource que elles sont vertes quant au tout ou selon partie. Elles diffèrent à cause des couleurs, car aucune est verte semblable à rouil d'arain, aucune est semblable à jus de porreaux. L'autre est verte de la couleur de Yreos (2). L'autre est semblable à la couleur de la pierre, lesquelles sont diversifiées à cause de plus grande infrigidation ou inflammation. Tiercement est à noter que les dictes urines vertes signifient moins mauvaise ou plus mauvaise selon que l'urine qui a précédé estait moins mauvaise ou plus mauvaise. Se urine livide ou noire a précédé on ne la juge très mauvaise : mais se urine citrine ou de paille ou moins mauvaise a précédé elle est moins mauvaise : car parce on argue plus grande ou plus petite mortification, plus grant ou moindre embrasement, l'ung desquels l'urine verte signifie tousjours. Lesquelles choses ainsi estans s'ensuyvent huyt reigles.
La première reigle. — Urine verte par tout en fièvre ague est signe de mort. Car elle signifie dernier bruslement es esperits ou mortification de la chaleur naturelle, à chascun desquels s'ensuyt mort. Geste conclusion est de Ysaac au premier des urines.
La seconde reigle. — Urine verte en enfans signifie spasme. Car elle signifie superhabondance d'humeurs par tout et aussi es nerfs, et ainsi spasme. Ce est prins de Avicenne au lieu préallégué.
(1) Pistache.
(2) Iris.
La tierce reigle. — Urine semblable à la couleur de phistici signifie mortification du corps naturel. Car elle signifie froideur excessive, comme il appert par Avicenne au lieu préallégué.
La quatriesme reigle. — Urine verte semblable à jus de porreaulx est très mauvais signe. Car elle signifie dernier embrasement es membres espirituels. Parquoy vraye par le dit de Avicenne au lieu préallégué.
La cinquiesme reigle. — Urine semblable à rouil de arain est pire des autres. Il appert : car elle signifie véhémente perdition de tout sans espérance, laquelle se elle est faicte après exercice elle signifie spasme, pour la raison dicte en la seconde conclusion.
La sixiesme reigle. — Urine semblable à couleur de yréos, laquelle urine verte a précédé signifie véhémente infrigidation suffocant la chaleur naturelle, et par conséquent mauvais signe.
La septiesme reigle. — Urine verte estant douleur et angoisse en l'estomach sans ypostase signifie venin avoir été prins en breuvage et par conséquent mort. 11 appert : car comme venin participe en couleur verte, et que il ne seufïre point de sa couleur il sensuyt que il peult taindre l'urine. Ou autrement. Car le venin est ennemy au cueur et aux esperits, et pource je le dits estre mortel. Icelluy prins s'ensuyt mortification, laquelle immédiatement est cause de la verdeur de l'urine. Il est dit notamment sans ypostase : car se avecques telle urine apparoit ypostase il y auroit espérance de vie : car elle signifieroit puissance de vertu contre nature.
La kuitiesme reigle. — Urine verte avecques le cercle vert en frénésie est signe très désespéré. Il appert par les raisons dictes cy devant.
