AS
Qui nous tesmoingne de par li
C'on doit le cointe clerc destruire Qui ne set sa leçon construire ;
Quar en toute science est gars Mestres qui n’entent bien ses pars ?.
soin de se faire connaître ici, plusieurs autres pièces , parmi lesquelles , selon M. de Roquefort (voyez page 463 du 2e volume de son Glossaire de la langue romane), Le Lay d’Aristote et La Bataille des vins. Toutefois Henri d'Andely ne se nomme nulle part dans ces deux pièces. Toutes les deux ont été publiées.
1 Ms. 1830. Var. Despire.
2 On voit, par le peu de variantes que nous avons rapportées et par le petit nombre de suppressions remarquées dans le Ms. 1830, que Legrand d’Aussy a eu tort de mettre la note suivante en tête de sonarticle sur La Bataille des Sept-Arts (voyez, t. V, page 496, Notice des manuscrits): « Les versions des deux manuscrits diffèrent entre elles par des variantes très-considérables. » Il n’y en a pas en effet d’autres que celles que nous avons indiquées.
Explicit la Bataille des VII Ars,
LE
L'autre nuit en mon lit gisoie; Par anui endormis m’estoie.
En mon dormant sonjai .i. songe Que je |” vous dirai sanz alonge.
Avis me fu, si que dormoie,
Qu'’en .i. pré verdoiant estoie Paré de floretes diverses, Blanches et vermeilles et perses; Li prez en aloit formoiant :
Enmi ot .i. pint verdoiant,
Si grant que pardesus, en l’ombre, Tant de gent que n’en sai le nombre Mult bien aombrer s’i péussent, Que jà point de soleil n’éussent, Nis se ce fust en plain esté.
Je n’oi guères iluec esté
Quant je vi .vij. dames venir Teles dont me prist souvenir.
Si beles véues n’avoie
En vile, n’en sentier, n’en voie.
AN
Gentes estoient et alises,
Mès n’estoient noires ne bises :
Blanches furent com flors de lis.
De les véoir estoit délis, Onques ne vi plus bele chose.
La coleur vermeille coin rosé Avoit chascune d’eles .vij.
Des dont qu'Adans engendra sett, Son ainsné fil après Abel,
Ne vit nus hom ator plus bel Que toutes entr’eles avoient.
Vers le pin droitement s’avoient :
L’ainsnée s’assist primeraine, Qui de biauté passoit Hélaine ; Entor li les autres s’assisent, Que lonc sejor mie n’i fisent.
Quant toutes arengiés furent Tout en renc si com eles durent, L'une par çà, l'autre par là,
Li ainsnée primes parla.
Lor mère fu, si com moi samble Et toutes se téurent ensamble,
Cele dame avoit non Granmaire ; Basset parla sans noise faire,
Et dist : « Filles, or m’ehtendez; De moi vo nessence prendez, .
De moi venez, ce est li. voirs ; Mès plus est prisiez voz savoirs.
Que li miens, je n’en doute mie ;
= AÔ =
Et c'est droiz se Diex me bénie;
Quar ausi comme Loire et Saine,
Et autres aigues que Diex maine Parmi le monde à son voloir,
Sont nommées de plus valoir
Que li sorjon de qoi ele issent
Por ce que plus loing s’esvaissent
Et d’autres aigues ont criuture, Ensement por ce qu’avez cure
À aprendre plus lonc tens mise, Chascuns clers miex de moi vous prise, Et nequedent de moi venez
Et votre nessence en tenez :
Fontaine sui et vers li flueve, Beles filles, por Dieu vous rueve Que ne m'’aiez mie cn despit.
Marier vueil tout sanz respit.
De vous toutes sui li ainsnée :
Si doi premiers estre assenée, Et si vous di trestout por voir Que vueil en mariage avoir
L. serjant Dieu c'om claime Foi, Quar par reson avoir la doi.
S'en dirai la reson certaine, Quar ausi com je sui fontaine, De toutes sciences qui sont
Et de moi commencement ont, Si est foiz et pais et nessance De toute la notre créance.
Avoir le vueil se le loez, S’achoison trover n’i-poez
ES
Por qoi je avoir he le doie. »
Adonc se teut chascune qoie, Fors que li une qui parla.
Toute la plus jone sambla ; 1. poi cstoit descolorée, Mès mult estoit bien enparlée,
Il m'est vis qu’ele ot nc 1 Logique.
Des autres estoit la mains riche
Si qu'il me sambla à l’ator.
Ele resgarda tout entor
Ses sereurs, en après sa mère; Puis à dit : « Par Dieu nostre Père, Dame, je me vueil marier
En lieu où me puisse fier,
Et si vueil Pénitance avoir
Quar je sai bien trestout por voir Que c’est uns hardiz avocas.
Devant Dieu monstre tous ses cas Et ses ressons. Sachiez de fi
Et je sui bien hardie ausi.
Par devant pape et cardonaus Feroie-je bien de voir faus
Et de faus voir tout ensement.
L'est bon par mon jugement
Que soie à Penance donée;
Par droit doi estre s’espousée. »
Quant cele ot dit, après se teut.
La tierce au plus tost qu’ele péut Parla mult bel et tout par sens.
tcele, selonc mon assens,
Estoit Rectorique apelée. |
Sage estoit et bien emparlée
Et riche, si qu'il me sambla.
Bel et cortoisement parla,
Et dist, non pas à Ccuer mari, Qu'’ele voloit avoir mari.
« Sanz atente et sanz Contremant, Fet-ele, aumosne vous demant ; Ainsi le vueil, ainsi me plest.
C’est uns avocas qui ne lest
Por nului qu’il ne voist plaidier, Devant Dieu, por celui aidier.
Qui de lui son avocat fet,
Bien i raconte tout son fet
Et bien li furnist sa besoingne, Que ne le lest por nule essoingne, Là me vueil-je acompaignier, Quar je sai bien ausi resnier.
Ensamble bien nous chevirons, Et noz droiz bien tenir saurons Par tout, et par lonc et par lé. ».
Lors se test, que plus n’a parlé.
Et la quarte à parler commence :
« Ne sai, fet-ele, que j'en mente.
Mari vueil avoir entresait
Qui de moi la seignorie ait. »
Envoisie estoit et chantanz; Musique ot non, n’en sui doulanz, Et dist par droit et par reson
Veut-elle espouser Oroison.
C’est devant Dieu, quoique nus die, Uns serjanz de grant mélodie, Bien chantanz et bien orguenan, Et je resui bien avenanz,
Et si me r’ose bien vanter D'orguener et de bien chanter ; Nule dame n’en cremiroie.
Por c’est droiz que donée soie En mariage à Oroison. »
Adonc defina sa reson.
La quinte parla esraument,
Et dit que tout certainement
Et tout sanz faire demorée
Veut ausi estre mariée.
-Cele ot à non Astronomie,
Et dist que faillir ne veut mie
Que ele ne soit por espeuse Donée à Amor amoreuse,
« Quar sachiez bien tout ensement Que je voi enz ou firmament
La muance de toz les tans. Ensement n’en sui pas doutans ; Si tresperce Amors toz les ciex, Et si est uns serjanz que Diex Aime plus et qui plus cler voit, Quar vers nului ne fausseroit.
Por ce m'i vueil acompaignier :
Bien saurons no pain gaaignier. »
Adont se teut quant ce ot dit, Et la siste sanz contredit.
A parlé que plus n’i détrie.
Cele ot à non Gyometrie ,
Et dist : « Marier me voudrai :
Se je puis Abstinence aurai; Quar, ainsi com l’en trueve ou livre, Ele veut par mesure vivre,
Ne de nul outrage n’a cure;
Et je resai tant de mesure
Que par mon sens mesureroie Tout le monde se je pooie.
Devant moi en apert véoir ;
Si ne porrons disete avoir
Se je mesure, et par mesure
À vivre andui metons no cure : Bien porrons à honor passer. »
À tant a lessié le parler.
La septime recommença
À parler, mès pas ne tença, Ainçois dist sanz li escrier :
« Dame, je me vueil marier; Por marier sui assez riche. »
Cele ot à non Arimetique.
Ainsi comme il me fu avis, Bele dame estoit à devis,
Et dist : « Dame, s’il vous est bon, Espouser vueil Confession, Et la reson vous en dirai.
Vous savez que de conte sai
Sd
Tout ce que on en puet. savoir,
Et Confessions, tout por voir, Reconte si soufissiaument
Qu'en son conte de rien ne ment.
Je di de Confession vraie.
Autre ne vueil-je que je aie :
Nul autre mari je ne prise.
Se nous menons marcheandise Bien saurons notre avoir conter ; :
Aucun bien i porra monter. »
Quant ainsi toutes parlé eurem Esrant toutes coies se teurent ;
Et je, qui mult m’esmerveilloie De ce que parler les ooie,
Regardai .i. petit avant.
Si vi parmi le pré venant
Une dame tout son chemin.
Une chape ot de camelin
Qui estoit et cointe et jolie.
Dusqu’au pint n’arestèrent mie :
Sitost que les .vii. Les perçurent, Esraument levées se furent :
Toutes mult grant joie leur tisent.
La dame ou plus haut lieu assisent ; Mult sagement leur demanda
Pour qoi venues furent là.
Eles disent por conseil prendre De marier, et por aprendre Comment marier se péussent
Que nul reprovier n’en éussent.
SE
Quant la dame oies les eut
Dont parla, bien faire le seut, Mès mie ne voloit tencier,
Ainz lor commence à préèêcier
Et multi doucement les chastie.
Ele ot à non Théologie;
Sage dame estoit à devis.
Ele leur dist, ce m'est avis,
Que mie ne se mariaissent,
Mès chastée ainçois voaissent, Quar grant chose est de chastée, Encor plus de virginité.
« Si soit chascune de vous sage, Quar il i a en mariage
Mult de dangiers et de riotes.
Esrant sont tenues por sotes
Les fames, foi que doi saint Leu, S’eles mesfont ne point ne peu. »
L'autre dame lors se leva Que ele avoec li amena.
Fisique ot non, c’est veritez, Et dist : « Madame, or m’escoutez.
Bien puéent tel complection Avoir que il me samble bon Que on les face marier. »
Adonc a dit tout en riant Que il seroit bien avenant Que chascune fust mariée.
Adonc i fu granz la risée.
La dame dist, et je l’otri :
no.
« Puisque vous le loez ainsi,
C’est bons ordres de mariage:
Qui bien le garde si est sage,
Quar Diex mariage estora
Quant Evain à Adan dona.
Bien doit chascuns garder son cors Et vers toz vices estre fors. »
Quant la dame ot ainsi parlé Lors furent li mari mandé.
Il i vindrent si comme il durent :
: Toutes .vii. espousées furent; Granz noces i ot et plentives, Vieles i ot et estives,
Harpes et autres estrumenz,
Et vins et clarez et piumenz lestoit, si que il sorsist.
Despuis cele eure que Diex sist Aus noces saint Archedeclin
Ne vit-on tel plenté de vin Comme il ot là, sachiez por voir.
Quant je vi tel plenté avoir
De vin et par cà et par là,
Et que nus hom ne m’en dona, Si grant soif adoncques me prist Que segloutir esrant me fist.
De boivre oi si grant désirrier Que il m’en covint esveillier.
Si me sui forment merveilliez De ce que j'avoie véu ;
Mès se je éusse béu
Du vin de ces noces .i. tret,
11 m’éust à 1oz jors bien fet; Mès je n’en bui ne n’en goustai : Por ce encor mauvais goust ai.
Sachiez que li TAINTURIERS vit La vision que vous ai dit.
Le gargecon encor sec a
Du grant soif qu’iluec endura.
Por ce vous di au définer
Que songes puet mult bien grever.
Li TAINTURIERS le puet bien dire, Qu'il ne puet ne chanter ne lire Por le grant soif que là soufri.
Tout ensement l’a maubailli
Li mariages des .vij. ars.
Miex amast ses huves fust ars Qu'’éust véu tel vision ;
A tant le parler en leron.
E:cplicit le Mariage des .vy. Ars.
