LIVRE !«>', CHAPITRE III

genx Rats seront habitateurs de la terre fertille et heureuse ; laquelle engendre et produit de délicieux huille ; mesmement la riche montagne d'Ismarus, sans que les champs Fhanéens sont chargez de grand abondance de raisins, dont est fait nostre précieux et amiable boire, et cent mille fois plus amoureux que n'est des Dieux de Nectar. Groacus la grenoille ne se peut tenir longuement, qu'il ne print la parole, pour la grand envie qu'il avoit de tromper, et décevoir le sot rat Musoleardus : Musoleardus, dit-il, gentil damoisel, j'ay ouy tes parlers bien au long, et ne veux nier que vous autres ne soyez puissans et fort riches en seigneuries et possessions; mais ô ce n'est rien en comparaison à nostre magnificence. Mesmement les dieux n'ont si grand diction et empire; car'comme la terre est commune quasi à tous animaux, néantmoins nous seuls tenons la diction et empire des merveilleuses eaux. £t encores^ quand il nous plaist, nous cheminons sur la terre ainsi que vous autres Bats : puis après nous sautons en la pure région de l'air; finalement nous reçoit nostre habitation des eaux mieux aimée. Pense-tu si je voulois ores laisser les clairs estangs, que je ne allasse occuper les ardues montaignes,et estre fait pareil semblable à voz empereurs? Ouy certes, et si pourrois ronger les glans à mon vouloir. Mais je considère en moy que l'habitation des claires et redolentes undes , que noz dieux domestiques, et que les beaux lits musquez sont beaucoup meilleurs. Davantage nous avons journellement à nostre table les

splendides déesses, nymphes fluviales et marinés, lesquelles en plusieurs guises nous font passer temps. Mais à qui raconté-je ces merveilles? A celuy qui ne sçait que c'est Combien que s'il te plaist, jeune seigneur, facilement verras toymesme ce que je vais disant. ITaye donq peur tenter les claires undes, beau Musoleardus, car je te mèneray droitement en nos palais. Monte sur mon dos, et te tiens fermement à mes cheveux. Le povre sot Musoleardus^pensant que la grenoille Groacus dist ces paroles en bonne équité et sans trahison, s'approcha, et monte sur le dos dudit Groacus. Et ne faut demander s'il estoit lors joyeux, soy voyant estre porté sur les ondes claires et profondes, esquelles il se miroit ; mais celle liesse ne luy dura guères , et à la bonne cause. Mieux certes luy vaulist estre èjs creux des anciennes ruines, ou viels arbres, que soy mettre en barbare élément Mais les fatales déesses ne permettoient quMl preveist son infortuné malheur. Croacus,la perverse grenoille, après avoir porté dessus son eschine Musoleardus seurement jusqu'au milieu de l'étang, duquel à son avis il ne pourroit eschapper sans trop grande fortune et favorable, le laisse trébucher, s'escoulant dessous luy; puis s'en va musser au fond du lac, joyeux d'avoir si bien exploité. Le povre rat fut durement esperdu, soy congnoissant estre trahy, et exposé au milieu des pernicieuses et impitoiables ondes.Finalement, quand il veit qu'il n'y avoit plus de remède dans son fait, dit tels inots à moût grand peine : Ha Groacus, grenoille la plus inique et