Chapitre IV

Or, dit le conte que les Rats cherchèrent MusolearduB , leur maistre, trois jours entiers^sans boire ny manger que des glans et petites noysettes, qu'ils trouvoient dans les forests. Mais quand ils ne le trouvèrent, s'en retournèrent dolens et courroucez vers le Roy Rodilardus,son père, fors le bon Ciceret, lequel avant ne se voulut mettre au retour, qu'il n'en seust nouvelles certaines. Moût de peine par l'espace de trente jours endura le preux Ciceret ; et n'eust esté la bonne et fidelle amour qu'il portoit à son maistre, il eust, comme ses autres compagnons, laissé sa queste. Un jour qu'il faisoit une excessive chaleur, Ciceret va descendre dessous un grand chesne,tant las et travaillé, qu'il ne se pouvoit soustenir. Mais il n'eust illec grandement séjourné, qu'il va ouyr un grand son et noyse, duquel il fut aucunement esperdu. Or, déclinoit jàsur la nuit le soleil, et commeuçoient à issir de leurs lieux toutes vermines, qui se tapissoient de jour pour la chaleur du soleil ; ainsi

28 LA BATAILLE FANTASTIOUE

faisoient les volatîlles ténébreuses, comme chats huans, chauvesouris, et plusieurs autres bestes, qui partoient du creux des arbres et se mettoient à voler par la forest pour quérir leur pasture. Donques Giceret> le rat, pour celle noise, peureux et craintif, se va musser au plus espez buisson qu'il peut trouver. Mais quand û eut apperceu que les Grenoilles faisoient le tumulte, il en fut indigné et despit. Parquoy, avec ce qu'il estoit oppressé de faim, va erramment celle part^ où il avoit ouy la noise, pour attraper aucune d'icelle. Mais Dieu sçait s'il fut lors dolent et courroucé quand il veit ces meschantes Grenoilles, lesquelles criant et brayant, insultoient le corps de son maistre. Certes, peu s'en faillit qu'il ne mourust là de fin despit Ha, ha, traîtresses, vous l'avez mis à mort, mon bon seigneur. Seurement vous avez fait trop grande lascheté et mesprison, de laquelle à tard vous viendrez au repentir. Ha,sireMusoleardus,par vous n'aviez mérité si cruelle mort. ciel, ô la terre, ô la mer ! pourquoy avez-vous consenti à mort si despite et vilaine? Helas, et que direzvous^Roy Rodilardus, quand vous en sçaurez les nouvelles? Que ferez-vous^ noble Rojme Glandiphage^ quand sçaurez que vostre douce portée est ores estainte si indignement par les Grenoilles envieuses ? Certes, vous mourrez de courroux, ce sçay-je bien. Mais ne voicy pas extrême douleur préparée au père, estre frustré du baston et soustenement de sa vieillesse? Grenoilles despitées et mauvaises où l'avez vous conduit? Est-ce l'honneur de ces luculentes vertus, et chauve prèud'hommie? N'est-ce pas pour luy

UVRE l«S CHAPITRE IV. 1:9

oster la gloire de son vieil sceptre, et décorementdeson Empire? Est-ce le triomphe que Yons lay avez appareillé, quand vous luy avez ravy le repos désiré en ses vieux ans? toy, misérable Rodilardus l inconstantes destinées, pleines de troublement et tumultes. Noble Mnsoleardus, qui pourroit concevoir les douleurs amères que le mien triste cœur sent pour ta mort,, qui soulois estre le plus honnoré d'entre les martiaux rats de la Province; qui soulois repousser les forts milans^ noz capitaux ennemis, lesquels plusieurs fois ont senty tes fureurs. Maintenant, cher amy, tu es examiné et n'es autre chose qu'une charoigne digne de pleurs. Desjà le tien chef est sans voix, toy qui soulois estre le plus beau de ce paîs^qui soulois estre le plus facond de nous tous, et qui sçavois plus de chevalerie en armes. Hélas!

cher amy, qu'est devenue vostre beauté reluisante? Qu'est devenue celle belle noire couleur^ le doux regard, la majesté et honneur de vostre viaire? Certes, peu aura proufité Croacus en vostre occision. mort envieuse, qui par fauceté vaincs et endommages les florissans princes, encores, qui pis est, en leurs premiers ans ; qui modères et tiens en ta main les destinées des grands Roys ; qui mets au bas les grands et menas également, qui rends les imbéciles pareils aux forts et magnanimes, les Ducs aux peuples,et vieillesse à jeunesse; ô mort ténébreuse, quelle chose fa esmeueàce que misérablement feisses mourir le filz de nostre Roy ? Ha,povre Rodilardus, que feras-tu, quand tu en sçauras les nouvelles! Dieux immortels, vous avoit-iltantoffencé.

que YOUsIaytoUissiezle baston et repos de sa vieillesse! Quelny sçauriez-vons pis faire? Après que le gentil Giceret eut assez démené bob daeil, comme fait la biche quand elle voit son petit faon, qu'elle a recentement enfanté, estre dévoré des chiens , il se meit en chemin pour aller annoncer au Roy Rodilardus la douloureuse mort de son filz. Tant feit Giceret par ses journées, qu'il fut devant le noble et puissant Rodilardus; auquel après avoir fait la révérence, dit ainsi : Roy Rodilardus, il me desplait grandement qu'il me convient estre le premier qui dois conter les tristes et douloureuses nouvelles de l'enfant Musoleardus. Mais puisqu'il a pieu à fortune et aux dieux que moy-mesme aye esté spectateur de l'injure , je les vous diray. Roy Rodilardus, vous n'estes ignorant comme Musoleardus vostre filz, ensemble grand partie de voz gens, allâmes chasser le Loir merveilleux, qui mettoit à destruction tout vostre Royaume, combien qu'enfin Musoleardus l'a défeit et mis à mort par sa vaiUance; tout^ois, ce n'a pas esté sans grande merveilleuse peine et labeur ; car la beste estoit trop plus cruelle que l'on ne vous avoit raconté. Nous nefeusmes pas présens, pource que ne peusmes suivre mon dit seigneur, vostre filz, qui estoit trop plus léger que nous. Toutefois, à quelque peine en le cherchant ça et là parla forest, parvinsmes au propre lieu ot il avoit la terrible beste occise. Mais, quand nous ne trouvasmes pas nostre maistre, ensemble nous mismes en queste en diverses parties des bois pour le trouver. Roy Rodilardus , voicy le trentiesme jour que je le quiers^ durant lequel