Chapitre I

En cette partie de l'histoire que Rodilardus estoit le plus riche^ le plus puissant, le plus valeureux et loyal d'entre tous les autres Rats de son temps; parquoy à l'exemple du grand Boy Alexandre y lequel conquit en plein camp de bataille les roys de Perse et d'Inde ; ne voulut opprimer ses ennemis les Grenoilles, sans les premièrement défier , combien que plusieurs de ses gens luy conseillassent le contraire. Mais en brieves paroles leur feit telle responce: c'est qu'il n'estoit celuy qui vouloit dérober la victoire. Parquey^ incontinent appella Giceret, auquel il enchargea dénoncer guerre mortelle au roy grenoille, Croacus, et à toutes les autres gre-

noilles habitantes les eaux généralement Ciceret^ qui ne desiroit autre chose , sinon qu'il se peust trouver en lieu de venger la mort de son bon seigneur et maistre Musoleardos, ne feit long séjour; ains droit se mit en voye et feit tant, qu'en moins de deux jours il parvînt au Royaume palustre du Boy Groacu8,qui ne pensoit à la guerre future auprès des rivages et sur les fins de son Royaume, en une ville qu'il avoit fait construire nouvellement, forte à merveilles, et de grand deffence, soy dedvisant avec planté de ses gens. Quand Ciceret fut venu en la présence du Roy Croacus, il luy feit la révérence, comme à tel Roy appartenoit, puis dit: Roy Croacus, vers toy m'envoye l'Empereur des bois et forests, Rodilardus, et conte Palatin des larges campagnes , puissant et riche de peuple et avoir; lequel te mande par moy, qui suis de ses barons, que luy viennes amender à sa volonté et de ses conseillers la mort de son cher filz Masoleardus, par toy recentement occis en trahison ; ou sinon, mon dit seigneur m'a commandé signifier à toy et à ton peuple guerre irréconciliable et mortelle. Parquoy, Roy Croacus, conseille toi quelle r esponce tu me feras maintenant. Croacus oyant si superbe mandement, commence subitement à enfler de beau despit^ et la couleur luy monte au visage. Fuis irément dit plusieurs grands outrages à Ciceret, luy commandant qu'il eust à vuider sa cour, autrement qu'il luy prendroit mal d'avoir apporté telles nouvelles. Pour ces menaces, ne laissa Ciceret accomplir ce dont il avoit la charge. Dieux, dit-il, lesquels avez ce peuple gémissant et quereleux en garde, nous