Chapitre VI

Quelque espoir de vengeance print Bodilardu8, Yoyant si grand peuple estre venu à son mandement et ayde; desjà les mareschauz et capitaines avoient ordonné les batailles; parquoy il pensa que longue demeure luy pourroit nuire. Mais devant que nul de l'ost s'esmeost, délibéra à faire sacrifice à ses dieux, à fin qu'ils luy feussent en ayde et secours. Premièrement, il feit ériger trois autels : sus le premier, qui estoit dédié à Bachus, il sacrifia une jeune Limace ayant ses cornes ornées de fleurs et fueilles ; sus le deuxième autel, dédié à Pallas, fut immolée une tendre Lézarde , laquelle avoit esté si hardie comme d'entrer aux temples de la vierge; sus le troisième autel, lequel estoit consacré à la déesse Gerès , fut mactée et occise une légion de Formis. Le pitoiable Rodilardus estoit à genoux gémissant et plorant, en faisant ses prières. Dieux, dit-il, lesquels avons tousjours rêverez et aymez, qui avons en garde voz lampes, nous vous supplions humblement, soyez ores noz adviteurs contre les rebelles et odieu-