LIVRE II, CHAPITRE VI
ses Grenoilles. dieux, des choses entendez et congnoissezles causes; certainement bien voyez que je suscite la guerre, non pas par envie, mais pour venger la tant déplorée mort de mon cher enfant. Vous fairez bien d'en juger selon droiture et équité. Rodilardus meit fin à ses oraisons, puis appela Ciceret, qui estoit tout armé devant luy, appuyé sur sa halebarde, auquel il bailla à conduire l'avangarde pour aller sur les ennemis. La seconde bataille conduirent Rôtir et Glaudus; ladite bataille estoit de trente cohortes et trois légions. Le Roy GuUo et Rubican d'Athènes eurent la troisième bataille, laquelle estoit de soixante légions et dix mille Rats Gataphrastes, tous gens de cœur. La quatrième bataille conduisoit le preux Gatel, qui sçavoit si bien percer les greniers à bleds et tromper le montagnar laboureur. La cinquième bataille fut baillée aux deux frères Rupin et Assnr. Ledit Rupin estoit à merveille bon combattant, mais Assur excelloit en conseil, et si estoit assez hardi chevalier. La sixième eut Seracasus pource qu'il estoit passé maistre de dérober les fromages gras et mouls, eschapper aussi des trappes appareillées pour le surprendre, et contemner les menaces des vieilles édentées, contrefaisant en perfection du marmiteux : mesmement n'agueres, par sa naSve industrie, il avoit mangé la viandemise cauteleusementà la trappe, sans danger, et puis se moqua de la vieille, qui Pespioit derrière l'huis. Donques après que tous les rats furent mis en bon ordre, s'acheminèrent avec grand bruit droit à l'estang; car ils avoient esté avertis par les explorateurs que là
sur les mages attendoient les Grenoilles. Mais le Roy Rodilardas se hastoit de mener la dernière bataille, en laquelle il avoit constitué les vieilles légions, qui estoient gens duits à la guerre. Gueres avant n'eurentcheminé les Rats, qu'ils arrivèrent en la ville de Rodilardie, marchant sur les fins de la terre de Croacus, et luy arrivé, commence à parler aux plus aparans de la ville, leur remonstrant en bref l'injure à luy faite par Croacus.
Pour lors^à Rodilardie arriva un ambassadeur de la partie des Grenoilles, lequel ambassadeur, après avoir dit et donné à entendre la cause pourquoy il estoit venu, déclare et remonstre à Rodilardus qu'il estoit chargé de Croacus luy dire aucune chose en particulier : c'est assavoir que Croacus se vouloit purger, le priant qu'il ne print en coutume lie et injure ce qu'il avoit fait ignoramment mesmes son corps deffendaut, le suppliant laisser son entreprise ; luy remonstrant qu'il ne devoit estre si fort courroucé contre ceux qui avoient longtemps entretenu son amitié : car en espérant soy venger, il nuiroit et greveroit fort son peuple. Indignamment onyt Rodilardus cette légation, et à ce bien apparut ; car subitement feit prendre le dit ambassadeur, et en sa présence, en despit de Croacus, le feit escorcher tout vif. Ces choses annoncées, fut la republique des Grenoilles surprinse de grande crainte et timeur : en telle sorte que plusieurs d'elles commencèrent à chercher moyen pour soy sauver, et quelque remonstrance que leur feit Croacus et les estrangers capitaines, ne pouvoient reprendre cœur. A Rodilardie la cité,
