Chapitre I

Rodilardus et ses gens estoient desja entrez en la terre du Roy Croacus, laquelle ils alloient bruslant et exillant, tuant et meurdrissant tout ce qu'ils rencontroient ; mais gueres ne furent allez avant que Croacus n'en fut incontinent certioré par les explorateurs et espies qu'il avoit envoyés sur les champs, dont bien cuidaforcener tout vif. n appella à soy effraiement l'un de ses Capitaines, nommé Cracon, auquel il avoit baillé à conduire l'avaugarde de son armée pour sa valeur et chevalerie : Allez, Cracon, mon amy,

dit-il , et chevauchez à Porée des forests, et si vous rencontrez ceux qui me font tel dommage en ma terre, pensez de m'en venger; mettez-les tous à martyre sans un seul excepter. Cracon vistement print ses gens, et sans faire là longue demeure , se mit en chemin le plus celéement qu'il peut, costoiant les bois ; et pouvoient estre en nombre quinze mille combattans tous hardis et forts. Longuement n'eurent chevauché, qu'ils apperçeurent une rotte de trois mille Rats arme^ à la légère, lesquels s'estoient départis de l'ost du puissant Rodilardus, pour trouver quelque adventure. Leur capitaine, qui marchoit devant, regarde sur dextre ; mais quand il apperçeut si grande multitude d'ennemis, s'il fut esbay et esperdu, ce n'est de merveille. Compagnons, dit-il aux autres Rats, voilà noz ennemis les Grenoilles ; tant avons follement cheminé sur eux, que mal nous en est advenu. Si les dieux n'y mettent conseil, nous ne pouvons eschapper sans meslée, et le fuir n'y vaudra rien. Parquoy, très chers compagnons, prenez cœur, force et vigueur, car il leur faut vendre noz vies aussi chèrement que les Spartains contre les peureux Xerces : possible que les dieux, de quelque part, nous envoiront secours. Ha! capitaine, sans doute tous sommes morts (respondirent les compagnons); regardez qu'il est de faire : voicy devant et derrière noz ennemiz, lesquels à si grande puissance viennent, que nous sommes perdus.

(Or avoient divisé leur armée les Groaciens en deux, pour mieux surprendre les Rodilardiens) et ne pourrons eschapper ; davantage si nous nous mettons aux champs, nous pourons encores