LIVRE m, CHAPITRE

rez-Yous les outrages des infâmes Grenoilles? Nagueres Musoleardus a esté indignement occis par elles, et maintenant elles ont prins le gentil Phipialis pour pareillement le mettre à mort et le submerger en leurs estangs. Ha! je vous supplie^ avançons-nous et le secourons ou que nous mourons quant et quant avec luy.

Quand les Rats ouyrent ainsi parler Cullo, ils eurent grand honte et douleur, et dirent que jamais ne seront tenus pour couards. Or on verra, dit Cullo, qui mieux fera. Lors se dérangèrent tons ensemble, et vindrent ruer sur ceux qui tenoient Phipialis le Rat, lesquels en peu d'heures ils mirent tous à mort et délivrèrent leur compagnon, qui puis bien joyeux de sa délivrance, s'arma des armures qu'il trouva gisantes par terre à grand foison. La bataille fut dure et cruelle ; car estoit si grand le bruit des combattans, que l'un n'y entendoit l'autre. C'estoit grand pitié d'ouir les pleurs et douloureux gemissemens des povres Rats et Grenoilles, navrées et foulées sous les pieds des combattans; le filz n'avoit compassion du père, ny le père du filz.Les Groaciens se defendoient à force des bras aussi bien ou mieux que leurs adversaires. On n'eust sçeu juger au vray qui en avoit du meilleur; car l'une fois les Rats estoient supérieurs, à l'autre fois les Grenoilles faisoient ressortir hors les rangs leurs ennemis; ainsi d'un costé et d'autre fut bien combattu par l'espace de trois grosses heures. Toutefois les Rats estoient plus durs à la guerre que les Grenoilles; car bien souvent pour la petite force qui estoit en elles, leurs dards et lances resortoient ius

de dessas les armures des Rats, qui estoieut faites de pellures de febves, bien jointes ; laquelle chose tournoit aux Grenoilles à trop grande déconfiture, combien qu'elles estoient trois contre un Rat. Et ce estoit qui les tenoit en force et vigueur deprisant les furieuses dents des ennemis, leurs espées, leurs boucliers et lances. Quand elles peuvent tenir quelqu'un d'iceux , elles le foulent à beaux pieds bien lourdement; et si aucune d'elles est prinse, se penent la secourir non autrement que les dangereux sangliers , quand ils se courroussent pour r'avoir leurs petits faons qui crient.