Chapitre III
La bataille de plus en plus devint fière et merveilleuse, si qu'il convint reculer aux Rats plus de deux arpens de terre loing ; car trop estoient les Grenoilles envers eux, qui les menoient tousjours frappant, vueillent ou non, et eussent esté à trop grand meschef, si Rupin le Rat ne fust lors survenu avec Assur et le vaillant soris Feracase , ensemble leurs gens, lesquels se mirent entre les Grenoilles, occisant et abattant tout, tant qu'ils trouvoient sans mercy, et leur feirent une guerre forte et cruelle, qui les tint une grand pièce en dure subjectîon. Mais nonobstant ce, convint aux Rats branslerun petit; et lors les Grenoilles prindrent cœur hardiment et halaine; puis s'en voit ruer d'une grande impétuosité et fureur sur les Rats, ausquels elles feirent maint ennuy de celle course. Mais le malheureux Grenoille Lericon, et le jeime Molore, y furent tuez parle puissant Assur. Aussi Corbo l'Ethiopin, auquel ledit Assur pourfendit Tespaulejusques à Testomach d'un coup d'espée, si qu'on luy veid le foye et lepoul-
mon. Bien aperçeut de loing la Grenoille Torodes, qae mort estoit sans remède son cher amy Corbo ; parquoy, comme hors du sens vint courir sur Assur le Rat et luy dit : Ha 1 traître Assur, certes, mourir te convient, je vengeray la mort de mon bon amy Corbo, lequel tu as maintenant occis.
Lors Torodes animé d'ire comme un sanglier, estend le bras et darde son fort espieu qui estoit esmoullu et poingnant comme d'un plus fort et roide jonc qu'on sçeut trouver, contre Assur, lequel il eust occis sans doute ; mais Assur qui estoit moût expert de coups, donner et recevoir, renversa le coup, si qu'il ne fut point attaint. Ha ! Torodes , dît Assur , je fîisse mort si m'eussiez touché; mais ores je me vengeray de vous : aller vous faut tenir compagnie à Corbo le malheureux, lequel disiez estre sivostre amy. Après qu'il eust ce dit, il frappe sur Torodes la Grenoille un grand coup d'estoc, et luy feit passer son espée à travers le corps plus d'une brasse. De ce coup jetta un grand soupir Torodes et mort par terre. De l'autre costé de la bataille, furent aussi occis les preux Grenoilles BaraconetLerdas, qui estoienttrop débilités de longue viellesse, et le beau Sylas qui avoit reçeu sur son corps bien deux mille playes , desquelles la moindre estoit mortelle. Non-seulement moururent plusieurs Grenoilles, mais aussi grande fut l'occision faite sur les Rats. Mesmement fut occis le vaillant Ciceret , lequel avoit fait tant d'armes toute la journée, et pour la mort duquel reçeurent les Ratsceluy jour merveilleux dommage. Celuy qui le tua, ce fut Cocas
