LIVKE III, CHAPITRE IV

tement : Or,à eux, gentils Barons, dit-il, tous sont vaincus et morts. Ha 1 nous eschaperont-ils ceux qui ont tué et noyé mon filz? Qui fut bien lors esbay, ce fut Croacus et ses gens, de veoir tant de Rats estre descendus des montagnes, armez d'armures nouvelles et inacoutumées. Lors va lever ses yeux vers le ciel, disant : père Jupiter, a il si grande génération d'infâmes Rats es montagnes et forests ? Ha! dieux, gardez-nous aigourd'huy de honte recevoir. resplendissantes Nymphes, desquelles nous habitons les ondes, soyez-nous en ayde et secours. Gardez voz peuples et prohibez ces dures playes et tormens. Les martiaux Rats ne faisoient point de cesse de faire occision de Grenoilles. Mesme Rodilardus estoit au premier fronc, l'espée au poing, qui n'en avoit aucune compassion, tant en faisoit grande et excessive discipline : chèrement leur vendirent la mort de Musoleardus. Bien peuvent dire les Grenoilles qu'il leur en souviendra d'icy à cinq cents ans. D'aventure, ainsi que sa fureur le menoit tousjoursà la mort des povres Grenoilles, va apercevoir une des plus grosses d'entre elles, appelée Corot, lequel faisoit rage de tuer et grever les Rats. Parquoy s'adresse celle part , et luy donne si grand coup d'une halebarde, qu'il fend le povre malheureux en deux pièces. Puis un autre nommé Cadoras, le fort Arampus, et le traitre Cocas, dont à celle heure fut vengée la mort de Ciceret.

Brief ne fina Rodilardus jusques à ce qu'il eust tué cent Grenoilles d'une colère, avec le vaillant Jopes, qui avoit sur sa teste une crête rouge comme sandal au lieu de plumail. Les

antres Roys Foracus, le verd chevalier Gores, Thnscos, Fiadas, et le fort Arches, Tonlnrent Tenger leur honte : donqnes feirent tous ensemble une course sur les Rodilardlens, et de première venue mirent à mort les deux frères Assor et Rupin, Sapinians, Lepadon, Gatél et Ro- Mcan. Hydus eut le pied senestre coupé, et le ▼ieil Maupin 7 laissa les deux oreilles; mais enfin fut vengée leur mort par Rodilardos.