OLIVIER DE LA MARCHE

Le service ducal de la paneterie.

Le duc a ung premier panetier et cinquante escuyers panetiers, et sont conduis à la guerre et à la paix soubz le premier panetier, et sont gouvernez par cinq chiefz de chambre ordonnez par le prince, dont chascun a neuf panetiers soubz luy, et chevauchent tous soubz la cornette du premier panetier en une escadre... Quant le prince veult disner et qu'il est couvert, Thuissier de salle va quérir le panetier qui doibt servir pour ce jour et le maine en la paneterie. Et là, le sommelier de la paneterie baille une serviette au dit panetier et la baise en faisant créance. Et le panetier la met sur son espaule senestre, les deux bouts pendans devant et derrière. Et puis, le sommelier luy baille la sallière couverte, laquelle ledit panetier doibt porter entre ses dois, tenant entre le piet et le ventre de la sallière, en différence du goubellet, qui se doibt porter parle piet. Et va le panetier après l'huissier de la salle, la teste nue .. Le panetier assiet la viande sur la table et puis prend son assay et le baille aux autres, Tung après l'autre . Et se remet le panetier au bout de la table devant la nef et sert le duc à deux fois, et à chascune fois de douze ou treize metz. Et le soupper se sert à une fois. Et doibt le panetier prendre ung des couteaulx et mettre le sel de la grande sallière en la petite et faire son assay, et le mettre devant le prince. Le panetier prend au buffet les oublies et, s'il y a assemblée au banquet, il peut asseoir les oublies devant tous ceulx (|ui sont assis à la table du prince et non aultres.

Mémoire sur l'état de la maison du duc.

PHILIPPE DE COMMYXES

Portrait de Charles le Téméraire.

Je Tay veu grant et honnorable prince, et autant estimé et requis de ses voisins, ung temps a esté, que nul prince qui fusl en la chres-

ANTHOLOGIE. ÉLÉONOHE D'AUTRICHE A CHAMPMOL 141

lienté, ou par adventure plus. Je n'ay vu nulle occasion pourquoiplus tost il deubst avoir encouru Tire de Dieu, que de ce que toutes les grâces et honneurs qu'il avoit receuz en ce monde, il les estimoit toutes procéder de son sens et de sa vertu, sans les attribuer à Dieu, comme il debvoit. Car à la vérité, il avoit de bonnes et vertueuses parties en luy. Nul prince ne le passa jamais de désirer nourrir grans gens, et les tenir bien reiglez. Ses biensfaictz n'estoient point fort grans pource qu'il vouloit que chascun s'en ressentist. Jamais nul plus libérallement ne donna audience à ses serviteurs et subjectz. Pour le temps que je Tay congneu, il n'estoit point cruel ; mais le devint avant sa mort (qui estoit mauvais signe de longue durée). Il estoit fort pompeux en habillemens, et en toutes aultres choses, et ung peu trop. Il portoit fort grant honneur aux ambassadeurs, et gens estranges. Ils estoient fort bien festoyez et recueillis chez luy. Il désiroit grant gloire qui estoit ce qui plus le mettoit en ses guerres que nulle autre chose •; et eust bien voulu ressembler à ces anciens princes dont il a esté tant parlé après leur mort, hardy comme homme qui ait régné de son temps.

Mémoires.