XI

BELS fut li vespres e li soleilz fut cler. Les dis muiez fait Charles establer.

El grant verger fait li reis tendre un tref, 160 Les dis messages ad fait enz hosteler ;

.XII. serjanz les unt ben cunreez ;

I^a noit demurent tresque vint al jur cler.

Li empereres est par matin levet,

Messe e matines ad li reis escultet.

165 Desuz un pin en est li reis alez,

Ses baruns mandet pur sun cunseill finer :

Par cels de France voelt il del tut errer, aoi.

@ ©m XII ©$@ ©

LI empereres s'en vait desuz un pin, Ses baruns mandet pur sun cunseill fenir, 170 Le duc Oger e l'arcevesque Turpin.

Richard li velz e sun nevold Henri

E de Gascuigne li proz quens Acelin,

Tedbald de Reins e Milun sun cusin,

E si i furent e Gerers e Gerin ; 175 Ensembl' od els li quens Rollant i vint

E Oliver, li proz e li gentilz ;

Des Francs de France en i ad plus de mil ;

Guenes i vint, ki la traïsun fist.

Des ore cumencet le cunseill que mal prist. aoi.

bains, que Dieu fit pour vous, il veut devenir chrétien. » Charles répond : ^ Il peut encore parvenir au salut. »