CLXXVI

E comte Roland est couché sous un pin. Vers f l'Espagne il a tourné son visage. De maintes

De plusurs choses a remembrer li prist,

De tantes teres cum li bers cunquist,

De dulce France, des humes de sun lign, 2380 De Carlemagne, sun seignor, kil nurrit ;

Ne poet muer n'en plurt e ne suspirt.

Mais lui meïsme ne volt mettre en ubli,

Cleimet sa culpe, si priet Deu mercit :

« Veire Patène, ki unkes ne mentis, 2385 Seint Lazaron de mort resurrexis

E Daniel des leons guaresis,

Guaris de mei l'anme de tuz perilz

Pur les pecchez que en ma vie fis ! »

Sun destre guant a Deu en puroffrit.

2390 Seint Gabriel de sa main l'ad pris.

Desur sun braz teneit le chef enclin ;

Juntes ses mains est alet a sa fin.

Deus tramist sun angle Chérubin

E seint Michel del Péril ; 2395 Ensembl' od els sent Gabriel i vint.

L'anme del cunte portent en pareïs.