XLIX

APRÈS i vint un paien, Climorins.

Cler en riant a Guenelun l'ad dit :

« Tenez mun helme, unches meillor ne vi..., 630 Si nos aidez de RoUant li marchis, Par quel mesure le poûssum hunir.

— Ben serat fait, » Guenes respundit ; Puis se baisèrent es bûches e es vis. aoi.

A TANT i vint la reïne Bramimunde :

« Jo vos aim mult, sire, » dist ele al cunte, « Car mult vos priset mi sire e tuit si hume. A vostre femme enveierai dous nusches.

Bien i ad or, matices e jacunces :

Eles valent mielz que tut l'aveir de Rumc. 640 Vostre emperere si bones n'en out unches. » Il les ad prises, en sa hoese les butet, aoi.