LE CONSEIL DE CHARLE MAGNE
(Vers 96-365)
Li Emperere se fait e balz e liez :
Gordres ad prise e les murs peceiez , Od ses cadables les turs en abatiet.
Mult grant eschec en unt si chevalier D'or e d'argent e de guarnemenz chiers. En la citet nen ad remés paien Ne seit ocis, o devient chrestiens...
Li Emperere est en un grant vergier, Ensembl' od lui Rollanz e Oliviers, Sansun li dux e Anseïs li fiers, Gefreiz d'Anjou le rei gunfanuniers , E si i furent e Gerins e Geriers :
Là ù cisL furent, des altres i ont bien : Asez i out des barbez e des vielz.
Des Francs de France i ad quinze milliers. Sur pâlies blancs siédent cil chevalier, As tables juent pur els esbaneier, E as eschas li plus saive e li vieil! : E escremissent cil bacheler legier.
Desuz un pin, delez un eglentier.
Un faldestoel i out, fait tut d'or mier : Là siet li reis ki dulce France tient; Blanche ad la barbe e tut flurit le chief, Gent ad le cors e le cuntcnant fier.
1 Cette Anthologie de la Chanson de Roland est, en grande partie, composée avec les fragments de noire vieux poème qui son! spécialement désignés par les derniers programmes universitaires.
S'est ki l'demandet, ne 1' estoet enseignier.
E li message descendirent à pied,
Si P saluèrent par amur e par bien. Aoi.
Blancandrins ad tut premereins parlet ,
E dist à 1' Rei : « Salvez seiez de Deu,
« Le Glorius , que devez aûrer !
« Iço vus mandet reis Marsilies li bers :
« Enquis ad mult la lei de salvetet;
« De sun aveir vus voelt asez duner,
(( Urs e leuns e veltres caeignez ,
« Set cenz cameilz e mil osturs muez,
« D'or e d'argent quatre cenz muls trussez,
a Cinquante cares que carier ferez ;
a Tant i avrat de besanz esmerez
« Dunt bien purrez vos soldeiers luer.
« En cest pais avez estet asez ,
« En France ad Ais bien repairier devez;
« Là vus sivrat, ço dit mis avoez.
« Si recevrat la lei que vus tenez;
« Juintes ses mains , iert vostre eumandez :
« De vas tiendrai Espaigne le regnet. »
Li Emperere en tent ses mains vers Dieu ;
Baisset sun chief, si cumencet à pensez. Aoi.
Li Emperere en tint sun chief enclin,
De sa parole ne fut mie haslifs,
Sa custume est qu'il parolet à leisir.
Quant se redrecet, mult par out fier le vis.
Dist as messages : « Vus avez mult bien dit.
« Li reis Marsilies est mult mis enemis.
« De cez paroles que vus avez ci dit
« En quel mesure en purrai estre fiz?
« — Par bons ostages , » ço dist li Sarrazins .
« Dunt vus avrez o dis o quinze o vint.
« Par num d' ocire i métrai un mien filz.
« E n'en avrez, ço quid, de plus gentilz.
« Quant vus serez el' palais seignurill ,
« A la grant feste seint Michiel de 1' Péril ,
« Mis avoez là vus sivrat, ço dit,
« Enz en voz bainz que Deus pur vus i fist ;
« Là vuldrat il chrestiens devenir. »
Caries respunt : « Uncor pu mit guarir. » Aoi.
Bels fut li jurz, si prist a décliner.
Les dis muiez t'ait Caries establer.'
El' grant vergier fait li R.eis tendre un tref ;
Les dis messages ad fait enz hosteler;
Duze serjant les unt bien cunreez.
La noit demurent tresque vint à l' jur cler.
Li Emperere est par matin levez ;
Messe e matines ad li Reis escultet.
Desuz un pin en est li Reis alez ;
Ses baruns mandet pur sun cunseill finer :
Par cels de France voel il de Y tut errer. Aoi.
Li Emperere s'en vait desuz un pin ;
Ses baruns mandet pur sun cunseill fenir :
Le duc Ogier, l'arcevesque Turpin ,
Richard le Vieill e sun nevuld Henri ,
E de Guascuigne le prud cunte Acelin,
Tedbald de Reins e Milun sun cusin.
E si i furent e Geriers e Gerins.
Ensembl' od els li quens Rollanz i vint
E Oliviers, li pruz et li gentilz;
Des Francs de France en i ad plus de mil ;
Guenes i vint, ki la traïsun llst.
Dès or cumencet le cunseill que mal prist. Aoi.
« Seignurs baruns, » dist 1' emperere Caries,
« Li reis Marsilies m'ad Ira mis ses messages
a De sun aveir me voelt duner grant masse,
« Urs e leuns e veltres caeignables,
« Set cenz cameilz e mil osturs muables,
« Quatre cenz muls cargiez de l'or d'Arabe,
« Avoec iço plus de cinquante cares;
« Mais il me mandet que en France m'en alge :
« Il me sivrat ad Ais à nnm cstage,
'< Si recevrat la nostrc Ici plus salve :
« Chrestiens iert, de tnei tiendrai ses Marches;
« Mais jo ne sai quels en est sis curages. »
Dient Franceis : « il nus i cuvient guarde. » Aoi.
Li Emperere oui sa raisun fenie.
Li quens Rollanz, ki ne l'otriet mie,
En piez se drecet, si li vint cuntredire.
Il dist à l'Rei : « Ja mar creirez Marsilie.
« Set anz ad pleins qu'en Espaigne venimes :
« Jo vus cunquis e Noples e Commibles;
« Pris ai Valterne et la tere de Pine,
ce E Balaguer e Tuele et Sebilie.
« Li reis Marsilies i fist mult que traître :
« De ses paiens il vus enveiat quinze :
« Cascuns portout une branche d'olive ;
« Nuncièrent vus cez paroles meismes.
« A voz Franceis un cunseill en presistes :
« Loèrent vus alques de legerie.
« Douz de voz cuntes à 1'. paien tramesistes,
« L'uns fut Basanz e li altre Basilies;
« Les chiefs en pnst es puis suz Haltoïe.
« Faites la guère cum vus l'avez enprise,
« En Sarraguce menez vostre ost banie ,
« Metez le siège à tute vostre vie ,
a Si vengiez cels que li tel fist ocire. » Aoi.
Li Emperere en tint sun chief embrunc ,
Si duist sa barbe, afaitat sun gernun ,
Ne bien ne mal sun nevuld ne respunt.
Franceis se taisent, ne mais que Guenelun :
En piez se drecet, si vint devant Carlun,
Mult fièrement cumencet sa raisun,
E dist à 1' B.ei : « Ja mar crerez bricun ,
« Ne mei ne altre, se de vostre prud nun.
« Quant ço vus mandet li reis Marsiliun
« Qu'il deviendrat juintes ses mains vostre hum
« E tute Espaigne tiendrai par vostre dun ,
« Pois recevrai la lei que nus tenum ,
« Ki ços vus lodet que cest plait degetium ,
« Ne li calt, sire, de quel mort nus moerium.
« Cunseilz d'orgoill n'est dreiz que à plus munt.
« Laissum les fols, as sages nus tenum. » Aoi.
Après iço i est Naimes venuz ,
Blanche ont la barbe et tut le peil canut ;
APPENDICE I 33o
Meillur vassal n'aveit en la curt nul.
E dist à F Rei : « Bien l'avez entendut ;
« Guenes li quens ço vus ad respundut :
« Saveir i ad, mais qu'il seit entendu/.
« Li reis Marsilies est de guère vencuz :
« Vus li avez tuz ses castels toluz,
« Od voz cadables avez iïuisiet ses murs ,
« Ses citez arses e ses humes vencuz.
« Quant il vus mandet qu'aiez mercit de lui ,
« Pecchiet fereit ki dune li fesist plus,
« U par ostages vus voelt faire soùr;
<.( De voz baruns vus li manderez un ;
« Ceste grant guère ne deit munter à plus. »
Dient Franceis : « Bien ad parlet li Dux. » Aoi.
« Seignurs baruns, ki enveier purrum
« En Sarraguce à 1' rei Marsilium?»
Respunt dux Naimes : «J'irai par vostre dun;
« Livrez m'en ore le guant e le bastun. »
Respunt li R eis : « Vus estes saives hum ;
ce Par ceste barbe et par cest mien gernun.
« Vus n'irez pas uan de mei si luign ;
« Alez sedeir : kar jo vus en suinun. » Aoi.
« Seignurs baruns, ki purrum enveier
« A l'Sarrazin ki Sarraguce tient? »
Respunt Rollanz : « ,1'i pois aler mult bien.
« — Ne F ferez certes, dist li quens Oliviers,
« Vostres curages est mult pesmes e fiers :
« Jo me crendreie que vus vus meslisiez.
« Se li Reis voelt, j' irai mult volentiers.
Li Emperere si enbrunchet le chief.
Après lue dist: « Ambdui vus en taisiez,
« Ne vus ne il n'i porterez les piez.
« Par ceste barbe que veez blancheier,
« Li duze Per inar i serunt jugiet. »
Franceis se taisent : as les vus aqueisiez. Aoi.
Turpins de Reins en est levez de 1' renc, A Caries escriet de sa voiz halte e grant : <i Bels sire reis, laissiez ester voz Francs.
« En cest païs avez estet set anz ,
« Mult unt oùt e peines e ahans.
« Dunez m'en, Sire , le bastun e le guant,
« E jo irai à 1' Sarrazin Espan :
« Si li dirai alques de mun semblant. »
Li Emperere respunt par maltalant :
« Par ceste barbe, vus n'en ferez nient.
« Alez sedeir desur cel pâlie blanc ,
« N'en parlez mais, se jo ne l'vus cumant. » Aoi.
« Franc chevalier, » dit 1' emperere Caries,
a Kar m'eslisez un barun de ma marche ,
« Qu'à F rei Marsilie me portet mun message ,
« Se mestier est e bien poisset cumbatre. »
Ço dist Rollanz : « G' iert Guenes , mis parastre.
« Se lui laissiez, n'i trametrez plus saive. »
Dient Françeis : « Kar il le poet bien faire;
« Se li Reis voelt , bien est dreiz qu'il i alget. y> Aoi.
Ço dist li Reis : « Guenes , venez avant ;
« Si recevez le bastun e le guant.
« Oït l'avez , sur vus le jugent Franc.
« — Sire, » dist Guenes, « ço ad tut fait Rollanz :
« Ne l'amerai à trestut mun vivant,
« Ne Olivier pur ço qu'est sis cumpainz,
« Les duze Pers , pur ço qu'il l'aiment tant ;
« Desfi les en, Sire , vostre veiant. »
Ço dist li Pveis : « Trop avez mal talant.
« Or irez vus, certes, quant jo l'cumant.
« — J'i puis aler; mais n'i avrai guarant;
« Ne F out Rasilies ne sis frère Rasanz. » Aoi.
« En Sarraguce sai bien qu'aler m'estoet;
« Hum ki là vait repairier ne s'en poet.
« Ensurquetut si ai jo vostre soer.
« Si'n ai un fdz, ja plus bels n'en estoet :
<( C est Baldewins, se vit, ki ert prozdoem.
« A lui lais-jo mes honurs et mes fieus.
« Guardez-le bien, ja ne F verrai des oilz. »
Caries respunt : « Trop avez tendre coer.
ce Pois que F cumant, aler vus en estoet. » Aoi.
E li quens Guenes en fut mult anguisables :
De sun col getet ses grandes pels de martre
E est reniés en sun blialt de pâlie.
Vairs out les oilz et mult fier le visage,
Gent out le cors e les costez out larges;
Tant par fut bels, luit si per l'en esguardent.
Dist à Huilant : « Tut fols, pur quei t'esrages?
« Ço set hum bien que jo sui tis parastre;
« Si as jugiet qu'à Marsiliun alge.
« Se Deus ço dunget que de là jo repaire,
« Jo t'en muvrai si grant doel e cuntraire
« Ki durerat à trestut tun edage. »
Respunt Rollanz : « Orgoill oi e folage.
« Ço set hum bien , n'ai cure de manace;
« Mais saives hum il deit faire message :
« Se li Reis voelt, prez sui pur vus le face. » Aoi.
Guenes respunt : « Pur mei n'iras tu mie.
« Tu n'ies mis hum ne jo ne sui tis sire.
« Caries cumandet que face sun servise :
« En Sarraguce en irai à Marsilie;
« Einz i ferai un poi de legerie
« Que jo'n esclair ceste meie grant ire. »
Quant l'ot Rollanz, si cumençat à rire. Aoi.
Quant ço veit Guenes qu' ore s'en rit Rollanz,
Dune ad tel doel , pur poi d'ire ne fent,
A bien petit que il ne pert le sens,
E dit à F Cunte : « Jo ne vus aim nient;
« Sur mei avez turnet fais jugement.
« Dreiz Emperere, ci m' veez en présent,
« Ademplir voeill vostre cumandement. » Aoi.
« Bels sire Guenes, b dist Caries, « entra, lez :
ce En cest message sai bien que eus irez :
« De meie pari Ma e -il i un direz
« Juintes ses mains qu'il seit meis cumandez
« E si receivet seinte chrestientet.
« Demi Espaigne li voeill en (ieu dum r;
« L'aigre meitiet avrat Rollanz li ber.
« Se ceste acorde il ne voeît otrier,
a Suz Sarraguce le siège irai fermer :
« Pris e liez serat par poeslet,
« Ad Ais le siet serat tut dreit menez,
« Par jugement serat iloec finez :
« Làmurrat-il à doel e à viltet.
« Tenez cest brief ki est enseellez ,
« Enz eV puign destre à V païen le metez. » Aoi.
Li Emperere li tent sun guant , le destre ; Mais li quens Guenes iloec ne volsist estre; Quant le dut prendre, si li caït à tere. Dient Franceis : « Deus! que purrat ço estre? « De cest message nus aviendrat grant perte. « — Seignurs, » dist Guenes, « vus en orrez nuveles. »
Aoi.
« Sire, » dist Guenes, « dunez mei le cungiet;
« Quant aler dei , n'i ai plus que targier. »
Ço dist li Reis : « A 1' Jhesu et à 1' mien ! »
De sa main destre l'ad asolt e seigniet;
Pois, li livrât le baston et le brief. Aoi.
Guenes li quens s'en vait à sun ostel ,
De guarnemenz se prent à cunreer,
De ses meillurs que il pont recuvrer :
Esperuns d'or ad en ses piez fermez,
Ceinte Murgleis s'espée à sun costet,
En Tachebrun sun destrier est muntez :
L'estreu li tint sis uncles Guinemers.
Là veïssiez tanz chevaliers plurer,
Ki tuit li dient : « Tant mare fustes , ber !
« En curt à Rei mult i avez estet,
« Noble vassal vus i soit hum clamer.
« Ki ço jugat que doussiez aler,
« Par Carlemagne n'iert guariz ne tensez.
« Li quens Rollanz ne 1' se doust penser ,
« Que estraiz estes de mult grant parentet. »
Enprès li dient : « Sire, kar nus menez. »
Go respunt Guenes : « Ne placet damne Deu !
« Mielz est suis moerge que tant bon bacheler.
« En dulce France , seignurs, vus en irez :
« De meie part ma muillier saluez,
« E Pinabel mun ami e mun per.
« E Baldewin, mun filz , que vus savez,
« Et lui aidiez, e s'onur li guardez. »
Entret en sa veie, si s'est acheminez... Aoi.
