CHAPITRE VII

Des Chiens courans, noirs.

Es Cniens noirs sont de moyenne stature.

La vraye race d'iceux sont quatr’ oeillers de rouge, c’est à dire ont des marques rouges ou fauues sur les yeux, et communement le poil de leurs jambes est de la mesme couleur, s’ils ont du blanc c'est peu, et sur la poitrine. Ce sont Chiens longs, peu rablez et qui n’ont grande force : leur facon de chasser est par le menu, et suyuent tousiours la beste qu'ils chassent à l’endroit des voyes par où elle passe, ne fourboutent point, c'est à dire ne passent jamais plus auant que la beste a esté, et si d’auenture le Cerf qu’ils chassent fait vn retour, qui vaut autant à dire qu'en donnant dedans vn chemin, s'il reuient sur les mesmes pas qu'il a faits, les dicts Chiens vont iusques au bout du retour, et retournent chasser iusques à ce qu'ils ne retrouuent le bout de la ruse, et iamais ne font enceinte pour trouuer passer la beste qu'ils chassent, ains vont tousiours chassans parle menu comme j'ay dict cy dessus, et si d’auenture le change bondit ils demeurent tous estonnez à la queuë des chevaux des piqueurs : si bien qu'ils ne

chassent, ny le change, ny leur droict : ceste race deChiens est bonne pour gensquiontles gouttes, et non pour ceux qui font mestier d’abreger la vie du Cerf, et quant à moy ie trouue qu'ils sont meilleurs à la main que hors du couple.