CHAPITRE VIL

Des Chiens courans.

ÂÀ PRES auoir escrit du naturel du Cerf ie veux parler de celuy des Chiens, il faut scauoir qu'il n’y a que trois sortes de Chiens courans. Les premiers Chiens qui ont esté en nostre Europe ont esté la race des Chiens noirs, et celle des Chiens blancs, mais celle des blancs a esté depuis confonduë en celle des Chiens greffiers blancs comme ie descris cy apres, toutes les deux sont venues de Monsieur $S. Hubert. Depuis le Roy $. Louys, estant allé à la conqueste de la terre saincte, fut fait prisonnier : et comme entr'autres bonnes choses il aymoit le plaisir de la Chasse, estant sur le point de sa liberté, ayant sceu qu'il y auoit vne race de Chiens en Tartarie qui estoient fort excellents pour la chasse du Cerf, il feit tant qu’à son retour 1l en amena vne meutte en France. Ceste race de Chiens sont ceux que l’on appelle gris, la vieille et ancienne race de cette couronne, et dict-on que la rage ne les accueille iamais, voylà les trois et differens poils de Chiens dont ie veux escrire.