CHAPITRE XIT

Comme il faut faire entrer les Lices en chaleur, et les traitter quand elles sont pleines.

| Léo il faut estre curieux de choisir vue Lice qui soit grande de corps, qui ait le coffre large et le iarret droict, le poil court et gros sans estre gras, et qui soit herpée, et aye

l'eschine large. Il faut que le Chien pour la couurir soit semblable, d'autant que les petits tiendront tousiours du pere et de la mere, il faut aussi qu'ils ayent le nez bon et soient de grande vistesse : car les Chiens en qui deffaut l’vn ou l'autre, ne peuuent rien valoir.Apres auoir Chien etChienne de telle parfaite bonté et beauté: pour faire entrer la Lice en chaleur, afin d'en auoir plus promptement de la race, il la faut mettre et tenir auec d'autres Chiennes chaudes, et aucune fois l'enfermer dedans vn tonneau qui soit barré si pres qu'elle n’en puisse sortir, et au trauers des barreaux luy monstrer petits Cheaux, les lui faire sentir et halener, et si pour tout cela elle ne veut entrer en chaleur, faut faire couurir d’autres Chiennes deuant elle, et alors ne faudra aussi tost d'y entrer : apres qu'elle est en chaleur, il faut attendre qu’elle commence à se refroidir pour luy baïiller le Chien : car qui ley bailleroit en sa grande chaleur, elle ne retiendroit pas, il ne la faut faire couurir que deux fois, et depuis qu’elle est couverte la faut laisser en liberté : car la nature ne luy a bien donné le jugement que pour conseruer ce qu'elle a de creé dedans le corps, elle se garde si soigneusement que vous diriez qu'elle est gouuernée par quelque raison, iamais ne S’alonge et efforce, de peur de se blesser. Si elle

est contraincte de passer par quelque passage estroit et malaisé, elle se choye et conserue fort curieusement. Pour la nourrir, si on luy baïlle son saoul à manger, elle ne s’en portera pas si bien, par ce que le bon traittement l’engraisseroit de sorte qu'elle ne pourroiït aysément faire ses petits, lesquels elle jetteroit morts ou si mehaignez qu'ils ne pourroient jamais rien valoir : au contraire, il n'y a point de danger de la tenir van peu maigre, sur tout neluy faut point donner de pctage salé ny de chair cruë, car cela la feroit auorter : c'est pourquoy on ne baille iamais la curée aux Lices pleines. L’on reconnoist que la Lice est pleine quand les tetins se nouent, le coffre s'eslargit et le ventre s’abaisse, cela ne s'aperçoit que quinze jours apres qu'elle est couuerte, car plustost l’on n’en scauroit rien iuger.