CHAPITRE XX
De diuerses autres sortes de iugements que l'on a d'un Cerf.
A pluspart de ceux qui font profession de la JJVenerie ne prennent iugement que des quatre connoissances que l'ay descrites cy-dessus : Encores si mal qu'ils ne s'en acquittent comme il est necessaire. Or ie diray qu'apres qu'on a iugé d'vn Cerf par ces quatre connoissances, il y en a deux autres par lesquelles vn Veneur en peut bien iuger. La premiere, à la facon dont il se desbuche pour aller au viandis, etquand il y est la facon dont il viande. L'autre la maniere dont il vse à son rembuschement, vu grand Cerf qui n’a point eu effroy iamais ne se desbuche qu'au pas et à l'aise, et deuant que sortir entierement du bois il s'arreste, regardant de toutes parts s’il y a chose qui luy puisse mal faire en son viandis, il choysit les herbes qui sont de meilleure nourriture, comme pois, febues, et toute autre sorte d'herbes ramées. Il passera tout autre sorte de viandis pour aller faire sa nuict en celle-cy quand bien il y auroit vn quart de lieuë et dauantage de sa demeure, et si d'auenture il n’en trouue ne faudra de se prendre au
meilleur bled le plus doux, et à celuy où il y a le plus de laict : Il va choisissant à l’entour de luy les espis et herbes qui luy semblent les meilleurs. De sorte que si l'on veut prendre garde de près l’on verra que sans auoir bougé d'vne place il en aura choysi çà et là à sa fantaisie, vn ieune Cerf fait tout le contraire, car il sort de son rembuschement en fuyant, en allant à son viandis, s’il ne fuit il va tousiours trottant en broutant et mangeant tout ce qu'il rencontre, sans considerer ce qui luy est le plus propre. Il commence à viander s’il trouue de quoy des le sortir de son rembuschement, et fait sa nuict beaucoup plus estenduë que ne fait un vieux Cerf. Les Cerfs en la mesme ceruaison sortent pour aller en leurs gaignages vn peu deuant soleil leué : Et si d’auenture ils n’ont assez viandé retournent en leur demeure par quelques tailles moyennement basses, à ceste fin que l’on ne les puisse apperceuoir, et broutent le bourgeon et rejet de l’année iusques à ce qu'ils soient saouls. En Hyuer que les iours sont plus courts etles nuicts plus longues, les Cerfs commencent leur viandis des dedans la taille, ou quelque-fois ils sont contraincts y faire toute leur nuict, pour ce que les herbes qui sont aux champs ne sont encores
en vigueur : mais ils vont aux bleds aussitost T
qu'ils commencent à sortir, ils vont aussi à la feuille de vigne quand elle tombe. Quant à la facon de laquelle ils se rembuschent, vn vieux Cerf qui n’a eu effroy fait ordinairement son rembuschement au lieu mesme où il s’est desbuché, ou bien pres de là : Et si tost qu'il est sorty au pas pour aller faire sa nuict, il se retire en ceste mesme sorte. Il faut noter que si la taille est fossoyée 1l ira deux ou trois cents pas pour trouuer passage : Vn ieune Cerf fait tout au contraire, et la pluspart du temps ne va demeurer au pays où il a esté le iour precedent, s'il trouue quelque haye ou fossé il la bondit si franchement qu'il semble qu'il n'y ait passé : Mais si vu Cerf a eu effroy ou vent de quelque personne, mesmes d'vn traict de Limier ou Chien; s'il y passe, ne faudra deuant que faire son debuschement faire cinq ou six ruses afin que l’on ne puisse trouuer sa sortie, et de mesmes en son rembuschement entrera cinq ou six fois dedans le bois, et en sortira autant, et cela est ce que l'on appelle des faux rembuschemens: Puis tout soudain demeure là se mettant à la reposée. Vn ieune Cerf ayant ce mesme effroy fait des ruses, mais non si longues, et tant de fois redoublées qu’vn vieux Cerf. Ie diray aussi que les Biches vont au viandis en horde toutes ensemble et est bien aisé de les iuger d’auec vn Cerf, car elles
viandent plus gouluëment et sans choisir les meilleures herbes. 11 est bien vray qu'aucune fois il y a desieunes Cerfs etBrocards quisortent auec elles : mais si l’on y veut auoir l'œil et y prendre garde de pres, l’on trouuera qu'au rembuschement ils se separent. Quand les Biches ont leurs faons elles demeurent seules, accompagnées seulement de leurs dicts faons ; parquoy quand uous uoyez d'vn faon seul auec vne beste, vous pouuez iuger que c'est d'vne Biche.
