CHAPITRE XXVII

Comme il faut commencer à dresser vn Limier.

fa plus propre saison de l’année pour dresser va limier est depuis la fin du mois d’Aoust iusques à la fin de Novembre, pour deux raisons. L’vne que les chaleurs estans moindres n’ostent le sentiment des voyes par où vne beste a passé. L'autre que la terre estant plus molle, celuy qui meine leChien a plus de iugement et connoissance de ce qu'il suit : Celuy doncques qui a enuie de dresser vn Chien luy conseille en ceste saison de se loger en quelque pays de buissons où il n’y ait quantité de bestes. Car pour dresser vn Chien il faut deux choses : l’vne qu'il ne trouue grande varieté et changement de voyes, l’autre que en faisant suitte il trauerse des campagnes et des pelouses, cela fait au Chien le nez meilleur, et luy apprend à moins balancer dedans les voyes, et en le tenant ferme dedans le trait à si bien pourchasser ce que son maistre desire qu’il luy donne contentement. Le Veneur

se doit leuer matin apres qu'il a reconneu le pays où les bestes se tiennent, ie dis reconneu, afin que menant son ieune Chien qui n’a iamais de rien assenty il n’a l'enuie deuant qu'il rencontre d'aucune chose, et que si possible est pen de temps apres qu'il l’a mis deuuant il trouue voye dont il se puisse rabattre : Communement les ieunes Chiens au commencement qu'on leur apprend le mestier ne veulent que se ioüera leur maistre, et ne voudroient faire autre chose, mais le Veneur qui le meine doit doucement sans le rudoyer en disant va outre, et le poussant de la main en auant le faire tousiours cheminer deuant s0y, il ne doit aller que par dedans quelque chemin où aysémentil puisse veoir ce qui passe : Quand le Veneur vient à rencontrer de beste allant de temps, dont son Chien se puisse rabattre, ce qu il peut connoistre quand il voit que la terre est remuée et frayee, que la rozée est abattuë et que l'herbe est encores foulée dedans les voyes : A ceste heure là doit prendre son Chien par la botte en disant, voyle cy aller là gare à toy, luy monstrant par signe et battant de la main dedans les voyes tant qu'il en sente, et s’il voit que son Chien se rabatte en joüant de la queuë et hongnant dedans les voyes, le doit flatter en luy battant de la main sur le flanc disant: apres compagnon, apres là, apres doncques, et le nom-

manl par son nom, comme voyle-cy aller Rigaut, la voyle-cy aller Valet : Tantost le rabatrésur le flanc, puis luy cracher dans la gueulle, de facon qu’il puisse connoistre que vous auez agreable ce qu'il fait. Or pour ce commencement là n’est besoin de luy faire faire grandes suittes : mais en continuant tous les matins peu à peu l’accoustumer de dresser des voyes de plus haut temps. Il est bien vray que tous Chiens n’ayans iamais rien veu ne se rabattent pas de ceste facon : et à ceux qui ne se veulent rabattre d’eux mesmes est besoin de mener vn vieux Chien auec eux: et comme le vieux Chien se rabat, faut tenir le ieune derriere iusques à ce que la beste que l’on suit soit lancée. Les voyes estans renouuelées, ayant trouué ressuées ou reposées de ce que vous suyuez: En retirant vostre vieuxChien faut pousser leieune deuant, en le rebaudissant des termes que ï'ay dicts cy dessus. l'ay veuun Chien si fort et obstiné qu'il a demeuré plus de huict iours auant que de vouloir assentir de nulle beste, encores qu'il feust de bonne race : et à ceux là faut-il continuer iusques à ce que vous voyez que par les signes que j'ay dicts cydessus, il veuille assentir de ce qu'on desire. Comme par le trauail vous avez apprins ces premiers principes à vostre Chien, et qu'il commence faut en le corrigeant doucement luy

apprendre ce qu'il doit scauoir pour bien faire suitte et enceinte apres vne beste, ainsi que ie diray au chapitre qui s'ensuit.