CHAPITRE XXVIII

Comme il faut apprendre au Limier à se rabattre d'un Cerf et faire suitte.

 PRES que le Veneur a accoustumé son Chien à suiure vne beste, il doit penser qu'il a plus d’enuie de retour au bois qu’il n’a volonté l'y mener, et comme vne ieunesse n'est que trop bouillante en toutes ses actions et mesmement aux exercices ausquels elle se delecte et prend plaisir, sans auoir consideration que les choses moderées ont plus de durée que celles qui se font auec violence : Le ieune Chien qui tient de ce naturel ne désire rien tant que retourner ou son maistre luy a premierement donné plaisir et contentement : de sorte que le Veneur ne doit plus mener auec luy vn autre Chien comme il a fait au commencement, tant pour ce que le ieune Chien voyant autre Limier ne fait que se debattre et mettre tousiours de plus en plus en furie : Que par ce qu'il quitte le plus souuent les voyes pour ueoir si l’autre les a deuant luy, d'au-

tant qu'il n'est pas seur et asseuré de.ce quil fait. Doncques le Veneur en continuant de se leuer matin trois ou quatre fois la semaine, doit mener son Chien auant que de le mettre deuant, le prendre par la botte, luy cracher dans la gueulle, et le battant sur le flanc luy faire feste : Puis le laisser aller en disant va outre, et encores qu'il aille de grande roydeur et secousse qu'il se donne dedans le trait : pour cela ne le tancer ny le rabrouer, de sorte qu'il ait crainte de ce que l'on luy dict. Il est necessaire que l’endroict par où vous mettez vostre Chien deuant, soit quelque chemin dedans des tailles ou sur le bord d'icelles. La raison est que la principale chose que doit apprendre vn Chien pour bien se rabattre, c’est de ne laisser passer ny couler faux fuyantes, ny nulles sentes sans y mettre le nez: et pour ce faire, à toutes celles que le Veneur peut apperceuoiril se doit arrester, et en tirant son Chien doucement sans lerudoyer, et en luy disant tien là gare à toy, faire tant auec tels propos ou semblables qu'il s'amuse à chasque faux fuyant et y mette le nez.Le Veneur expert desire que son Chien ne laisse passer nulle voye qu'il n'y mette le nez, et si l'on voit à la contenance du Chien que la beste n’y passe et qu'aussi l’œil le vous iuge ainsi, en marchant plus auant disant au Chien va outre sans se plus

amuser là passer son chemin auant. Quand vostre Chien se vient à rabattre du bois il luy faut apprendre à l’addresser, vous pouuez connoistre s'il le fait quand il se rabat chaudement mesmement à vn ieune Chien, il luy faut doncques apprendre à se rabattre d'vne part et d'autre du chemin: et comme il s’est rabattu et qu'il desire dresser les voyes d'vn costé en luy disant, tien voyle cy Reuary, le faire retourner de l’autre costé du chemin, et luy faire assentir les voyes autant d'vn costé que d'autre, cela sert à oster bien souuent les Veneurs hors de peine : Car comme va Chien est dressé de cette facon, il monstre à son maistre, quand il se rabat des deux costez du chemin que ce sont voyes de temps dont il peut aller apres : et ne se rabattant que d'vn costé monstre quece sont hautes erres, qu'il aura grand peine à dresser, ou que c’est de peur de suraller selon ce que l’on luy a monstré de ieunesse comme j'ay dict cydessus. Il sert aussi en ce que pendant que le Chien passe d'vn costé et d'autre du chemin, le Veneur a loysir de regarder à terre dans le chemin où c’est que son Chien se rabat, si c'est de beste digne d’estre suiuie. Or apres que le ieune Chien s’en est ainsi rabattu, si leVeneur voit que ce soit de beste quiluy plaise, encores que cene

soit Cerfs, se doit mettre apres en disant, apres

voyle cy aller, voyle cy aller Valet, voyle cy aller là là Valet, là, et doit faire suiure son Chien iusques à ce qu'il trouue des tailles fort hautes et espoisses, et estant là arrivé doit racourcir le trait de son Chien, et en le prenant par la botte luy faire feste comme ï'ay dict cy-dessus : Puis luy rebaïllant vn petit de trait le tenir dessus iusques à ce quil ait brisé tant haut que bas : et que les brisées qu'il fait il les face deuant son Chien, que cellesqu'ilietteil les jetteaussi deuant luy, celasert quele Chien connoistlelieu iusques où il a poussé les voyes de la beste qu'il a suiuie, afin qu’il en ait plus de souuenance et connoissance : et comme vous auez brisé en faisant encor feste à vostre Chien, le faut retirer iusques au premier chemin ou sente battuë que vous pourrez trouuer : Puis en luy faisant feste et le mettant deuant de la facon que ray cy dessus dict, tourner de chemin en chemin au lieu où vous pensez que la beste puisse demeurer, et faire en sorte que vostre Chien se tienne tousiours plustost du costé du chemin où c'est que demeure la beste en allant deuant, non qu'il ‘n’eust sentiment aussitost d’vn costé que d’autre: mais c’est vne vieille maxime qu'il faut observer. le diray que pour dresser vn ieuneChien il est bon et necessaire de prendre son enceinte courte : Les raisons sont que la faisant petite le

ieune Chien a moins de loysir de perdre la souvenance et sentiment des voyes qu'il a suiuies, et quand bien il trouueroit la beste passée c'est chose que tout Veneur doit desirer, qu’vn 1eune Chien apprenne à faire enceinte et àse rabattre souuent de la beste qu'il a commencé à suiure, et si en prenant le deuant il la trouue passée en rabattant, son Chien luy doit faire feste, et poursuiure encore à faire nouvelle enceinte comme l'ay dict cy-dessus, quatre, cinq, et six fois autant comme il trouve la beste passée, faire faire souuent enceinte à son Chien c'est le rendre plus diligent. Apres qu'auez fait plusieurs enceintes, encores que le Cerfne demeure, pourueu qu'il aille en beau pays de forts, l'on se doit contenter et faire feste à son Chien, le retirant de la facon que j'ay dict cy deuant: s’il y a quelque maison pres du lieu où auez jetté vos brisées, pour ne faire trauailler vostre Chien, l'on s’y doit retirer pour luy donner quelque repos: apres y auoir demeuré vne heure ou deux, en reprenant vostre Chien et luy faisant feste faut le ramener à ses brisées, où estant arriué faut mettre son Chien deuant et disant va outre, luy baïller du trait comme de trois ou quatre brasses : Puis le tenant ferme dessus, luy demander là va-illà, et et en luy disant à route à route le suiure, puis regarder à terre si la beste va à luy et si elle v

va en disant voylecy va auant, voylecy va auant Valet, là tu dis vray, là le suiure : puis le tenant courtayant tousiours le pied aux dernieres voyes qu'auez peu veoir, luy demander là va il là, et si vous voyez que en japant et par sa contenance il monstre qu'il aille à luy en racourcissant le trait, le rebaudissant tousiours s’approcher iusques tout contre luy, et en.luy battant de la main sur le flanc luy faire feste en disant voile cy aller valet, voyle cy aller là : Puis lui rebaiïller le trait peu à peu car si tout à vn coup luy laschiez, il y auroit danger que la force dont il iroit feust cause de le faire sortir des voyes, aucuné fois il se retrouue des faux-fuyans ou sentiers dedans les forts, les bestes les trouuans estans chassées, le plus communément rusées dedans iceux et comme le plus parfait homme du monde en quelqu’art que ce soit, ne peut que quelquefois il ne se mesprenne, ainsi est-il difficile que le Veneur puisse tousiours veoir tous les retours qu'vne beste fait dedans tels pays et sentes, car s'il peut veoir le retour ne faut qu'il laisse aller son Chien iusques au bout de la ruse, ains en le retirant disant, tien voyle cy Reuarry, retourner tout du long de la voye ou sente, en faisant mettre par son Chien le nez en toutes les coulées qu'il peut veoir, faire tant que son Chien retrouue le retour, comme aussi le Veneur

n'ayant apperceu le retour, et estant allé iusques au bout de la ruse, voyant que son Chien demeure esbahy et estonné ne scachant plus que deuiennent les voyes, alors il doit auant que retourner faire qu’au bout du chemin ou de lasente ou bien de la ruse, en baïllant dauantage de trait asonChienen disant là gare à toy, là mou amy là Valet, faire que son Chien face comme vne petite enceinte au lieu où il a perdu les voyes, s’il trouue qu'elles passent les luy faire dresser comme] ay dict cy deuant, si aussi il ne lestrouue point passées il faut qu'il retourne et face comme l'ay dict, quand il commence à trouuer la ruse et entre dedans le chemin, et en faisant de ceste facon ne peut faillir qu’il ne trouue la beste passée, et que son Chien n'ait plaisir, doncques ayant retrouué les voyes, son Chien s'en rabattant luy doit de rechef encores faire feste et luy disant voyle cy vouant à route compagnon à route à luy, luy bailler du trait et le suiure : Et comme communément lés bestes qui n'ont eu effroy au matin ne vont gueres auant dedans le fort, ny ne font ordinairement de grandes ruses, il est aisé les lancer. Doncques le Chien estant arriué à la reposée de la beste ne faut point de s’'escrier, tant pour l'effroy qu'il a du bruit qu'il oit deuant soy, comme aussi de l'aise qu'il sent d'auoir renouuellé et raproché ce qu'il

suyuoit : Lors le Veneur luy doit faire feste, et luy faisant suiure seulement deux longueurs de trait le laisser en cest appetit, qui luy fait auoir souuenance et desir de retourner encores plus volontiers vne autre fois au bois pour donner plaisir à son maistre. Ie ne diray point en ce chapitre comme il faut apprendre aux ieunes Chiens à passer les plaines et à chasser les voyes d'vne beste qui se desbuche d’vn buisson à autre. Pource que ie desire qu'apres les premiers quinze iours que l’on a apprins les premiers principes à vn Chien on demeure l’espace de trois semaines à le faire suiure dedans les tailles pource qu’il prend sentiment, tant par le pied comme par les portées, et s’affine le nez. Puis au chapitre qui s’ensuit ie diray comme il faut hausser le nez à vn Chien.