LA CHASSE ROYALE. J
matin il a le nez si bon que l'on luy peut desirer, se rabattant de toutes voyes, ne laissant rien passer qu'il n'en face demonstration, il ne reste qu'à luy hausser le nez et luy apprendre à chasser voyes de haut temps. Pour ce faire faut estre en pays commode, et que le Veneur continuë a se leuer matin, il ne luy est plus besoin d'entrer dedans les tailles : mais seulement sur le bord, dedans quelque chemin qui separe les dictes tailles d'auec les landes. Puis en mettant son Chien deuant dedans le dit chemin de la facon que i'ay descrit cy-dessus, doit cheminer le long d'iceluy selon qu'il connoist le pays, iusques à ce que son Chien se vienne à rabattre. Or son Chien se rabattant faut qu'il considere de quel temps sont les voyes dont son Chien se rabat, si ce sont voyes qui entrent dedans le fort faut qu'il ait le iugement de connoistre que c'est comme la beste vient de faire sa nuict, ces voyes là communément ne sont pas de hat temps, si le Veneur faisoit sure le droict à son Chien il ne luy apprendroit par là à se hausser le nez, parquoy il est besoin luy faire suiure le contrepied, cela sert que le ieune Chien ayant sentiment des voyes qui ne font qu'aller, luy donne plus grande chaleur et courage d’ensuiure, et les voyes ne se haussent de temps que peu à peu: Il s'accoustume aussi peu à peu à se hausser
le nez, car à la fin de la suitte on trouuera que les voyes sont haussées de beaucoup plus haut temps. Or si d'auenture la beste avoit fait sx nuict si longue et si difficile à deffaire que l’on demeurast si long temps apres que le Chien ne peust plus dresser les voyes, faut alors comme on se trouue dedans les landes faire faire enceinte à son Chien non que par cela on ait espoir de pouuoir retrouuer le contrepied, et le pousser dauantage : mais en ramenant son Chien et le rapprochant du fort, etnon pas tout contre, faire qu'il se puisse rabattre des voyes dont il aura des-ja suyuy : ets'en rabattant lors faut prendre le droict, et dressant les voyes dedans la brande, les pousser iusques dedans le fort, et estant là, à cause que lesdictes voyes sont haussées de temps : Cependant que l’on suit je trouue bon que le Veneur Jes pousse tousiours iusques à ce qu'il vienne à lancer la beste : Cela est cause que le ieune Chten ayant suiuy le contrepied etsenty des voyes de haut temps de la bestequ'il suiuoït, et puis apres qu'il a eu le plaisir, la lancant, n'ayant iugement de connoistre que ce sont les mesmes voyes qu'il a poussé, sur lesquelles l'on l'a remis : il pense qu'ayant trouué quelque retour il l’a par ce moyen renouvelée. Voylà la facon comme il me semble qu'il faut faire suiure le contrepied d'vne beste à un ieune Chien que
l'on veut dresser : cela n’est pas la seule façon de laquelle ie me voudrois ayder pour apprendre à mon Chien à suiure de haut temps, ains seulement pource que c’est chose qui arriue souuent, ie l’ay bien voulu descrire, si est-ce qu'elle sert et est necessaire d'apprendre à son Chien. Pareillement l’on peut faire suiure le contrepied à son Chien, comme s'il vient à rabattre des voyes sortant du fort, le Veneur doit iuger que ce sont les voyes de la beste par lesquelles elle va au gaignage : Par là doit connoistre que le nez de son Chien va se haussant. Tout Chien qui se rabat de quelque voye que ce soit sans que l'on les luy monstre, la faute vient du Veneur quand il ne les peut dresser : Doncques quand vostre Chien se rabat de quelque voye, il vous demonstre qu'il les peut suiure, lors luy faut faire chere, en le rebaudissant de la maniere que i’ay dict au chapitre precedent. Puis le tenant de court le laisser suiure en parlant tousiours à luy et luy monstrant que vous auez contentement de ce qu’il fait en jettant l'œil souuent à terre, faut regarder s’il dresse iustement sur les voyes. Il faut considerer aussi de la facon de quoi il suit, car les Limiers ont deux facons de suiure, l’vne qui est la plus belle et la plus à loüer est quand ils vont le nez haut en le mettant quelquefois en terre, la queué sur l'es-
chine : l’autre tenant plus du Renard, fourrent ordinairement le nez contre terre, et laissant pendre la queuë sur les jarrets vont japillant et grondant sur les voyes qu'ils suiuent : Ie dis cecy pource que selon que le Veneur voit que son Chien chasse, il est besoin qu’il luy apprenne le mestier qu'il veut qu'il scache : Car si c’est vn Chien qui chasse brauement, il est necessaire que le Veneur tienne son trait court, à cause qu'ayant le nez baut de terre, s’il luy baïlloit beaucoup de trait il pourroit quelquefois sortir hors des voyes: Au contraire si c’est vn Chien qui prenne plaisir à assentir souuent la beste qu'il suit, faut qu'il luy baïlle d'auantage de trait pour luy donner moyen et loisir de ce faire. Or pour reuenir à mon premier propos, le Veneur doit regarder souuent si la beste va a luy, et voyant qu'il dresse le doit tousiours suiure en luy faisant feste, et souuent le tenir court, et en luy battant sur le flanc, luy monstrer tousiours que l'on a agreable ce qu'il fait : Si le Veneur voit que son Chien dresse les voyes sans peine c'est chose bonne qu'il luy accoustume à faire enceinte dedans les landes. Et partant ie desire que laissant les voyes et brisant où il en demeure, voyant où la beste a la teste dressée 1l face l'enceinte de ce costé là, pour accoustumer son Chien à s’en rabattre il est plus
difficile à un Chien de s'en rabattre de voyes dedans les landes, que quand il en a vn coup assenty le dresser. Partant ie dis qu’il luy faut apprendre de bonne heure à ce faire. Or quand il s’en vient à rabattre de nouueau luy faire feste et poussant les voyes, faire tant par les moyens que j'ay dicts cy deuant, qu'il mette la beste que l’on suit à couuert, puis comme l’on uoit qu'elle est entrée dedans le fort.
Fin de la Chasse Royale.
En vente chez le mème \ibraites
