V. élI
Et ele dist : « Bien m'i acort ; 644
estre ne porroit que feïsse
chose dont vers vous mespreïsse. »
Cil qui l'aime por ce la croit
et cuide que veritez soit 648
de ce que li dist, puis li conte
de sa nièce trestout le conte,
comme apris l'ot du chevalier,
et comment il fu el vergier 652
en l'anglet ou il n'ot qu'eus deus,
quant li chienés s'en vint a eus ;
et de l'issue et de l'entrée
li a la vérité contée, 656
si qu'il ne li a riens teù
qu'il i ait 01 ne veii.
Et quant la duchoise l'entent
que cil aime plus bassement 660
qui de s'amor l'a escondite,
morte se tient et a despite ;
mes aine de ce samblant ne fist,
ainçois otroia et promist 664
au duc a si celer ceste oevre
que, se c'est qu'ele le descuevre,
que il la pende a une hart.
Et si li est il ja moût tart 668
d'à celi parler qu'ele het,
des icele eure qu'ele set
que ele est amie a celui
qui li fet et honte et anui 672
por itant, ce li est avis,
qu'il ne vout estre ses amis.
Si afferme tout son porpens
que, s'ele voit ne lieu ne tens 676
qu'a la nièce le duc parolt
qu'ele îi dira ausi tost,
ne ja ne cèlera tel chose
ou félonie avra enclose. 680
Mes aine en point n'en lieu n'en vin
tant que la Pentecouste vint
qui après fu, a la première
que li dus tint cort moût pleniere, 684
si qu'il envoia par tout querre
toutes les dames de la terre,
et sa nièce tout premeraine
qui de Vergi ert chastelaine. 68K
Et quant la duchoise la vit,
tantost toz li sans lilfremist,
com celé del mont que plus het.
Mes son corage celer set : 692
si li a fet plus bel atret
c'onques devant ne li ot fet ;
mes moût ot grant talent de dire
ce dont ele ot au cuer grant ire, 696
et la demeure moût li couste.
Por ce, le jor de Pentecouste,
quant les tables furent ostees,
en a la duchoise menées 700
les dames en sa chambre o soi
por eles parer en reqoi
por venir cointes aus caroles.
Lors ne pot garder ses paroles 704
la duchoise qui vit son leu,
ainz distausi comme par geu :
« Chastelaine, soiez bien cointe,
quar bel et preu avez acointe. » 7°^
Et celé respont simplement ;
« Je ne sai quel acointement
vous penssez, ma dame, por voir,
que talent n'ai d'ami avoir 712
qui ne soit del tout a l'onor
et de moi et de mon seignor.
— Je l'otroi bien, dist la duchesse,
mes vous estes bone mestresse, 716
qui avez apris le mestier
du petit chienet afetier. »
Les dames ont oï le conte,
mes ne sevent a qoi ce monte ; 720
o la duchoise s'en revont
aus caroies que fêtes ont.
Et la chastelaine remaint :
li cuers li trouble d'ire et taint, 724
et li mue trestoz el ventre.
Dedenz une garderobe entre
ou une pucelete estoit
qui aus piez du lit se gisoit, 72»
mes ele ne la pot veoir.
El lit s'est lessie cheoir
la chastelaine moût dolente ;
iluec se plaint et se démente, 752
et dist : « Ha ! sire Dieus, merci !
que pu€t estre que j'ai oï,
que ma dame m'a fet regret
que j'ai afetié mon çhienet ? 7}^
Ce ne set ele par nului,
ce sai je bien, fors par celui
cuij'amoie et trahie m'a;
ne ce ne li deïst il ja ^ 74»
24 LA CHASTELAINE DE VERGl
s'a li n'eùst grant acointance,
et s'il ne l'amast sanz doutance
plus que moi cui il a trahie.
Bien voi que il ne m'aime mie, 744
quant il me faut de couvenant,
douz Dieus ! et je l'amoie tant
comme riens peùst autre amer,
qu'aillors ne pooie pensser 748
nis une eure ne jor ne nuit !
Quar c'ert ma joie et mon déduit,
c'ert mes delis, c'ert mes depors,
c'ert mes solaz, c'ert mes confors. 752
Comment a lui me contenoie
de pensser, quant je nel veoie !
Ha ! amis, dont est ce venu ?
Que poëz estre devenu, 7>6
qui vers moi avez esté faus ?
Je cuidois que plus loiaus
me fussiez, si Dieus me conseut,
que ne fu Tristans a Yseut ; 760
plus vous amoie la moitié,
si Dieus ait ja de moi pitié,
que ne fesoie moi meismes.
Onques avant ne puis ne primes 764
en penssé n'en dit ne en fet,
ne fis ne poi ne grant mesfet
par qoi me deûssiez haïr
ne si vilainement trahir 768
comme a noz amors depecier
por autre amer et moi lessier,
et descouvrir nostre conseil.
Hé ! lasse ! amis, moût me merveil, 772
que k miens cuers, si m'ait Dieus,
ne fu onques vers vous itieus,
quar, se tout le mont et neïs
tout son ciel et son paradis 776
me donast Dicus, pas nel preïsse
par couvenant que vous perdisse ;
quar vous estiiez ma richece
et ma santez et ma leece ; 780
ne riens grever ne me peùst
tant comme mes las cuers seûst
que li vostresde riens m'amast.
Ha ! fine amor! et qui penssast 784
que cist feïst vers moi desroi,
qui disoit, quant il ert o moi
et je faisoie mon pooir
de fere trestout son voloir, 788
qu'il ert toz miens et a sa dame
me tenoit et de cors et d'ame ?
et le disoit si doucement
que le creoie vraiement, 792
ne je ne penssaisse a nul fuer
qu'il peùst trover en son cuer
envers moi corouz ne haine
por duchoise ne por roïne ; 796
qu'a lui amer estoit si buen
qu'a mon cuerprenoie le suen.
De lui me penssoie autressi
qu'il se tenoit a mon ami 800
toute sa vie et son eage;
quar bien connois a mon corage,
s'avant morust, que tant l'amaisse
que après lui petit duraisse, 804
qu'estre morte o lui me fust mieus
que vivre si que de mes ieus
Chast. dt Vergi. <;
ne le veïsse nule foiz.
Ha ! fine amor ! est ce donc droiz «08
que il a ainsi descouvert
nostre conseil ? dont il me pert,
qu'a m'anior otroier li dis
et bien en couvenant li mis 8ia
que a celé eure me perdroit
que nostre amor descouvreroit.
Et quant j'ai avant perdu lui,
ne puis, après itel anui. 816
vivre sanz lui por cui me dueil
ne je ne quierne je ne vueil ;
ne ma vie ne me plest point,
ainz pri Dieu que la mort me doinst, 820
et que, tout ausi vraiement
com je ai aimé lëaument
celui qui ce m'a porchacié,
ait de l'ame de moi pitié, 824
et a celui qui a son tort
m'a trahie et livrée a mort
doinst honor, et je li pardon.
Ne ma mort n'est se douce non, 838
ce m'est avis, quant de lui vient ;
et quant de s'amor me sovient,
por lui morir ne m'est pas paine. »
Atant se tut la chastelaine 832
fors qu'ele dist en souspirant :
« Douz amis, a Dieu vous commant! »
A cest mot de ses braz s'estraint,
li cuers li faut, li vis li taint : 856
angoisseusement s'est pasmee,
et gist pale et descoloree
en mi le lit, .morte sanz vie.
Mes ses amis ne le set mie 840
qui se deduisoit en la sale
a la carole et dansse et baie ;
mes ne li plest riens qu'il i voie,
quant celé a cui son cuer s'otroie .S44
n'i voit point, dont moût se merveille ;
si a dit au duc en l'oreille :
« Sire, qu'est ce que vostre nièce
est demoree si grant pièce 848
que n'est aus caroles venue?
Ne sai se l'avez mise en mue. »
Et li dus la carole esgarde,
qui de ce ne s'estoit pris garde : 852
celui a soi par la main trait,
et droit en la chambre s'en vait ;
et quant ilueques ne la trueve,
au chevalier commande et rueve 8s6
qu'en la garderobe la quiere,
quar il le veut en tel manière,
por leenz entr'eus solacier
com d'acoler et de besier. 860
Et cil qui li en sot hauz grez
est en la garderoW entrez
ou s'amie gisoit eaverse
el lit, descoloree et perse. 864
Cil maintenant l'acole et baise,
qui bien en ot et lieu et aise ;
mes la bouche a trovee froide
et partout bien pale et bien roide, 868
et au samblanl que li cors moustre
voit bien qu'ele est morte tout outre.
Tantost toz esbahiz s'escrie :
« Qu'est ce ? las ! est morte m'amie ?» «72
Et la pucelc sailli sus
qui aus piez du lit gisoit jus,
et dist : « Sire, ce croi je bien
qu'ele soit morte, qu'autre rien 876
ne demanda puis que vint ci,
por le corouz de son ami
dont ma dame l'ataïna
et d'un chienet la ramposna, 880
dont li corouz li vint morteus, »
Et quant cil entent les mos teus,
que ce qu'il dist au duc l'a morte,
sanz mesure se desconforte : 884
« Ha! las! dist il, ma douce amor,
la plus cortoise et la meillor
c'onques fust et la plus loial,
comme trichierres desloial 888
vous ai morte ! Si fust droiture
que sor moi tornast l'aventure,
si que vous n'en eussiez mal ;
mes cuer aviiez si loial " 892
que sor vous l'avez avant prise.
Mes je ferai de moi justise
por ia trahison"'que j'ai fête. »
Une espee du fuerre a trete 896
qui ert pendue a un espuer,
et s'en feri par rai le cuer :
cheoir se lest sor l'autre cors ;
tant a sainié que il est mors. 900
Et la pucele est hors saillie, quant ele vit les cors sanz vie :
hidor ot de ce qu'ele vit.
Au duc qu'ele encontra a dit 964
ce qu'ele a oï et veù
si qu'ele n'i a riens teù,
comment l'afere ert commencié,
neïs du chienet afetié 908
dont la duchoise avoit parlé.
Ez vous le duc adonc dervé :
lout maintenant en la chambre entre,
au chevalier trest fors du ventre 912
l'espee dont s'estoit ocis.
Tantost s'est a la voie mis
grant oirre droit a la carole,
sanz plus tenir longue parole, 9«6
de maintenant a là duchesse ;
si li a rendu sa promesse,
que el chief li a embatue
l'espee que il tenoie nue, 920
sanz parler, tant estoit iriez.
La duchoise chiet a ses piez,
voiant toz ceus de la contrée,
dont fu la feste moût troublée 924
des chevaliers qui la estoient,
qui grant joie menée avoient.
Et li dus trestout ausi tost,
oiant toz, qui oïr le vost, 928
dist tout l'afere en mi la cort.
Lors n'i a celui qui n'en plort,
et nommeement quant il voient
les deus amanz qui mort estoient, 932
et la duchoise d'autre part ;
a duel et a corouz départ
la cort et a meschief vilain.
Li dus enterrer l'endemain 916
tist les amanz en un sarqueu,
et la duchoise en autre leu.
Mes de Taventure ot tel ire
c'onques puis ne l'oï on rire ; 940
errant se croisa d'outre mer,
ou il ala sanz retorncr,
si devint ilueques Templier.
Ha ! Dieus ! trestout cest encombrier 944
et cest meschief por ce avint
qu'au chevalier tant mesavint
qu'il dist ce que celer devoit
et que desfendu li avoit 948
s'amie qu'il ne le deïst,
tant com s'amor avoir vousist.
Et par cest example doit l'en
s'amor celer par si grant sen 952
c'on ait toz jors en remembrance
que li descouvrirs riens n'avance
et li celers en toz poins vaut.
Qui si le fet, ne crient assaut 95^
des faus félons enquereors
qui enquierent autrui amors.
EXPLICIT LA CmASTELAINE DE VeRGI.
