V. 'y^6-6io

et trichieires et desloiaus,

qui moi moustrez samblant d'amor,

n'onques ne m'amastes nul jor ; j8o

et j'ai esté lonc tens si foie

que j'ai creû vostre parole,

que soventes foiz disiiez

que de cuer loial m'amiiez ; 584

mes hui m'en sui aperceûe

que j'en ai esté deceùe. »

Et li dus dist : o. Et vous, a qoi ?

— Ja me déistes, par ma foi, ^8* fet celé qui a mal i bee,

que je ne fusse si osée

que je vous enqueisse rien

de ce que or savez vous bien ? $92

— De qoi, suer, •savez vous, por Dé ?

— De ce que cil vous a conté, fet ele, mençonge et aryoire,

qu'il vous a fet pensser et croire. $96

Mes de ce savoir ne me chaut,

que j'ai penssé que petit vaut

a vous amer de cuer loial :

que c'onques fust ou bien ou mal, 600

mes cuers riens ne vit ne ne sot

que ne seûssiez ausi tost ;

et or voi que vous me celez,

vostre merci, les voz penssez. 604

Si sachiez ore sanz doutance

que ja mes n'avrai tel fiance

en vous, ne cuer de tel manière

com j'ai eu ça en arrière. » 608

Lors a commencié a plorer

la duchoise et a souspirer,

et s'esforça plus qu'ele pot.

Et li dus tel pitié en ot 612

qu'il li â dit : « Ma bêle suer,

je ne soufFerroie a nul fuer

ne vostre corouz ne vostre ire ;

mes, sachiez, je ne puis pas dire 616

ce que volez que je vous die

sanz fere trop grant vilonie. »

Ele respont isnel le pas :

« Sire, si ne m'en dites pas, 620

quar "je voi bien a cel samblant

qu'en moi ne vous liez pas tant

que celaisse vostre conseil ;

et sachiez que moût me merveil : 624

aine n'oïstfes grant ne petit

conseil que vous m'eussiez dit,

dont descouvers fussiez par moi ;

et si vous di en bone foi, 628

ja en ma vie n'avendra. »

Quant ce ot dit, si replora ;

et li dus si l'acole et bese,

et est de son cuer a malese, 6^2

si que plus ne se pot tenir

de sa volenté descouvrir.

Puis si li a dit : « Bêle dame,

je ne sai que face, par m'ame, 636

que tant m'afi en vous et croi

que chose celer ne vous doi

que li miens cuers sache ne of;

mes, je vous pri, n'en parlez mot : 640

sachiez, et itant vous en di,

que, se je sui par vous trahi,

vous en receverez la mort. »