V. 74i-8oé

ne fu onques vers vous itieus,

car, se tout le mont et neïs

tout son ciel et son paradis 776

me donast Dieus, pas nel preïsse

par couvenant que vous perdisse ;

quar vous estiiez ma richece

et ma santez et ma leece ; 780

ne riens grever ne me peûst

tant comme mes las cuers seùst

que li vostres de riens m'amast.

Ha ! fine amor ! et qui penssast 784

que cist feïst vers moi desroi,

qui disoit, quant il ert o moi

et je fesoie mon pooir

de fere trestout son voloir, 788

qu'il ert toz miens et a sa dame

me tenoit et de cors et d'ame ;

et le disoit si doucement

que le creoie vraiement, 792

ne je ne penssaisse a nul fuer

qu'il peûst trover en son cuer

envers moi corouz ne haïne

por duchoise ne por roïne ; 796

qu'a lui amer estoit si buen

qu'a mon cuer prenoie le suen.

De lui me penssoie autressi

qu'il se tenoit a mon ami X 800

toute sa vie et son eage,

quar bien connois a mon corage,

s'avant morust, que tant l'amaissc

que après lui petit duraisse, 804

qu'estre morte o lui me fust mieus

que vivre si que de mes ieus

Clbasl. de Vergi. 5

ne le veïsse nule foiz.

Ha ! fine amor ! est ce donc droiz 808

que il a ainsi descouvert

nostre conseil ? dont il me pert,

qu'a m'amor otroier li dis

et bien en couvenant li mis 812

que a celé eure me perdroit

que nostre amor descouvreroit.

Et quant j'ai avant perdu lui,

ne puis, après itel anui, 816

vivre sanz li por qui me dueil

ne je ne quier ne je ne vueil ;

ne ma vie ne me plest point,

ainz pri Dieu que la mort me doinst, 820

et que, tout ausi vraiement

com je ai amé lëaument

celui qui ce m'a porchacié,

ait de l'ame de moi pitié, 824

et a celui qui a son tort

m'a trahie et livrée a mort

doinst honor, et je li pardon.

Ne ma mort n'est se douce non, 828

ce m'est avis, quant de lui vient ;

et quant de s'amor me sovient,

por lui mofir ne m'est pas paine. »

Atant se tut la chastelaine 852

fors qu'ele dist en souspirant :

« Douz amis, a Dieu vous commant ! »

A cestmot de ses braz s'estraint,

li cuers li faut, li vis li taint : 856

angoisseusement s'est pasmee,

et gist pale et descoloree

en mi le lit, morte sanz vie.

Mes ses amis ne le set mie 840

qui se deduisoit en la sale

a la carole et dansse et baie ;

mes ne li plest riens qu'il i voie,

quant celé a cui son cuer s'otroie 844

n'i voit point, dont moût se merveille ;

si a dit au duc en l'oreille :

« Sire, qu'est ce que vostre nièce

est demoree si grant pièce, 848

que n'est aus caroles venue ?

Ne sai se l'avez mise en mue. »

Et li dus la carole esgarde,

qui de ce ne s'estoit pris garde : 852

celui a soi par la main trait,

et droit en la chambre s'en vait ;

et quant ilueques ne la trueve,

au chevalier commande et rueve 856

qu'en la garderobe la quiere,

quar il le veut en tel manière,

por leenz entr'eus solacier

com d'acoler et de besier. 860

Et cil qui li en sot hauz grez

est en la garderobe entrez

ou s'amie gisoit enverse

el lit, descolouree et perse. 864

Cil maintenant l'acole et baise,

qui bien en ot et lieu et aise ;

mes la bouche a trovee froide

et partout bien pale et bien roide, 868

et au samblant que li cors monstre

voit bien qu'ele est morte tout outre.

Tantost toz esbahiz s'escrie :

« Qu'est ce ? las ! est morte m'amie ? » 872

Et la pucele sailli sus

qui aus piez du lit gisoit jus,

et dist : « Sire, ce croi je bien

qu'ele soit morte, qu'autre rien 876

ne demanda puis que vint ci,

por le corouz de son ami

dont ma dame l'ataïna

et d'un chienet la ramposna, 880

dont li corouz li vint morteus. »

Et quant cil entent les mos teus

que ce qu'il dist au duc l'a morte,

sanz mesure se desconforte : 884

« Ha ! las ! dist il, ma douce amor,

la plus cortoise et la meillor

c'onques fust et la plus loial,

comme trichierres desloial 888

vous ai morte ! Si fust droiture

que sor moi tornast l'aventure,

si que vous n'en eussiez mal ;

mes cuer aviiez si loial 892

que sor vous l'avez avant prise.

Mes je ferai de moi justise

por la trahison que j'ai fête. »

Une espee du fuerre a trete 896

qui ert pendue a un espuer,

et s'en feri par mi le cuer :

cheoir se lest sor l'autre cors ;

tant a sainié que il est mors. 900

Et la pucele est hors saillie, quant ele vit les cors sanz vie :

hidor ot de ce qu'ele vit.

Au duc qu'ele encontra a dit 904

ce qu'ele a oï et veû

si qu'ele n'i a riens teû,

comment l'afere ert commencié,

neïs du chienet afetié 908

dont la duchoise avoit parlé.

Ez vous le duc adonc dervé :

tout maintenant en la chambre entre,

au chevalier trest fors du ventre 912

l'espee dont s'estoit ocis.

Tantost s'est a la voie mis

grant oirre droit a la carole,

sanz plus tenir longue parole, 916

tout maintenant a la duchesse ;

si li a rendu sa promesse,

que el chief li a embatue

l'espee que il tenoit nue, 920

sanz parler, tant estoit iriez.

La duchoise chiet a ses piez,

voiant toz ceus de la contrée,

dont fu la feste moût troublée 924

des chevaliers qui la estoient,

qui grant joie menée avoient.

Et li dus trestout ausi tost,

oiant toz, qui oïr le vost, 928

dist tout l'afere en mi la cort.

Lors n'i a celui qui n'en plort,

et nommeement quant il voient

les deus amanz qui mort estoient, 932

et la duchoise d'autre part ;

a duel et a corouz départ

la cort et a meschief vilain.

Li dus enterrer l'endemain 936

fîst les amanz en un sarqueu,

et la duchoise en autre leu.

Mes de l'aventure ot tele ire

c'onques puis ne l'oï on rire ; 940

errant se croisa d'outre mer,

ou il ala sanz retorner,

si devint ilueques Templiers.

Ha ! Dieus ! trestous cilz encombriers 944

et cis meschiés por ce avint

qu'au chevalier tant mesavint

qu'il dist ce que celer devoit

et que desfendu li avoit 948

s'amie qu'il ne le deïst

tant com s'amor avoir vousist.

Et par cest example doit l'en

s'amor celer par si grant sen 952

c'on ait toz jorsen remembrance

que li descouvrirs riens n'avance

et li celers en toz poins vaut.

Qui si le fet, ne crient assaut 956

des faus félons enquereors

qui enquierent autrui amors.