LA CHASTELAIXE DE VERGI
qu'a la nièce le duc parost
qu'ele li dira ausi tost,
ne ja ne cèlera tel chose
ou félonie avra enclose. 680
Mes aine en point n'en lieu n'en vint
tant que la Pentecouste vint
qui après fu, a la première
que li dus tint cort moût pleniere, 684
si qu'il envoia par tout querre
toutes les dames de la terre,
et sa nièce tout premeraine
qui deVergiert chastelaine. 688
Et quant la duchoise la vit,
tantost toz li sans li fremist,
com celé del mont que plus het.
Mes son corage celer set : • 692
si li a fet plus bel atret
c'onques devant ne li ot fet ;
mes moût ot grant talent de dire
ce dont ele ot au cuer grant ire, 696
et la demeure moût li couste.
Por ce, le jor de Pentecouste,
quant les tables furent ostees,
en a la duchoise menées 7(ki
les dames en sa chambre o soi
por eles parer en reqoi
por venir cointes aus caroles.
Lors ne pot garder ses paroles 704
la duchoise qui vit son leu,
ainz dist ausi comme par geu :
« Chastelaine, soiez bien cointe,
quar bel et preu avez acointe. » 708
Et celé respont simplement :
« Je ne sai quel acointement
vous penssez, ma dame, por voir,
que talent n'ai d'ami avoir 712
qui ne soit del tout a l'onor
et de moi et de mon seignor.
— Je l'otroi bien, dist la duchesse,
mais vous estes bone mestresse, 716
qui avez apris le mestier
du petit chienet afetier . »
Les dames ont 01 le conte, "mes ne sevent a qoi ce monte; 720
o la duchoise s'en revont
aus caroles que fêtes ont.
Et la chastelaine remaint :
li cuers li trouble d'ire et taint, 724
et li mue trestoz el ventre.
Dedenz une garderobe entre
ou une pucelete estoit
qui aus piez.du lit se gisoit, 728
mes ele ne la pot veoir.
El lit s'est lessie cheoir
la chastelaine moût dolente ;
iluecse plaint et se démente, 732
et dist : « Ha ! sire Dieus, merci !
que puet estre que j'ai oï
que ma dame m'a fet regret
que j'ai afetié mon chienet ? 736
Ce ne set ele par nului,
ce sai je bien, fors par celui
cui j'amoie et trahie m'a ;
ne ce ne li deïst il ja 740
s'a li n'eûst grant acointance,
et s'il ne l'amast sanz doutance
plus que moi cui il a trahie.
Bien voi que il ne m'aime mie, 744
quant il me faut de couvenant,
douz Dieus ! et je l'amoie tant
comme riens peiist autre amer,
qu'aillors ne pooie pensser 748
nis une eure ne jor ne nuit !
Quar c'ert ma joie et mon déduit,
c'ert mes delis, c'ert mes depors,
c'ert mes solaz, c'ert mes confors. 752
Gomment a lui me contenoie
de pensser, quant je nel veoie !
Ha ! amis, dont est ce venu ?
Que poëz estre devenu, 756
qui vers moi avez esté faus ?
Je cuidoie que plus loiaus
me fussiez, se Dieus me conseut,
que ne fu Tristans a Yseut ; 760
plus vous amoie la moitié,
se Dieus ait ja de moi pitié,
que ne fesoie moi meïsmes ;
onques avant ne puis ne primes 764
en penssé n'en dit ne en fet,
ne fis ne poi ne grant mesfet
par qoi me deùssiez haïr
ne si vilainement trahir 768
comme a noz amors depecier
por autre amer et moi lessier,
et descouvrir nostre conseil. "^
Hé ! lasse ! amis, moût me merveil, 77a
que li miens cuers, si m'ait Dieus,
