CHAPITRE II

Comment un escuier d'Àrragon , nommé Michel d'Oru, envoia en Angleterre lectres pour faire ormes , et la respouse qu'il eut d'un cbevalier dudit paya d'Angleterre.

Au commencement de cest an mil quatre cens, furent envoiées ou royaume d'Angleterre unes lectres par ung escuier du royaume d'Arragon, nommé Michel d'Oris , desquelles la teneur s'ensuit :

« Ou nom de Dieu , et de la benoiste vierge Marie , de saint Michel et de saint Georges, je, Michel d'Oris, pour mon nom exaulcer, sachant certainement la renommée des proesses de la chevalerie d'Angleterre, ay, au jour de la dale de ces présentes, prins ung tronçon de grève 1 à porter à ma jambe jusques à tant qu'un chevalier dudit royaume d'Angleterre m'en aura délivré , à faire les armes qui s'ensuivent : premièrement, d'entrer en place à pié, et d'estre armé chascun ainsi que bon lui semblera , et d'avoir chascun sa dague et son espée sur son corps , en quelque lieu qu'il lui plaira , aiant chascun une hache , dont je bailleray la longueur : et sera le nombre des cops de

rx. Jean de France, né le 31 août 1398, mort le 4 ou 5 avril