CHAPITRE XLVL

Comment Tarcevcsque de Reims appella des constiîueions faictes à Paris

par l'Université.

En ce temps mesmes , Guy de Roye, arcevesque de Reims, qui très espécialement avoit esté mandé à Paris <le par le Roy pour estre au conseil des prélas qui là se tenoit pour l'union de l'universelle Eglise, n'y ala, ne envoya. Et avecques ce ne volt point bailler son

[i408J D'ENGL'ERRAN DE MONSTRELET. 349

consentement audit conseil, mais par ung sien chappellain et procureur par lui envoyé , à tout ses lectres seellées de son seel et signées de son seing manuel et corroborées par ung publique notaire, appella d'icellui conseil et de toutes les ordonnances et estatus d'icellui fais et à faire, tant pour lui et sa diocèse, comme pour sa province et subjectz. De laquelle appellacion , le Roy et tout le clergié furent très mal contens, et pour tant, prestement, à l'instance et requesle de l'Université de Paris, ledit procureur fut prins et mené prisonnier en une cruelle cliartre où il fut moult longuement. Ouquel temps , le cardinal de Bordeaulx , natif d'Angleterre *, vint à Paris , en partie pour ladicte union de l'Eglise. Et adonc retournoient audit lieu de Paris, maistre Pierre Paoul et le patriarche d'Àlixandre nommé maistre Simon Cramault, lesquelz deux avoient esté envoyez en Ytalie comme ainbaxadeurs du roy de France et de l'Université de Paris aux deux contendans à la papalité, desquelz les prélats assemblez au conseil dessusdit désiroient grandement la venue afin qu'ilz feussent advertis par iceulx de aucunes besongnes qu'ilz avoient à faire. Lequel maistre Pierre Paoul, docteur eh théologie, chevauchoit moult souvent en habit de docteur avecques ledit cardinal , tout d'un lez comme chevauchent les nobles femmes. Devant lesquelz cardinal et docteur, l'abbé de Cauldebecque, de l'ordre de Cisteajulx, proposa de par l' Université pour l'union de l'Eglise. Et après, icellui

i . « Ce cardinal estoit nalif d'Urbin en Italie et non d'Angleterre. En 1409 il prenoit encore qualité de cardinal de Bonrdeaux. C'est pomquoy je crois qu'il faut rayer le mot natif. » {Notes de Dueange.)

cardinal, lui parlant de Paris, par Boulongne sur mer s'en ala à Calais , et puis en Angleterre au concile qui dedens brief temps y devoit estre assemblé. Et lors l'abbé de Saint-Denis et ung docteur en théologie, qui estoient en prison au Louvre par le commandement du Roy, furent mis dehors à la requeste du cardinal de Bar, et furent du tout délivrez contre la voulenté de l'Université de Paris. Et pareillement, maistre Pierre dAilly, excellent docteur en théologie , évesque de Cambray, lequel estoit arresté à l'instance de ladicte Université pour tant qu'il n'estoit point à elle favorable , fut aussi délivré par le pourchas du conte Waleran de Saint-Pol et du grant conseil du Roy.

Si estoient lors par toutes les parties de chrestienté grans divisions entre les gens d'église par le moien des deux contendans à la papalité , lesquelz on ne povoit concorder, ne faire renoncer à l'Église universelle.