septembre

pour aler contre iceujx et les rencontrer. Et quant ilz eurent chevauché environ demie lieue ilz les apperceurent tout à plain , et aussi les povoient veoir lesdiz Liégois estans assez près de Tongres. Et adonc s'approuchèrent assez près les ungs des autres, et se mirent les deux ducs et toutes leurs gens, à pie, en une place assez avantageuse, pensans que lesdiz Liégois venroient à eulx pour les envayr, et ne firent que une seule bataille afin de mieulx soustenir le fès de leurs adversaires, laissans derrière eulx leurs chevaulx, chariotz et charètes, et mirent par manière de eles 1 grant partie d'archers et d'arbalestriers. Lesquelz archers conduisi ce jour très sagement, de par le duc de Bourgongne , le sire de Miraumont. Lequel duc de Bourgongne estoit à destre de la bataille, et le duc Guilleume à senestre , chascun d'iceulx ducs acompaigné de ses gens. Et là, après qu ilz eurent fait leurs ordonnances et mis leurs gens en conduite selon l'opinion des plus expers de la compaignie , furent fais de ceste partie grant quantité de nouveaulx chevaliers. Et assez tost après les dessusdiz Liégois, enflez et remplis d'orgueil, réputans lesdiz ducs et leurs gens peu de chose, s'approuchèrent assez près d'iceulx , et eulx traians , sur le droit lez , vers une place haulte nommée communément le Champ du Comble de Hasebain , et là s'arrestèrent en moult belle ordonnance, aians avecques eulx l'estandart Saint-Lambert et plusieurs bannières de leurs mestiers. Et la cause pour quoy là s'arrestèrent , si fut pour ce que les plus anciens de leurs gens disoient qu'en ce mesme lieu leurs ancestres avoient