I. Isabelle, veuve de Richard II

[1408J D'KNGLERRAN DE MO.NSTRELLT. 3£9

de point en point toute la manière et eonduicte qui a voit esté faicte. Pour lesquelles nouvelles, plusieurs qui paravaut avoient esté fort enclins et volentifz de eulx monstrer en rigueur au dessusdit duc de Bourgongne, commencèrent à baisser les testes et estre d'opinion contraire que paravant avoient esté, doubtans la constance, hardiesse et puissance que avoit lors icellui duc, lequel, comme on leur disoit, estoit reconforté, à tous périlz, fortunes et aventures qui lui pourroient advenir, de résister contre tous ceulx généralment qui se vouldroient trouver ses adversaires. Et à la vérité , tantost après , toutes les conclusions qui paravant avoient esté prinses contre lui furent mises à néant et dérompues , sans icelles poursuir ne mectre à effect. Et fut ordonné que toutes gens de guerre s'en retourneroient ès pays dont ilz estoient venus.

Et adonc les ambaxadeurs de Henry de Lenclastre , roy d'Angleterre qui estoient venus à Paris devers le roy de France pour impétrer trêves durant ung an entier, lesquelles ilz obtinrent, s'en retournèrent dudit lieu de Paris, par Amiens, à Boulongne sur la mer et delà à Calais. Ouquel chemin , de rechef oyrent nouvelles de la victoire que ledit duc de Bourgongne avoit eue en Liège , comme dessus est dit , dont ilz se donnèrent grant merveille , et le nommèrent Jean Sans- Paour.

Lequel duc de Bourgongne, en ce temps, estoit moult curieux et ententif de actraire de son parti plusieurs nobles hommes et gens de guerre de tous ses pays , à fin de se fortifier contre ses adversaires , des-