CHAPITRE XLVIII

Comment grande assemblée fut faicte pour procéder contre le duc de Bourgougne , et comment tout fut délaissé pour les nouvelles de la victoire qu'il avoit eue contre les Liégois. •

Or est ainsi que durant le voiage que fist le duc de Bourgongne ou pays de Liège, comme dessus est dit , s'assemblèrent à Paris au mandement du Roy très grant nombre de seigneurs , c'estassavoir le roy de Cécile, Charles, roy de Navarre, le duc de Bretaigne, le duc de Bourbon , avec plusieurs autres , lesquelz , pour la plus grant partie, estoient aidans et favorables à la duchesse d'Orléans doagère 1 et ses enfanspour la mort du feu Loys, duc d'Orléans. Et furent tenus plu-

i. Valentine de Milan.

sieurs consaulx sur cette matière pour savoir comment le Roy se auroit à gouverner à l'encontre du duc Jehan de Bourgongne , qui estoit principal facteur de cest homicide , comme en autre lieu est plus h plain déclairé. Esquelz consaulx finablement fut conclud qu'on procéderoit contre lui en toute rigueur selon les termes de justice, et que , se il ne vouloit obéir, le Roy, tous ses vassaulx et subgetz , se mectroient sus , à tout la plus grant puissance qu'ilz pourroient finer, et yroit contre lui pour le subjuguer et tous ses aidans. Et mesmement , en ces propres jours , au pourchas de ladicte duchesse d'Orléans et ses enfans, en la présence de la Royne, du duc d'Acquitaine et de tons Jes princes là estans avecques le conseil royal , le Roy révoqua et adnulla du tout les lectres de pardon qu'il avoit autre foiz données et octroiées à icellui duc de Bourgongne pour la mort dudit défunct, et icelles juga estre de nulle valeur. De laquelle révocacion , ladicte duchesse , pour elle et sesdiz enfans, demanda lectres, lesquelles elle obtint. Et tantost après, se parti de Paris, avec elle sa "belle fille , femme au jeune duc d'Orléans *, et retourna à Blois. Et tost après vindrent certaines nouvelles devers le Roy et tous les seigneurs estans à Paris, comment le duc de Bourgongne avoit victorieusement desconfit les Liégois. Et retournèrent devers le dessusdit roy de France les ambaxadeurs qu'il avoit envoiez devers lui, c'estassavoir messire Guichard Daulphiu , et messire Guillaume de Tignonville, dont dessus est faicte mencion, lesquelz, comme dit est, a\ oient esté en ceste besongne. Et racontèrent