CHAPITRE IX
Comment Loys, duc d'Orléans , frère du roy de France , envoya lectre* au roy Henry d'Angleterre pour faire armes, et de la response qu'il eut.
En Tan mil quatre cens et deux , Loys , duc d'Orléans , frère du rov de France , envoia unes lectres pour faire armes, au roy Henry d'Angleterre, dont la teneur s'ensuit :
« Très hault et puissant prince , Henry, roy d'Angleterre , je , Loys , par la grâce de Dieu , filz et frère des roys de France , vous escrips et faiz savoir par
\ . L'an i kOO , le duc d'Orléans avait acheté la seigneurie de Coucy de Marie de Coucy, veuve de Henri , duc de Bar.
kk CHRONIQUE [1402]
moy, qu'à l'aide de Dieu, de la benoiste Trinité, pour le désir que j'ay de venir à honneur, l'emprinse que je pense que vous devez avoir pour venir à proesse en regardant l'oisiveté en quoy plusieurs seigneurs se sont perdus, extrais de royale lignée, quant en fais d'armes ne s'emploient , jeunesse qui mon cuer requiert d'emploier en aucuns fais pour acquérir honneur et bonne renommée , me fait penser à, de présent, commencer à faire le mestier d'armes. Plus honnorablement ne le pourroie acquérir, tout regardé , que d'estre en lieu , à ung jour advisé tant de vous comme de moy, et en une place comme nous feussions nous deux acompaignez de cent , tant chevaliers que escuiers de nom et d'armes et sans aucun reprouche, tous gentilz hommes, et nous combatre jusques au rendre. Et, à qui Dieu donra la grâce d'avoir la victoire, le jour, chascun chez soy comme son prisonnier pourra mener son compaignon pour en faire sa voulenté. Et si ne porterons sur nous quelque chose qui tourne à sort ou iuvocacion quelconques qui de l'Eglise soit défendue. Et n'y aura traict en ladicte bataille , fors que chascun se aidera du corps que Dieu lui a presté, armé comme bon lui semblera , tant à l'un costé comme à l'autre, pour sa seureté , aians bastons acoustumez. C'est assavoir lance, hache, espée et dague, et chascun de tel avantage comme besoin g et mestier sera pour sa seureté et pour soy aider, sans avoir alênes , broches , crocqs, poinçons, fers barbelez, aguilles, pointes envenimées, ne rasoirs; comme pourra estre advisé par gens eu ce congnoissans , qui seront à ce ordonnez tant d'une partie comme d'autre, avec toutes les seuretez qui en ce cas sont neccessaires.
[1402] DENGUERRAN DE MONSTRELET. 4»
Et pour venir à l'effect (ficelle journée désirée , je vous fais assavoir, qu'à l'aide de Dieu, de Nostre Dame et de monseigneur saint Michel, vostre voulenté sceue, je vouldroie bien estre, acompaigné du nombre dessusdit, en ma ville et cité d'Angoulesme, pouracomplir à l'aide de Dieu ce que dit est. Or m'est advis, que se vostre courage est tel que je pense pour ce fait acompiir, vous pourrez venir jusques à Bordeaulx, et là, es marches nous deux, nous trouverons, pour oultrer nostre journée qui pourra estre advisée tant de vos gens comme des miens commis à ce aians pleine puissance comme se nous y estions en nos propres personnes. Très hauit et puissant prince , mandez moy et faictes savoir en ce cas vostre voulenté pour acomplir les choses dessusdictes, et vueillez abréger le temps de en mander vostre plaisir. Car je pense que vous povez savoir que en tous faiz d'armes bien advisé le plus brief compte est le meilleur , principalement et généralement aux roys, aux princes et aux seigneurs, et en advisant tant par mandemens comme par escrips eu ceste emprinse n'en pourroit venir entre vous et moy que empeschement de fais neccessaires qui sont ou pevent estre en noz mains. Et pour ce , afin que vous sachez et congnoissez que ce que je vous escrips et mande je vueil acomplir à l'aide de Dieu , je me suis soubscript de ma propre main , et si ay seellé de nies propres armes ces présentes lectres, en mon chastel 1 , escriptes le vn e jour du mois d'aoust, Tan mil quatre cens et deux. »
